قازمٷبب ۋنيۆەرسيتەتٸ ٶز قىزمەتٸن توقتاتتى. قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸنٸڭ بارلىق ستۋدەنتٸ باسقا مەديتسينالىق جوعارى وقۋ ورىندارىنا اۋىستىرىلدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
ۆەدومستۆو باسپاسٶز قىزمەتٸنٸڭ مەلٸمەتٸنشە, اۋىستىرۋ سوڭعى ەكٸ ايدا جٷزەگە اسىرىلدى. ەندٸ تٷلەكتەر وقۋىن جالعاستىرىپ, جوعارى بٸلٸم تۋرالى ديپلوم الادى. ەستەرٸڭٸزگە سالا كەتەيٸك, وسى جىلدىڭ سەۋٸر ايىندا قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸن باس ليتسەنزيياسىنان ايىرۋ تۋرالى سوت شەشٸمٸ زاڭدى كٷشٸنە ەنگەن.
«قازمٷببۋ-دا 3 500-گە جۋىق ادام بٸلٸم الدى. ستۋدەنتتەردٸڭ باسىم بٶلٸگٸ الماتى قالاسىنىڭ مەديتسينالىق جوعارى وقۋ ورىندارىنا اۋىستى. كەيبٸر ستۋدەنتتەر وقۋىن نۇر-سۇلتان, قاراعاندى, سەمەي, اقتٶبە, شىمكەنت جەنە تٷركٸستان قالالارىنداعى مەديتسينالىق جوو-لاردا جالعاستىرادى. اۋىسۋ بارىسىندا قابىلداۋشى جوعارى وقۋ ورىندارىنا ستۋدەنتتەردٸ قابىلداۋ جەنە وقۋ نەتيجەلەرٸن باعالاۋ كەزٸندە قازمٷببۋ تاراپىنان جٸبەرٸلگەن بۇزۋشىلىقتاردى جويۋعا تۋرا كەلدٸ. اۋىستىرىلعان 111 ستۋدەنتتٸڭ جەكە قۇجاتتارىندا تالاپ ەتٸلەتٸن اتتەستاتتار مەن ولارعا قوسىمشالار بولمادى. كەيبٸر ستۋدەنتتەردٸڭ ۇبت-داعى سەرتيفيكاتتارى دا بولعان جوق», - دەدٸ قر بعم بٸلٸم جەنە عىلىم سالاسىنداعى ساپانى قامتاماسىز ەتۋ كوميتەتٸ تٶراعاسىنىڭ ورىنباسارى گٷلجان جاراسوۆا.
سونداي-اق ستۋدەنتتەردٸ باسقا جوعارى وقۋ ورىندارىنا اۋىستىرۋ كەزٸندە كەيبٸر ماگيسترانتتاردىڭ پرەرەكۆيزيتتەردەن ٶتپەي وقىعانى انىقتالدى. سونىمەن قاتار ستۋدەنتتەر قابىلداۋ كەزٸندە مٸندەتتٸ تەستٸلەۋدٸڭ كەيبٸر ەلەمەنتتەرٸن تاپسىرماعان.
قازمٷببۋ بٸتٸرۋشٸ كۋرس ستۋدەنتتەرٸ مەملەكەتتٸك ستاندارتتىڭ مٸندەتتٸ پەندەرٸن تولىق كٶلەمدە وقىماعان. بٸرقاتار نەگٸزگٸ پەندەر مٷلدەم يگەرٸلمەگەن. مەسەلەن, «فارماتسييا» قىسقارتىلعان باعدارلاماسى بويىنشا وقىعان ستۋدەنتتەر تيٸستٸ 120 كرەديتتٸڭ ورنىنا تەك 78-ٸن عانا وقىعان. «قازمٷببۋ جٸبەرگەن وسى جەنە باسقا دا بۇزۋشىلىقتار ستۋدەنتتەردٸ باسقا مەديتسينالىق جوعارى وقۋ ورىندارىنا اۋىستىرۋ پروتسەسٸن تەجەدٸ. بٷگٸنگٸ تاڭدا بۇل مەسەلەلەر شەشٸلٸپ, بٸلٸم الۋشىلار باسقا ۋنيۆەرسيتەتتەردە وقۋىن جالعاستىردى. قابىلداۋشى جوعارى وقۋ ورىندارى بٸلٸم الۋشىلارعا اكادەمييالىق ايىرماشىلىقتى يگەرۋگە مٷمكٸندٸك بەردٸ. سونداي-اق ولار ستۋدەنتتەرگە جەتٸسپەيتٸن قۇجاتتاردى قالپىنا كەلتٸرۋگە, وقۋداعى ولقىلىقتاردىڭ ورنىن تولتىرۋعا جەنە بيىلعى وقۋ جىلىن ۋاقىتىلى اياقتاۋعا كٶمەكتەسەدٸ», - دەدٸ گٷلجان جاراسوۆا.
