بۇرىن كەيبٸر جەكە سوت ورىنداۋشىلار مەجبٷرلەپ ورىنداتۋ مەرزٸمٸن سوزاتىن جاعدايلار بولاتىن. ەندٸ ولار اليمەنت مەسەلەسٸمەن بٸرٸنشٸ كەزەكتە اينالىسادى, دەپ حابارلايدى "ۇلت اقپارات" قر ەدٸلەت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
وسى جىلدىڭ 27 ماۋسىمىندا قازاقستان پرەزيدەنتٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە اتقارۋشىلىق ٸس جٷرگٸزۋدٸ جەنە قىلمىستىق زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويدى.
زاڭدا اتقارۋشىلىق ٸس جٷرگٸزۋدٸڭ ساپاسىن جاقسارتۋ جولىمەن ازاماتتاردىڭ قۇقىقتارىن قورعاۋ مەن ۋاقىتىلى ٸسكە اسىرۋدى, اتاپ ايتقاندا ەلەۋمەتتٸك ماڭىزى بار ٸستەر ساناتتارى بويىنشا قامتاماسىز ەتۋگە, اسا نازار اۋدارىلادى.
«قابىلدانعان تٷزەتۋلەرمەن جەكە سوت ورىنداۋشىلارىنىڭ اليمەنتتەردٸ, جالاقىنى, زەينەتاقىنى, جەردەماقىلاردى ٶندٸرٸپ الۋ تۋرالى, ازاماتتاردىڭ ٶمٸرٸ مەن دەنساۋلىعىنا كەلتٸرٸلگەن زيياندى ٶتەۋ تۋرالى اتقارۋشىلىق قۇجاتتاردى ورىنداۋدىڭ باسىمدىعى بەكٸتٸلدٸ», - دەپ حابارلايدى مينيسترلٸكتەن.
بۇرىن كەيبٸر جەكە سوت ورىنداۋشىلار, ولاردى اسا قىزىقتىرماعاندىقتان مەجبٷرلەپ ورىنداتۋ شارالارىن قولدانۋ مەرزٸمٸن سوزاتىن جاعدايلار بولاتىن. ەندٸگٸدە, سوت ورىنداۋشىسى بٸر اي ٸشٸندە مەجبٷرلەپ ورىنداتۋ شارالارىن قابىلداماسا ليتسەنزيياسىنان ايىرىلۋى مٷمكٸن.
بۇدان باسقا مەملەكەتتٸك ەڭبەك ينسپەكتورىنىڭ جالاقىنى تٶلەۋ تۋرالى ۇيعارىمىنا اتقارۋشىلىق قۇجات مەرتەبەسٸ بەرٸلەدٸ.
بۇل شارا قۇقىقتارىن جۇمىس بەرۋشٸ بۇزعان ازاماتتارعا جالاقىنى ٶندٸرٸپ الۋ مەسەلەلەرٸن تەز شەشۋگە, سوتقا جۇمسالاتىن ۋاقىتى مەن سوت شىعىندارىن ٷنەمدەۋگە مٷمكٸندٸك بەرەدٸ.
زاڭ 2020 جىلعى 8 شٸلدەدە, العاش رەسمي جارييالانعان كٷننەن كەيٸن كٷنتٸزبەلٸك ون كٷن ٶتكەن سوڭ كٷشٸنە ەندٸ.
