foto: QR TJM
QR Sý resýrstary jáne irrigatsiia ministrliginiń resmi ókili Móldir Ábdýalieva Qazaqstanda tasqyn sýdy qalai paidalanatynyn aitty dep habarlaidy "Ult Aqparat".
"Qazsýshar" mekemesiniń Atyraý oblysy boiynsha filialy Jaiyq ózeni arqyly keletin tasqyn sýyn Kaspii teńizine baǵyttaý úshin qosymsha 14,5 shaqyrym kanal qazyp jatyr. Bul Atyraý qalasy arqyly ótetin sý kólemin azaitýǵa múmkindik beredi.
Batys Qazaqstan oblysy boiynsha «Qazsýshar» filialy Jaiyq-Kóshim sýarý-sýlandyrý júiesinen Qamys-Samar kólderine sý jibere bastady. Aita ketý kerek, bul kólderge sońǵy 20 jylda sý barmaǵan", -deidi maman.
"2000 jyldan beri alǵash ret Tobyl ózeninde sýdyń kóp kelgeni baiqaldy. Tobyl ózeni kaskadynyń iri sý qoimalary tasqyn sýyn qaýipsiz ótkizýdi qamtamasyz etti jáne 92%-ǵa toldy, bul osyǵan deiingi jyldarmen salystyrǵanda áldeqaida artyq. Osynyń arqasynda sý qoimalary uzaq ýaqyt boiy aimaq turǵyndaryn qajetti mólsherde sýmen qamtamasyz ete alady", -deidi Móldir Ábdýalieva.
Sondai-aq maman kelesi málimetterdi berdi: Astana sý qoimasyna jinalǵan sý jyl boiy elorda turǵyndaryn aýyz sýmen qamtamasyz etýge múmkindik beredi. Byltyr Astana sý qoimasyndaǵy sý kólemi qalany aýyz sýmen tolyq qamtamasyz etýge jetpedi, osyǵan bailanysty sý qoimasyn Q.Sátbaev atyndaǵy kanaldan qosymsha sý jiberýge týra keldi. Bul jumys qymbatqa tústi jáne quny 2 mlrd teńgeden asady.
Aqmola oblysyndaǵy «Alva» jáne «Keńbidaiyq»limandy sýarý júieleri 100%-ǵa toldy. Sondai-aq, Tselinograd aýdanynyń Qozykósh, Muqyr jáne Qarasý ózenderiniń arnalary tolyq sý jinady. Qorǵalyjyn qoryǵynyń Teńiz kóline 1,5 mlrd tekshe metr sý jiberildi.
Batys Qazaqstan oblysynda Jaiyq ózeninen shamamen 1 tekshe shaqyrym sý alýǵa qabiletti Jaiyq-Kóshim sýarý júiesine sý jiberý múmkindigi paida boldy.
Qaraǵandy oblysynyń sý qoimalary 100% toldy. Munda jinalǵan sý jyl boiy aimaq ekonomikasynyń qajettilikterin tolyq qanaǵattandyrýǵa múmkindik beredi.
Ulytaý oblysynyń Keńgir sý qoimasynan alǵash ret Sarysý ózeni arqyly Qyzylorda oblysynyń kólderine sý jiberildi. Qyzylorda oblysynyń Telikól kólder júiesiniń qarqyndy sý jinaýy baiqalady, bul óńirdiń aýyl sharýashylyǵyna qolaily áser etýi tiis.
Almaty oblysyndaǵy Qapshaǵai sý qoimasyna transshekaralyq Ile ózennen kelgen sý aǵyny Balqash kóline shamamen 2,3 tekshe shaqyrym kóleminde ekologiialyq maqsatta sý jiberýdi qamtamasyz etti.
Jambyl oblysynyń Tasótkel sý qoimasynan Shý ózenine ekologiialyq maqsatta sý jiberildi. Bul sý sáýir aiynyń basynda Túrkistan oblysy Sozaq aýdanyna jetti. Tasótkel sý qoimasynan sý jiberý jumystary 1 mamyrǵa deiin jalǵasady, osy ýaqyt ishinde Shý ózeni arqyly Sozaq aýdanyna shamamen 1 mln tekshe metr sý túsýi tiis.
10 sáýirden bastap Ertis ózeniniń sý qoimalary kaskadynan tabiǵatty qorǵaý is-sharalaryna sý jiberile bastady. Bul Pavlodar oblysynyń aýyl sharýashylyǵyna qajetti jemshóp bazasymen qamtamasyz etýge múmkindik beredi. Sý qoimalarynan jalpy kólemi 6,3 mlrd tekshe metr sý jiberý josparlanyp otyr.
