ەلٸمٸزدە 15 سەۋٸردەن باستاپ تسيفرلىق ٶنٸم مەن قىزمەتتەر نارىعىنىڭ قازاقستاندىق سەگمەنتٸنە ارنالعان پروگرامميستەر مەن ەزٸرلەۋشٸلەردٸ دايىنداۋعا باعىتتالعان QWANT بٸلٸم بەرۋ جوباسى جۇمىسىن باستايدى, دەپ حابارلايدى قازاقپارات.
«استانا» حالىقارالىق قارجى ورتالىعى بىلتىردان باستاپ احقو بيۋروسى نەگٸزٸندە باعدارلاماشى ينجەنەرلەر مەن ەزٸرلەۋشٸلەرگە ارنالعان مامانداندىرىلعان باعدارلامانى جٷزەگە اسىرىپ وتىر. مۇنداعى باستى ماقسات – حالىقارالىق سەرتيفيكاتتاۋ باعدارلامالارى مەن بٸلٸم بەرۋ تەحنولوگييالارى ارقىلى بٸلٸكتٸ مامان دايىنداۋ.
«QWANT جوعارى تەحنولوگييا مەكتەبٸ ەۋروپا مەن اقش-تىڭ ەڭ ٷزدٸك باعدارلامالاۋ مەكتەپتەرٸنٸڭ الدىڭعى قاتارلى تەجٸريبەلەرٸن قامتيتىن كرەمنيي القابىنىڭ تسيفرلىق پلاتفورماسى – QWASAR ارقىلى بٸلٸكتٸلٸك ارتتىرۋ مەن سۇرانىسقا يە كەسٸپ مەڭگەرۋگە نيەتتٸ بارلىق ازاماتقا مٷمكٸندٸك ۇسىنادى. QWANT-تىڭ وقىتۋ ەدٸستەمەسٸ تەجٸريبەلٸك بٸلٸم الۋ, ٶزارا باعالاۋ, جوبالىق باسقارۋ, گەيميفيكاتسييا جەنە رٶلدٸك مودەلدەۋ پرينتسيپتەرٸنە نەگٸزدەلگەن. وقۋ پروتسەسٸ جۇمىس بارىسىنا بارىنشا جاقىن ورتا قالىپتاستىرا وتىرىپ قۇرىلعان. ال باعدارلاماعا قاتىسۋشىلار بەرٸلگەن تاپسىرمانى جەكەلەي دە, توپپەن دە ورىنداي وتىرىپ كٷن سايىن ماشىقتارىن شىڭداي تٷسەدٸ. سونىمەن قاتار وقۋ بارىسىندا باعدارلامالاۋ تٸلٸنە تەرەڭنەن بويلاي وتىرىپ, ەربٸر قاتىسۋشى اۆتوماتتى جٷيە ارقىلى ٶز ەرٸپتەستەرٸنە باعا بەرٸپ, ٷيرەتە الادى», - دەپ حاباردايدى احقو باسپاسٶز قىزمەتٸنەن.
QWANT جوباسىندا وقىتۋشىلار مەن لەكتسييا جوق. جٷيەنٸڭ ەرەكشەلٸگٸ - كەڭ قامتىلۋى مەن قاشىقتان جۇمىس ٸستەۋگە مٷمكٸندٸك بەرۋٸندە. بۇل وقۋ پروتسەسٸنٸڭ ساپاسىن ساقتاي وتىرىپ بارىنشا كٶپ كانديداتقا پايدالى بٸلٸم بەرۋگە مٷمكٸندٸك بەرەدٸ. 6 اي بويى QWANT باعدارلاماسى بويىنشا سەرتيفيكات الۋ ٷشٸن ٸرٸكتەۋدەن ٶتكەن كانديداتتار مىنا سالالاردا ٶز ماشىقتارىن دامىتادى: قولدانبالى باعدارلامالاۋدىڭ ينتەرفەيسٸ, جاساندى ينتەللەكتٸ تەجٸريبەلٸك باعدارلامالاۋ, ۆەب-ينفراقۇرىلىم, ماشينالىق وقۋ, موبيلدٸ قوسىمشا. ٷمٸتكەرلەرگە تالاپتار نەگٸزگٸ ەكٸ پارامەترمەن قويىلادى: باعدارلامالاۋ نەگٸزدەرٸن بٸلۋ جەنە اپتاسىنا 40 ساعاتتان ارتىق ۋاقىت بويى بەلسەندٸ وقۋعا ىنتاسىنىڭ بولۋى.
اي ورتاسىندا باستالاتىن بٸرٸنشٸ وقۋ باعدارلاماسىنا ٶتٸنٸم قابىلداۋ 4 سەۋٸرگە دەيٸن اشىق.
