«قازگيدرومەت» رمك الداعى ەكٸ كٷننٸڭ اۋا رايىنا بولجام جاسادى, دەپ حابارلايدى "ۇلت اقپارات".
ينجەنەر-سينوپتيك اينۇر قايىڭباەۆانىڭ ايتۋىنا قاراعاندا, الداعى ەكٸ تەۋلٸكتە سۋىقتىڭ بەتٸ قايتپايدى.
«الداعى ەكٸ تەۋلٸكتە ەلدٸڭ باسىم اۋماعىندا سۋىق اۋا رايى ساقتالادى. الايدا اتموسفەرالىق فرونت ٶتكەننەن كەيٸن اۋا رايى شىعىس باعىتپەن ارالاسىپ, مۇنىڭ اقىرىندا قار جاۋىپ, قاتتى جەل مەن بورانعا ۇلاسادى. سودان كەيٸن اۋا تەمپەراتۋراسى كٶتەرٸلەدٸ», - دەيدٸ سينوپتيك.
ەسكە سالا كەتسەك, بۇعان دەيٸن دەمالىس كٷندەرٸنە دەيٸن ەلٸمٸزدەگٸ ايازدىڭ بەتٸ قايتپايتىنىن حابارلاعان بولاتىنبىز. قازگيدرومەتتٸڭ 7-9 اقپانعا ارنالعان اۋا رايى بولجامى بويىنشا, قازاقستاننىڭ باتىس وبلىستارىنا جىلجىپ كەلە جاتقان اتموسفەرالىق فرونتتار قازاقستاننىن باسىم بٶلٸگٸندەگٸ قاتتى ايازدى تۋدىرعان اركتيكالىق اۋا ماسسالارىمەن بٸرگە انتيتسيكلوندى ىعىستىرا باستايدى.
