قازاقستان رەسپۋبليكاسىنىڭ سىرتقى ٸستەر مينيسترٸ بەيبٸت اتامقۇلوۆتىڭ كورەيا رەسپۋبليكاسىنا رەسمي ساپارى ٶتۋدە. بۇل تۋرالى "ۇلت اقپارات" سٸم باسپاسٶز قىزمەتٸنە سٸلتەمە جاساپ حابارلايدى.
قازاقستاننىڭ سىرتقى ساياسي ۆەدومستۆوسىنىڭ باسشىسى وڭتٷستٸك كورەيا باسشىلىعىمەن بٸرقاتار كەزدەسۋلەر ٶتكٸزدٸ, اتاپ ايتقاندا پرەمەر-مينيستر لي ناك يون, ۇلتتىق اسسامبلەيانىڭ (پارلامەنت) سپيكەرٸ مۋن حي سان, بۇۇ ەكس-باس حاتشىسى پان گي مۋن, سونداي-اق سىرتقى ٸستەر مينيسترٸ كان گەن حۆا مەن ساۋدا, يندۋسترييا جەنە ەنەرگەتيكا مينيسترٸ سون يۋن مومەن كەلٸسسٶزدەر جٷرگٸزدٸ.
كەزدەسۋلەر بارىسىندا تاراپتار ەكٸجاقتى ىنتىماقتاستىق پەن حالىقارالىق كٷن تەرتٸبٸنٸڭ اعىمداعى مەسەلەلەرٸن, ساياسي, ساۋدا-ەكونوميكالىق, ينۆەستيتسييالىق, ەلەۋمەتتٸك, مەدەني-گۋمانيتارلىق جەنە ٶزارا ٸس-قيمىلدىڭ باسقا دا سالالارىنداعى قاتىناستاردى دامىتۋ پەرسپەكتيۆالارىن, سونداي-اق كورەي تٷبەگٸندەگٸ جاعدايدى تالقىلادى.
كورەي ٷكٸمەتٸنٸڭ باسشىسىمەن كەلٸسسٶزدەر بارىسىندا تاراپتار جوعارى دەڭگەيدە ساياسي ديالوگتى قولداۋدىڭ ماڭىزدىلىعىن اتاپ ٶتتٸ. «كورەيا رەسپۋبليكاسى بٸز ٷشٸن ازيياداعى نەگٸزگٸ ستراتەگييالىق سەرٸكتەستەردٸڭ بٸرٸ بولىپ تابىلادى جەنە بٸز ساياسي ٶزارا ٸس-قيمىلىمىزدىڭ دەڭگەيٸ وسى مەرتەبەگە سەيكەس كەلەتٸنٸن قاناعاتتانۋشىلىقپەن اتاپ ٶتەمٸز», - دەدٸ ب. اتامقۇلوۆ.
قازاقستان سٸم باسشىسى كورەي تاراپىن ەلدەگٸ ماڭىزدى ٸشكٸ ساياسي ٷدەرٸستەر تۋرالى حاباردار ەتتٸ جەنە قازاقستان بۇرىنعىداي وڭتٷستٸك كورەيامەن ٶزارا تيٸمدٸ قارىم-قاتىناستى كەڭەيتۋگە جەنە نىعايتۋعا ۇمتىلاتىن بولادى دەپ سەندٸردٸ. جاڭادان سايلانعان مەملەكەت باسشىسى تەجٸريبەلٸ ساياساتكەر جەنە تانىمال ديپلومات بولىپ تابىلاتىن قاسىم-جومارت توقاەۆ قازاقستان-كورەي قارىم-قاتىناستارىنىڭ ساباقتاستىعى مەن جوعارى سەرپٸنٸن ساقتايدى.
بيىلعى جىلى قازاقستان مەن وڭتٷستٸك كورەيا اراسىنداعى ستراتەگييالىق ەرٸپتەستٸكتٸ ورناتۋعا 10 جىل تولادى. وسى جىلدىڭ سەۋٸر ايىندا بولعان كورەيا رەسپۋبليكاسىنىڭ پرەزيدەنتٸ مۋن چجە يننىڭ قازاقستانعا مەملەكەتتٸك ساپارى وسى كەزەڭنٸڭ ماڭىزدى ينديكاتورى بولدى.
«سٸزدٸڭ ەلٸڭٸز تۇڭعىش پرەزيدەنت نۇرسۇلتان نازارباەۆتىڭ باسشىلىعىمەن ٶز ەكونوميكاسىن ىرىقتاندىرۋدا ٷلكەن تابىستارعا قول جەتكٸزٸپ, ەندٸ ونى ٶركەندەۋ كٷتٸپ تۇر. بٸز قازاقستانمەن جان-جاقتى ىنتىماقتاستىقتى دامىتۋعا دايىنبىز», - دەدٸ پرەمەر-مينيستر لي ناك يون.
ۇلتتىق اسسامبلەيادا تاراپتار پارلامەنتارالىق بايلانىستار مەسەلەلەرٸن تالقىلاپ, ولاردى نىعايتۋ, ساياسي ديالوگتىڭ جوعارى دەڭگەيٸن قولداۋ جەنە زاڭ شىعارۋ قىزمەتٸ سالاسىندا تەجٸريبە الماسۋ قاجەتتٸلٸگٸ تۋرالى كەلٸستٸ.
كورەيا رەسپۋبليكاسى مەن رەسەي فەدەراتسيياسى باستاماشىلارى بولىپ تابىلاتىن «ٷلكەن ەۋرازييا: ديالوگ. سەنٸم. سەرٸكتەستٸك» اتتى ەۋرازييا ەلدەرٸ پارلامەنتتەرٸ سپيكەرلەرٸنٸڭ جينالىسىنا دايىندىق جۇمىستارى تالقىلاندى. ۇلتتىق اسسامبلەيانىڭ تٶراعاسى مۋن حي سان وسى جىلدىڭ 23-24 قىركٷيەگٸندە نۇر-سۇلتان قالاسىندا ٶتەتٸن اتالعان جينالىسقا ٶزٸنٸڭ قاتىسۋىن تاعى دا راستادى. سونىمەن قاتار, قازاقستاندىق تاراپ كورەي تاراپىنا ٸس-شارانى ۇيىمداستىرۋعا كٶرسەتكەن قولداۋى ٷشٸن العىسىن بٸلدٸردٸ.
بۇۇ بۇرىنعى باس حاتشىسى پان گي مۋنمەن كەزدەسۋ دوستىق جاعدايدا ٶتتٸ. سۇحباتتاسۋشى قر تۇڭعىش پرەزيدەنتٸ - ەلباسى نۇرسۇلتان نازارباەۆقا جىلى لەبٸزٸن بٸلدٸرٸپ, بٷكٸل ەلەم سىيلايتىن ساياساتكەر رەتٸندە ونىڭ باعا جەتپەس تالانتىن ەرەكشە اتاپ ٶتتٸ. ونىڭ پٸكٸرٸنشە, ەلباسىنىڭ يادرولىق قارۋدان باس تارتۋ شەشٸمٸ ادامزات تاريحىنا ەنگەنٸ سٶزسٸز. كورەي ديپلوماتى قاسىم-جومارت توقاەۆتى پرەزيدەنتتٸك قىزمەتكە سايلانۋىمەن قۇتتىقتاپ, ونىمەن حالىقارالىق بەدەلدٸ ۇيىمدا قىزمەتتٸ بٸرگە اتقارعان بۇۇ قۇرىلىمىنداعى قازاقستاننىڭ جارقىن ٶكٸلدەرٸنٸڭ بٸرٸ بولعانىن اتاپ ٶتتٸ.
قازاقستان سٸم باسشىسى قازاقستاندىق باسشىلىقتىڭ اتىنان جىلى لەبٸزٸن بٸلدٸرٸپ, پان گي مۋنعا ەلٸمٸزدٸڭ سىرتقى ساياسي باستامالارىنا كٶرسەتكەن قولداۋى ٷشٸن العىسىن بٸلدٸردٸ.
قازاقستان مەن وڭتٷستٸك كورەيا سٸم باسشىلارىنىڭ كەلٸسسٶزدەرٸ بارىسىندا تاراپتار ەكٸجاقتى جەنە حالىقارالىق ٶزەكتٸ مەسەلەلەر بويىنشا ۇستانىمداردىڭ ۇقساستىعىن اتاپ ٶتتٸ. قازاقستان مەن وڭتٷستٸك كورەيا اراسىندا ەشقانداي ساياسي كەلٸسپەۋشٸلٸكتەر جوق, حالىقارالىق ۇيىمدار مەن كٶپجاقتى فورۋمدار شەڭبەرٸندە سىندارلى ٶزارا ٸس-قيمىل جٷزەگە اسىرىلۋدا.
قازاقستان سٸم باسشىسى قازاقستاندىق تاراپتىڭ كورەيا رەسپۋبليكاسىمەن ىنتىماقتاستىقتى جان-جاقتى دامىتۋعا ەرەكشە مەن بەرەتٸنٸنە نازار اۋداردى. تاراپتار الداعى ٸس-شارالار كەستەسٸن, اتاپ ايتقاندا اعىمداعى جىلدىڭ قازان ايىندا قازاقستاندا ٶتەتٸن «ورتالىق ازييا - كورەيا رەسپۋبليكاسى» فورۋمىنا دايىندىق بارىسىن تالقىلادى.
ساۋدا, يندۋسترييا جەنە ەنەرگەتيكا مينيسترٸ سون يۋن مومەن كەزدەسۋدە ساۋدا-ەكونوميكالىق, ينۆەستيتسييالىق جەنە تەحنولوگييالىق ىنتىماقتاستىققا نازار اۋدارىلدى.
كورەيا بٸز ٷشٸن ەڭ باسىم ەلدەردٸڭ بٸرٸ, سونداي-اق ازيياداعى ەكٸنشٸ ساۋدا سەرٸكتەسٸ بولىپ تابىلادى. تاۋار اينالىمى مەن ينۆەستيتسييالىق ىنتىماقتاستىقتىڭ بەلسەندٸ ٶسۋٸ ٶزارا ٸس-قيمىلدىڭ جوعارى دەڭگەيٸن كٶرسەتەدٸ. 2018 جىلى تاۋار اينالىمىنىڭ كٶلەمٸ 4 ملرد اقش دولل. قۇرادى, ال 2019 جىلدىڭ بٸرٸنشٸ جارتىسىندا 2,7 ملرد دوللارعا جەتٸپ, بۇل ٶتكەن جىلدىڭ سەيكەس كەزەڭٸنٸڭ كٶرسەتكٸشتەرٸنەن ەكٸ ەسە ارتىق ەكەنٸن كٶرسەتەدٸ.
كورەيا تاراپى ەلٸمٸزدەگٸ ينۆەستيتسييالىق احۋالدى جەتٸلدٸرۋ ساياساتىمەن ەگجەي-تەگجەيلٸ تانىسىپ, قازاقستان ەكونوميكاسىنا بەلسەندٸ ينۆەستيتسييا سالۋعا شاقىردى. 2005 جىلدان باستاپ 2019 جىلدار ارالىعىندا كورەيا قر ەكونوميكاسىنا 5,3 ملرد. دوللار سالدى.
تاراپتار كورەيا رەسپۋبليكاسى پرەزيدەنتٸنٸڭ قازاقستانعا ساپارى بارىسىندا قول قويىلعان «جاڭا جەل» باعدارلاماسىن ٸسكە اسىرۋ جٶنٸندەگٸ جۇمىس توبىنىڭ قىزمەتٸ مەسەلەلەرٸن تالقىلاۋعا ەگجەي-تەگجەيلٸ توقتالدى. توپتىڭ بٸرٸنشٸ وتىرىسىن قىركٷيەك ايىنىڭ سوڭىندا قازاقستان استاناسىندا ٶتكٸزۋ جوسپارلانىپ وتىر, ونى ٷيلەستٸرۋدٸ قازاقستان تاراپىنان يندۋسترييا جەنە ينفراقۇرىلىمدىق دامۋ مينيسترلٸگٸ, ال كورەي تاراپىنان - ساۋدا, يندۋسترييا جەنە ەنەرگەتيكا مينيسترلٸگٸ جٷرگٸزەدٸ.
سونىمەن قاتار, قازاقستان سٸم باسشىسى وڭتٷستٸك كورەيانىڭ ٸرٸ بيزنەس ٶكٸلدەرٸمەن, اتاپ ايتقاندا «Kolon», «Samsung Electronics», «Doosan Heavy Industry», «Hyosung Corporation Group» جەنە «Hyundai Heavy Industries» اتتى كومپانييالاردىڭ باسشىلىعىمەن بٸرقاتار كەزدەسۋلەر ٶتكٸزدٸ. كورەي كەسٸپكەرلەرٸ ماشينا جاساۋ, اقپاراتتىق-كوممۋنيكاتسييالىق تەحنولوگييالار جەنە مۇناي حيميياسى سالالارىنداعى ينۆەستيتسييالىق ىنتىماقتاستىقتىڭ جوعارى ەلەۋەتٸن اتاپ ٶتتٸ.
