مەملەكەت باسشىسى جوعارعى سوت تٶراعاسى جاقىپ اسانوۆتى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ جوعارعى سوت تٶراعاسىنىڭ ەلٸمٸزدەگٸ سوت تٶرەلٸگٸنٸڭ قازٸرگٸ احۋالى تۋرالى بايانداماسىن تىڭدادى.
جاقىپ اسانوۆ قىلمىستىق پروتسەستە اۋىر جەنە اسا اۋىر قىلمىستار بويىنشا اقتاۋ ٷكٸمدەرٸنٸڭ سانى 7 ەسە ارتقانىن جەتكٸزدٸ. قۇقىق قورعاۋ ورگاندارى قاماۋعا الۋعا قاتىستى ەربٸر بەسٸنشٸ ٸسكە سانكتسييا الا الماعان. ەربٸر ٷشٸنشٸ شاعىم بويىنشا سوتتار تەرگەۋشٸلەر مەن پروكۋرورلاردىڭ ەرەكەتتەرٸن زاڭسىز دەپ تانىعان.
پرەزيدەنتكە ازاماتتىق داۋلار بويىنشا جۇمىس تەسٸلٸنٸڭ ٶزگەرگەنٸ باياندالدى. سوتتار ەكٸمدٸكتەرمەن بٸرلەسٸپ, داۋلاردى شەشۋدٸڭ سوتتان تىس ينستيتۋتتارىن دامىتىپ كەلەدٸ. داۋسىز تالاپ ارىزدار نوتاريۋستارعا بەرٸلگەن جەنە اربيتراجداردىڭ, مەدياتورلاردىڭ, زاڭ كونسۋلتانتتارى مەن ەڭبەك ينسپەكتورلارىنىڭ قۇزىرەتتەرٸ كەڭەيتٸلگەن. نەتيجەسٸندە, 4 جىل ٸشٸندە سوتقا تٷسەتٸن تالاپ ارىزدار سانى 2,5 ەسەگە - 900 مىڭنان 340 مىڭعا دەيٸن ازايعان. سوتتاعى تاتۋلاسۋمەن اياقتالعان ٸستەر 37 پايىزعا دەيٸن ارتتى.
بيىل 1 تامىزدان باستاپ اۋماقارالىق سوتتىلىق ەنگٸزٸلدٸ. ٸستەر اۆتوماتتى تٷردە سۋديالاردىڭ ماماندانۋىن ەسكەرە وتىرىپ, بٸر سوتتىڭ ٸشٸندە ەمەس, بٷكٸل ەل اۋماعىنداعى سوتتاردىڭ اراسىندا بٶلٸنەدٸ. جاقىپ اسانوۆتىڭ ايتۋىنشا, بۇل - جەمقورلىققا قارسى جاڭا ەدٸس.
مەملەكەت باسشىسى قىلمىستىق جەنە ازاماتتىق ٸستەر بويىنشا سوت پروتسەستەرٸنٸڭ ساپاسىن ارتتىرۋعا, سونداي-اق, سوت كادرلارىن ٸرٸكتەۋدٸ جەتٸلدٸرۋگە باعىتتالعان قادامدار قاجەت ەكەنٸن اتاپ ٶتتٸ.
