فوتو: قر تجم
قر سۋ رەسۋرستارى جەنە يرريگاتسييا مينيسترلٸگٸنٸڭ رەسمي ٶكٸلٸ مٶلدٸر ەبدۋاليەۆا قازاقستاندا تاسقىن سۋدى قالاي پايدالاناتىنىن ايتتى دەپ حابارلايدى "ۇلت اقپارات".
"قازسۋشار" مەكەمەسٸنٸڭ اتىراۋ وبلىسى بويىنشا فيليالى جايىق ٶزەنٸ ارقىلى كەلەتٸن تاسقىن سۋىن كاسپيي تەڭٸزٸنە باعىتتاۋ ٷشٸن قوسىمشا 14,5 شاقىرىم كانال قازىپ جاتىر. بۇل اتىراۋ قالاسى ارقىلى ٶتەتٸن سۋ كٶلەمٸن ازايتۋعا مٷمكٸندٸك بەرەدٸ.
باتىس قازاقستان وبلىسى بويىنشا «قازسۋشار» فيليالى جايىق-كٶشٸم سۋارۋ-سۋلاندىرۋ جٷيەسٸنەن قامىس-سامار كٶلدەرٸنە سۋ جٸبەرە باستادى. ايتا كەتۋ كەرەك, بۇل كٶلدەرگە سوڭعى 20 جىلدا سۋ بارماعان", -دەيدٸ مامان.
"2000 جىلدان بەرٸ العاش رەت توبىل ٶزەنٸندە سۋدىڭ كٶپ كەلگەنٸ بايقالدى. توبىل ٶزەنٸ كاسكادىنىڭ ٸرٸ سۋ قويمالارى تاسقىن سۋىن قاۋٸپسٸز ٶتكٸزۋدٸ قامتاماسىز ەتتٸ جەنە 92%-عا تولدى, بۇل وسىعان دەيٸنگٸ جىلدارمەن سالىستىرعاندا ەلدەقايدا ارتىق. وسىنىڭ ارقاسىندا سۋ قويمالارى ۇزاق ۋاقىت بويى ايماق تۇرعىندارىن قاجەتتٸ مٶلشەردە سۋمەن قامتاماسىز ەتە الادى", -دەيدٸ مٶلدٸر ەبدۋاليەۆا.
سونداي-اق مامان كەلەسٸ مەلٸمەتتەردٸ بەردٸ: استانا سۋ قويماسىنا جينالعان سۋ جىل بويى ەلوردا تۇرعىندارىن اۋىز سۋمەن قامتاماسىز ەتۋگە مٷمكٸندٸك بەرەدٸ. بىلتىر استانا سۋ قويماسىنداعى سۋ كٶلەمٸ قالانى اۋىز سۋمەن تولىق قامتاماسىز ەتۋگە جەتپەدٸ, وسىعان بايلانىستى سۋ قويماسىن ق.سەتباەۆ اتىنداعى كانالدان قوسىمشا سۋ جٸبەرۋگە تۋرا كەلدٸ. بۇل جۇمىس قىمباتقا تٷستٸ جەنە قۇنى 2 ملرد تەڭگەدەن اسادى.
اقمولا وبلىسىنداعى «الۆا» جەنە «كەڭبيدايىق»ليماندى سۋارۋ جٷيەلەرٸ 100%-عا تولدى. سونداي-اق, تسەلينوگراد اۋدانىنىڭ قوزىكٶش, مۇقىر جەنە قاراسۋ ٶزەندەرٸنٸڭ ارنالارى تولىق سۋ جينادى. قورعالىجىن قورىعىنىڭ تەڭٸز كٶلٸنە 1,5 ملرد تەكشە مەتر سۋ جٸبەرٸلدٸ.
باتىس قازاقستان وبلىسىندا جايىق ٶزەنٸنەن شامامەن 1 تەكشە شاقىرىم سۋ الۋعا قابٸلەتتٸ جايىق-كٶشٸم سۋارۋ جٷيەسٸنە سۋ جٸبەرۋ مٷمكٸندٸگٸ پايدا بولدى.
قاراعاندى وبلىسىنىڭ سۋ قويمالارى 100% تولدى. مۇندا جينالعان سۋ جىل بويى ايماق ەكونوميكاسىنىڭ قاجەتتٸلٸكتەرٸن تولىق قاناعاتتاندىرۋعا مٷمكٸندٸك بەرەدٸ.
ۇلىتاۋ وبلىسىنىڭ كەڭگٸر سۋ قويماسىنان العاش رەت سارىسۋ ٶزەنٸ ارقىلى قىزىلوردا وبلىسىنىڭ كٶلدەرٸنە سۋ جٸبەرٸلدٸ. قىزىلوردا وبلىسىنىڭ تەلٸكٶل كٶلدەر جٷيەسٸنٸڭ قارقىندى سۋ جيناۋى بايقالادى, بۇل ٶڭٸردٸڭ اۋىل شارۋاشىلىعىنا قولايلى ەسەر ەتۋٸ تيٸس.
الماتى وبلىسىنداعى قاپشاعاي سۋ قويماسىنا ترانسشەكارالىق ٸلە ٶزەننەن كەلگەن سۋ اعىنى بالقاش كٶلٸنە شامامەن 2,3 تەكشە شاقىرىم كٶلەمٸندە ەكولوگييالىق ماقساتتا سۋ جٸبەرۋدٸ قامتاماسىز ەتتٸ.
جامبىل وبلىسىنىڭ تاسٶتكەل سۋ قويماسىنان شۋ ٶزەنٸنە ەكولوگييالىق ماقساتتا سۋ جٸبەرٸلدٸ. بۇل سۋ سەۋٸر ايىنىڭ باسىندا تٷركٸستان وبلىسى سوزاق اۋدانىنا جەتتٸ. تاسٶتكەل سۋ قويماسىنان سۋ جٸبەرۋ جۇمىستارى 1 مامىرعا دەيٸن جالعاسادى, وسى ۋاقىت ٸشٸندە شۋ ٶزەنٸ ارقىلى سوزاق اۋدانىنا شامامەن 1 ملن تەكشە مەتر سۋ تٷسۋٸ تيٸس.
10 سەۋٸردەن باستاپ ەرتٸس ٶزەنٸنٸڭ سۋ قويمالارى كاسكادىنان تابيعاتتى قورعاۋ ٸس-شارالارىنا سۋ جٸبەرٸلە باستادى. بۇل پاۆلودار وبلىسىنىڭ اۋىل شارۋاشىلىعىنا قاجەتتٸ جەمشٶپ بازاسىمەن قامتاماسىز ەتۋگە مٷمكٸندٸك بەرەدٸ. سۋ قويمالارىنان جالپى كٶلەمٸ 6,3 ملرد تەكشە مەتر سۋ جٸبەرۋ جوسپارلانىپ وتىر.
