Memleket basshysy Joǵarǵy Sot tóraǵasy Jaqyp Asanovty qabyldady, - dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Joǵarǵy Sot tóraǵasynyń elimizdegi sot tóreliginiń qazirgi ahýaly týraly baiandamasyn tyńdady.
Jaqyp Asanov qylmystyq protseste aýyr jáne asa aýyr qylmystar boiynsha aqtaý úkimderiniń sany 7 ese artqanyn jetkizdi. Quqyq qorǵaý organdary qamaýǵa alýǵa qatysty árbir besinshi iske sanktsiia ala almaǵan. Árbir úshinshi shaǵym boiynsha sottar tergeýshiler men prokýrorlardyń áreketterin zańsyz dep tanyǵan.
Prezidentke azamattyq daýlar boiynsha jumys tásiliniń ózgergeni baiandaldy. Sottar ákimdiktermen birlesip, daýlardy sheshýdiń sottan tys institýttaryn damytyp keledi. Daýsyz talap aryzdar notariýstarǵa berilgen jáne arbitrajdardyń, mediatorlardyń, zań konsýltanttary men eńbek inspektorlarynyń quzyretteri keńeitilgen. Nátijesinde, 4 jyl ishinde sotqa túsetin talap aryzdar sany 2,5 esege - 900 myńnan 340 myńǵa deiin azaiǵan. Sottaǵy tatýlasýmen aiaqtalǵan ister 37 paiyzǵa deiin artty.
Biyl 1 tamyzdan bastap aýmaqaralyq sottylyq engizildi. Ister avtomatty túrde sýdialardyń mamandanýyn eskere otyryp, bir sottyń ishinde emes, búkil el aýmaǵyndaǵy sottardyń arasynda bólinedi. Jaqyp Asanovtyń aitýynsha, bul - jemqorlyqqa qarsy jańa ádis.
Memleket basshysy qylmystyq jáne azamattyq ister boiynsha sot protsesteriniń sapasyn arttyrýǵa, sondai-aq, sot kadrlaryn irikteýdi jetildirýge baǵyttalǵan qadamdar qajet ekenin atap ótti.
