بٷگٸن قازاقستان بويىنشا 2018 جىلعى مەملەكەتتٸك بٸلٸم گرانتى يەگەرلەرٸنٸڭ تولىق تٸزٸمٸ جارييالاندى. سونىمەن قاتار, قازاقستان ازاماتتارى بولىپ تابىلمايتىن, ۇلتى قازاق ازاماتتار ٷشٸن بٶلٸنگەن كۆوتامەن تٷسكەن بٸلٸم بەرۋ گرانتى يەگەرلەرٸنٸڭ دە تٸزٸمٸ بەلگٸلٸ بولدى, دەپ حابارلايدى "ۇلت اقپارات".
جالپى, بيىلعى جاڭا وقۋ جىلىندا گرانتتاردى شەتەلدەگٸ قازاق ۇلتىنىڭ 862 ٶكٸلٸ يەلەندٸ.
اتاپ ايتقاندا, ولاردىڭ اراسىندا باسىم بٶلٸگٸ, ياعني 290 ادام بٸلٸم بەرۋ ماماندىقتارىن, 242-سٸ تەحنيكالىق عىلىمدار جەنە تەحنولوگييالار سالاسىن تاڭداعان.
سونىمەن, ەتنيكالىق قازاق جاستارىنا ارنالعان بۇل باعىت بويىنشا ەڭ تٶمەنگٸ 25 بالمەن «دەنە شىنىقتىرۋ جەنە سپورت» ماماندىعىنا گرانتقا ٶتكەن تالاپكەر بار. بۇدان بٶلەك, 26 بالل جيناعان تاعى بٸر تالاپكەر «دەنە شىنىقتىرۋ جەنە سپورت» ماماندىعىنا, سونداي-اق وسىنداي كٶلەمدەگٸ ۇپايمەن بٸر تالاپكەر «مەكتەپكە دەيٸنگٸ وقىتۋ جەنە تەربيەلەۋ» ماماندىعىنا گرانتقا ٶتتٸ.
بۇدان بٶلەك, بۇل تٸزٸمدە ەڭ جوعارى 133 بالل جيناعان بٸر قانداسىمىز «تاسىمالداۋدى, قوزعالىستى ۇيىمداستىرۋ جҽنە كٶلٸكتٸ پايدالانۋ» ماماندىعىنا, سونىمەن قاتار 133 بالل العان ەكٸنشٸسٸ «جالپى مەديتسينا» باعىتىندا گرانتتى يەلەندٸ.
ەسكە سالا كەتسەك, بيىل ۇبت 167 پۋنكتتە ٶتكٸزٸلدٸ. سونىڭ ٸشٸندە كوللەدجدەر بازاسىندا - 3, جوعارى وقۋ ورىندارى بازاسىندا - 48, مەكتەپتەر بازاسىندا - 116 پۋنكت بولدى.
بيىل ۇبت تاپسىرۋعا 102447 ٶتٸنٸش بەرٸلدٸ. سونىڭ 77224-ٸ قازاق تٸلٸندە, 25177-سٸ ورىس, ال 46-سى اعىلشىن تٸلٸندە تاپسىرۋ نيەتٸن بٸلدٸرگەن. ٸس جٷزٸندە بيىل 98698 بٸتٸرۋشٸ ۇبت تاپسىردى, بىلتىر بۇل كٶرسەتكٸش 88583 بولاتىن.
ەسكە سالايىق, بٷگٸن, 6 تامىزدا بيىلعى بٸلٸم گرانتى يەگەرلەرٸنٸڭ تولىق تٸزٸمٸ جارييالانعان بولاتىن.
