فوتو: ٷكٸمەت
ٷكٸمەت وتىرىسىندا عىلىم جەنە جوعارى بٸلٸم مينيسترٸ ساياسات نۇربەك «ەكولوگييا, قورشاعان ورتانى قورعاۋ جەنە تابيعي رەسۋرستاردى ۇتىمدى پايدالانۋ» باعىتى قازاقستاننىڭ 2025-2027 جىلدارعا ارنالعان عىلىمي دامۋىنىڭ 7 باسىمدىعىنىڭ قاتارىنا كٸرگەنٸن حابارلادى.
ونىڭ ايتۋىنشا وسى باعىت بويىنشا 3 جىلدىق گرانتتىق قارجىلاندىرۋ اياسىندا 318 جوبا, ال باعدارلامالىق-نىسانالى قارجىلاندىرۋ شەڭبەرٸندە 43 باعدارلاما ٸسكە اسىرىلۋدا. سونىمەن قاتار عىلىمي نەتيجەلەردٸ كوممەرتسييالاندىرۋ كونكۋرسى اياسىندا جاسىل تەحنولوگييالارعا قاتىستى 23 جوبا جٷزەگە اسىرىلىپ جاتىر.
مىسالى, ماڭىزدى جوبالاردىڭ بٸرٸ – «ەلەكتر كٶلٸكتەرٸن زاريادتاۋ ستانتسييالارىن جاڭعىرتۋ». بۇل جوبا اياسىندا رەسپۋبليكا بويىنشا 16 زاريادتاۋ ستانساسى ورناتىلىپ, جابدىقتار مەن باعدارلامالىق قامتاماسىز ەتۋدٸ جەتكٸزۋگە كەلٸسٸمشارتتار جاسادى. جوبا ەلەكتر كٶلٸكتەرٸنە ارنالعان ينفراقۇرىلىمدى دامىتۋعا جەنە كٶمٸرتەگٸ شىعارىندىلارىن ازايتۋعا باعىتتالعان.
تاعى بٸر جوبا – «جاسىل» تەحنولوگييا ستاندارتتارىنا سەيكەس كەلەتٸن گاز تازارتۋ جابدىقتارىن ەنگٸزۋ بويىنشا جاڭا ٶندٸرٸستٸ ۇيىمداستىرۋ». جوبانىڭ نەگٸزگٸ ارتىقشىلىعى – ٶنٸمدٸلٸگٸ جوعارى, پايدالانۋ شىعىندارى تٶمەن زاماناۋي گاز تازارتۋ جٷيەلەرٸنٸڭ جوباسىن ەزٸرلەۋ.
سونداي-اق عىلىمي ەزٸرلەمەلەردٸ كوممەرتسييالاندىرۋ شەڭبەرٸندە بٸرقاتار جوعارى وقۋ ورىندارىندا ەكولوگييامەن بايلانىستى جوبالار ٸسكە اسىرىلۋدا. مىسالى, ق.ا. ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ بوتانيكالىق باعىندا كەپتٸرٸلگەن الما ٶندٸرۋ جوباسى جٷزەگە اسىرىلىپ جاتىر. قورقىت اتا اتىنداعى قىزىلوردا ۋنيۆەرسيتەتٸنٸڭ بوتانيكالىق باعىندا قييار, بولگار بۇرىشى جەنە كٶك شٶپ جىلىنا ەكٸ رەت, قىزاناق بٸر رەت جينالادى. ساياسات نۇربەك مۇنداي جوبالار بٸلٸم بەرۋ مەن ٶندٸرٸستٸڭ بايلانىسىن نىعايتاتىنىن اتاپ ٶتتٸ.
