قازاقستاندا سۇيىتىلعان گاز ٶندٸرەتٸن 3 زاۋىت سالىنادى. بۇل تۋرالى ٷكٸمەت وتىرىسىندا قر ەنەرگەتيكا مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«سۇيىتىلعان گاز ٶندٸرۋدٸ ارتتىرۋ ماقساتىندا 3 جوبانى ٸسكە اسىرۋ جوسپارلانىپ وتىر. بٸرٸنشٸ جوبا – اقتاۋ قالاسىندا تٶمەن قۋاتتى گاز ٶڭدەۋ زاۋىتى. ونىڭ قۋاتى جىلىنا 60 مىڭ توننانى, ال ينۆەستيتسييالار كٶلەمٸ 1,5 ملرد تەڭگەنٸ قۇرايتىن بولادى. جوبانىڭ اياقتالۋى وسى جىلدىڭ سوڭىنا جوسپارلانعان. ەكٸنشٸ جوبا - جاڭاٶزەن قالاسىندا جۇمىس ٸستەپ تۇرعان قازاق گاز ٶڭدەۋ زاۋىتىنىڭ ورنىنا جاڭا گاز ٶڭدەۋ زاۋىتىن سالۋ. ونىڭ قۋاتى 900 ملن تەكشە مەتردٸ قۇرايدى دەپ جوسپارلانۋدا. جوبانىڭ قۇنى – 147 ملرد تەڭگە. قۇرىلىستىڭ اياقتالۋ مەرزٸمٸ - 2023 جىل», - دەدٸ ٶڭدەۋ ٶنەركەسٸبٸن دامىتۋ تۋرالى بايانداعان مينيستر.
ونىڭ اتاپ ٶتۋٸنشە, اتالعان زاۋىت شامامەن 760 ملن تەكشە مەتر تاۋارلىق گاز, 232 مىڭ توننا سۇيىتىلعان مۇناي گازىن جەنە 82 مىڭ توننا كٶلەمٸندە پەنتان-گەكسان فراكتسيياسىن ٶندٸرەتٸن بولادى.
«ٷشٸنشٸ جوباعا كەلەتٸن بولساق, وسى جىلى قاشاعان كەن ورنىندا قۋاتى 1 ملرد تەكشە مەتردٸ قۇرايتىن گاز ٶڭدەۋ زاۋىتىنىڭ قۇرىلىسى باستالدى. جوبانىڭ قۇنى 380,8 ملرد تەڭگەگە تەڭ. قۇرىلىستىڭ جوسپارلانعان اياقتالۋ مەرزٸمٸ - 2023 جىل», - دەدٸ ول.
ماعزۇم مىرزاعاليەۆتٸڭ ايتۋىنشا, زاۋىت 800 ملن تەكشە مەتر تاۋارلىق گازى, 119 مىڭ توننا سۇيىتىلعان گاز, 35 مىڭ توننا كوندەنسات جەنە 212 مىڭ توننا كٷكٸرت ٶندٸرەدٸ.
«اتالعان جوبالاردى ٸسكە اسىرۋدىڭ ارقاسىندا 2025 جىلعا قاراي سۇيىتىلعان گاز ٶندٸرٸسٸنٸڭ كٶلەمٸ 300 مىڭ تونناعا ارتىپ, 3,5 ملن توننانى قۇرايتىن بولادى. ال تارتىلاتىن ينۆەستيتسييالاردىڭ كٶلەمٸ 530 ملرد تەڭگە بولادى دەپ جوسپارلانۋدا», - دەدٸ مينيستر.
