قازاقستان ەنەرگەتيكا مينيسترٸ قانات بوزىمباەۆ رەسەيدەن تەمٸرجول كٶلٸگٸمەن بەنزين ەكەلۋگە تىيىم سالۋ تۋرالى بۇيرىققا قول قويدى, دەپ حابارلايدى "ۇلت اقپارات" sputniknews.kz پورتالىنا سٸلتەمە جاساپ.
تىيىم ٷش اي مەرزٸمگە ەنگٸزٸلٸپ وتىر.
16 تامىزدا باق-تا جارييالانعان بۇيرىق رەسمي جارييا ەتٸلگەننەن كەيٸن ون كٷنتٸزبەلٸك كٷن ٶتكەن سوڭ, ياعني 26 تامىزدا كٷشٸنە ەنەدٸ.
بۇعان دەيٸن قازاقستاننىڭ ەنەرگەتيكا مينيسترلٸگٸ تىيىم سالۋدىڭ سەبەپتەرٸن تٷسٸندٸرگەن بولاتىن.
ەنەرگەتيكا ۆيتسە-مينيسترٸ بولات اقشولاقوۆتىڭ ايتۋىنشا, قازاقستاندا مۇناي ٶڭدەۋ زاۋىتتارىن مودەرنيزاتسييالاۋ جۇمىستارى اياقتالعاننان كەيٸن بەنزين ارتىلىپ قالىپ جاتىر.
ەنەرگەتيكا مينيسترلٸگٸ رەسەيدٸ يمپورتقا تىيىم سالىناتىنى تۋرالى حاباردار ەتتٸ.
سونىمەن قاتار ۆەدومستۆو بەنزيندٸ اۆتوموبيل كٶلٸگٸمەن ەكەلۋگە تىيىم سالىنبايتىنىن اتاپ ٶتتٸ.
