قازاقستاندا بٸلٸم جەنە عىلىم مينيسترلٸگٸ جانىنان ستۋدەنتتٸك كەڭەس قۇرىلادى, دەپ حابارلايدى "ۇلت اقپارات".
بۇل جايىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى.
«جاقىندا ستۋدەنتتٸك ۇيىمداردىڭ جەتەكشٸلەرٸمەن, ستۋدەنتتٸك پارلامەنت ٶكٸلدەرٸمەن, كوللەدجدەر مەن جوعارى وقۋ ورىندارىنداعى جاستار ٸسٸ جٶنٸندەگٸ كوميتەت تٶراعالارىمەن كەزدەسۋ ٶتكٸزدٸم. جيىن بارىسىندا قاشىقتان بٸلٸم بەرۋ, وقۋ ورىندارىنىڭ ليتسەنزييالارىن قايتارىپ الۋ جەنە ۋنيۆەرسيتەتتەردٸڭ جابىلۋى, تٷلەكتەردٸڭ جۇمىسقا ورنالاسۋى, بٸلٸم ساپاسىن ارتتىرۋ, ستۋدەنتتٸك ٶزٸن-ٶزٸ باسقارۋدى قولداۋ مەسەلەلەرٸنە قاتىستى ەڭگٸمە ٶربٸدٸ. ستۋدەنتتٸك شاعىمدا «چتو? گدە? كوگدا?» جوباسىنىڭ چەمپيوناتتارىنا, دەبات جارىستارىنا قاتىساتىنبىز. قازٸر جاقىن ارالاساتىن دوستارىمنىڭ كٶبٸمەن سول كەزەڭدە, پٸكٸرسايىس الاڭدارىندا تانىستىق. بٸز بٸرٸگٸپ, پروبلەمالىق مەسەلەلەردٸ ۋنيۆەرسيتەت باسشىلىعى دەڭگەيٸندە كٶتەرۋدەن تايسالمايتىنبىز. مەن بٸلٸم العان جوعارى وقۋ ورنىنىنىڭ رەكتورى – مارقۇم جامبىل سەۋلەبەكۇلى اقىلباەۆتىڭ ستۋدەنتتەرگە دەگەن قولداۋى ەرەكشە بولاتىن. بەلسەندٸ جاستاردىڭ ۇسىنىستارىن نازاردان تىس قالدىرماي, بٸلٸم الۋشىلار ٷشٸن بارلىق قولايلى جاعدايدى جاسايتىن. ۋنيۆەرسيتەت باسشىلىعى تاراپىنان ەر ستۋدەنت ٷشٸن قولايلى جاعدايدى قامتاماسىز ەتۋ – جاستاردىڭ تالانتىن اشۋعا, العا جەتەلەۋگە, باعدار بەرۋگە باعىتتالعان جەنە ٷلكەن جەتٸستٸكتەر جولىندا جاسالعان العاشقى ماڭىزدى قادام. سوندىقتان جوو باسشىلارى ٷشٸن وسى مەسەلەلەر باستى نازاردا بولۋى تيٸس» دەپ جازدى مينيستر Facebook پاراقشاسىندا.
ونىڭ ايتۋىنشا, ستۋدەنتتەرمەن كەزدەسۋ بارىسىندا بٸراز جوسپار قۇرىلعان.
«بٸرٸنشٸدەن, جاقىن ارادا قر بعم جانىنان ستۋدەنتتٸك كەڭەس قۇرىلادى. ونىڭ قۇرامىنا قازاقستاندىق جوعارى وقۋ ورىندارىنىڭ بەلسەندٸلەرٸ كٸرەدٸ. ولارمەن ستۋدەنتتەر مەن جوو-لارعا قاتىستى بارلىق ٶزەكتٸ مەسەلەلەردٸ تالقىلايمىز. كەڭەس بارلىق ستۋدەنتتٸك ۇيىمداردىڭ جۇمىسىن ٷيلەستٸرۋمەن اينالىسادى. ەكٸنشٸدەن, كەزدەسۋگە قاتىسۋشىلار تاراپىنان جاستار ٸسٸ جٶنٸندەگٸ كوميتەتتەردٸڭ ارنايى قۇرىلىمدىق بٶلٸمشەلەرٸنٸڭ جۇمىس ٸستەۋٸنە قاتىستى ۇسىنىس جاسالدى. مۇنداي بٶلٸمشەلەر ستۋدەنتتٸك ٶمٸردٸ ساپالى ۇيىمداستىرىپ, جاس تالانتتاردىڭ تىنىسىن اشۋ بارىسىندا تاپتىرماس قۇرال بولا الادى. وسى جۇمىستى جٷيەلەندٸرەمٸز. ٷشٸنشٸدەن, ەربٸر جوعارى وقۋ ورنىندا ستۋدەنتتٸك ٶزٸن-ٶزٸ باسقارۋ ورگانى جۇمىس ٸستەۋٸ مەسەلەسٸ. مىسالى, ستۋدەنتتٸك پارلامەنت. بٸلٸم الۋشىلار كٶشباسشىلارىن ٶزدەرٸ داۋىس بەرٸپ سايلاۋى قاجەت. بۇل ولاردىڭ قۇقىقتىق جەنە ساياسي تۇرعىداعى مەدەنيەتٸن ارتتىرۋعا كٶمەكتەسەدٸ. ستۋدەنتكە ورتالىقتاندىرىلعان وقىتۋ تۇجىرىمداماسى اياسىندا ستۋدەنتتٸك ٶزٸن-ٶزٸ باسقارۋ ورگاندارى بٸلٸم الۋشىلاردىڭ مەسەلەلەرٸن شەشۋگە تٸكەلەي قاتىسۋى كەرەك. ۇيىم تٶراعالارى ٶز كەزەگٸندە جوعارى وقۋ ورنىنداعى ديرەكتورلار كەڭەسٸنٸڭ جۇمىسىنا قاتىسۋ قۇقىعىن يەلەنٸپ, ستۋدەنتتەرگە قاتىستى قابىلداناتىن شەشٸمدەردٸڭ ساپاسىن ارتتىرۋعا بٸلٸم الۋشىلار تاراپىنان ىقپال ەتۋٸ تيٸس. تٶرتٸنشٸدەن, ستۋدەنتتٸك ۆولونتەرلٸك ۇيىمداردى بەلسەندٸ دامىتۋ قاجەت. بۇل مەحانيزم بٷگٸندە بٸز قالاعانداي تيٸمدٸ جۇمىس ٸستەمەيدٸ. بٸز كٶپتەگەن باستامالار بار ەكەنٸن بٸلەمٸز, الايدا ولاردى جٷزەگە اسىرۋ ٷشٸن ستۋدەنتتەردٸڭ تەجٸريبەسٸ جەتٸسپەي, باسقا دا جاعدايلار ورىن الىپ جاتادى» دەپ اتاپ ٶتتٸ اسحات ايماعامبەتوۆ.
مينيستردٸڭ سٶزٸنە سەنسەك, بۇل ٸسكە مىقتى ۆولونتەرلٸك ۇيىمدار قولداۋ كٶرسەتە الادى.
«سونداي-اق 2021 جىلدان باستاپ جوعارى وقۋ ورىندارىنىڭ جەكە ٷلگٸدەگٸ ديپلوم بەرۋٸ, تٷلەكتەردٸ سەرتيفيكاتتاۋ, اكادەمييالىق ادالدىق قاعيدالارىن ساقتاۋ جەنە سىبايلاس جەمقورلىققا دەگەن تٶزبەۋشٸلٸك مەسەلەلەرٸن مۇقييات تالقىلادىق. مۇنداي كەزدەسۋلەردٸ قر بعم جانىنان قۇرىلاتىن ستۋدەنتتٸك كەڭەس قىزمەتٸ شەڭبەرٸندە جٷيەلٸ تٷردە جالعاستىرامىز» دەپ تٷيٸندەدٸ مينيستر.
