قازاقستاندا يندۋسترييا جەنە ينفراقۇرىلىمدى دامىتۋ مينيسترلٸگٸ جانىنان ٶنەركەسٸپتٸ دامىتۋ قورى قۇرىلۋى مٷمكٸن. بۇل تۋرالى قازاقستان رەسپۋبليكاسىنىڭ ماشينا جاساۋدى دامىتۋ جٶنٸندەگٸ 2019-2024 جىلدارعا ارنالعان جول كارتاسىندا قامتىلعان, دەپ حابارلايدى قازاقپارات.
ايتا كەتەرلٸگٸ, مۇنداي قورلار رەسەيدە, بەلارۋس ەلٸندە جەنە ەكونوميكالىق ىنتىماقتاستىق جەنە دامۋ ۇيىمىنا مٷشە ەلدەردە تابىستى جۇمىس ٸستەپ تۇر. ولار جىلدىق 1-4% مٶلشەرلەمە بويىنشا زاەمدار بەرەدٸ, ال ليزينگ جوبالارىنا پروتسەنتتٸك مٶلشەرلەمە 1% قۇرايدى. اتاپ ايتقاندا, رەسەيدەگٸ قور ٶز قاراجاتىن ستانوكتار, قالبىرلار شىعارۋعا, قۇرامداس ٶنٸمدەر ٶندٸرۋگە, ٶنەركەسٸپتٸ تسيفرلاندىرۋعا, ەڭبەك ٶنٸمدٸلٸگٸن ارتتىرۋعا جۇمسايدى.
قور قىزمەتٸنٸڭ تيٸمدٸلٸگٸ رەتٸندە ٶنەركەسٸپتٸ قولداۋدىڭ جالپىلاما ساياساتى بٸر ۇيىمعا توپتاستىرىلاتىندىعىمەن نەگٸزدەلەدٸ. ياعني, مەملەكەتتٸك قولداۋدىڭ تيٸمدٸلٸگٸنە ناقتى مونيتورينگ پەن اناليز جاسالادى. بۇل رەتتە ساراپشىلار بٷگٸنگٸ كٷنٸ ٶڭدەۋشٸ ٶنەركەسٸپتٸ دامۋ ينستيتۋتتارى مەن ەكٸنشٸ دەڭگەيلٸ بانكتەر ارقىلى قارجىلاندىرۋدىڭ تيٸمسٸز ەكەنٸن اتاپ ٶتەدٸ. مەسەلەن, ٶڭدەۋ ٶنەركەسٸبٸنٸڭ نەگٸزگٸ قارجى وپەراتورى «بەيتەرەك» ۇبق» اق 2017 جىلعى جالپى سوماسى 2 ترلن تەڭگەنٸ قۇرايتىن قارجىلاندىرۋدىڭ تەك 6,6% پايىزىن عانا ٶڭدەۋ سالاسىنا باعىتتاعان.
توقتالا كەتەتٸن جايت, بٷگٸنگٸ تاڭدا وتاندىق ماشينا جاساۋ سەكتورىندا مىنا سالالار يمپورتقا تەۋەلدٸ بولىپ وتىر:
- ەلەكتروجابدىقتار – $ 2,7 ملرد;
- اۆتوموبيل جاساۋ – $ 1,8 ملرد;
- مۇنايگاز سالاسىنداعى ماشينا جاساۋ – $ 1,3 ملرد;
- تاۋ-كەن سالاسىنداعى ماشينا جاساۋ – $ 1,04 ملرد.
بۇل رەتتە قازاقستاندىق كەسٸپورىندار مۇناي گاز سالاسى بويىنشا يمپورتتى الماستىراتىن ٶنٸمدەردٸ جەتكٸزۋ مٷمكٸندٸگٸ 56,7 ملرد. تەڭگەنٸ قۇرايدى. سونىمەن قاتار, وتاندىق كەسٸپورىندار ٸرٸ وپەراتورلار ٷشٸن 100 ملرد تەڭگەگە دەيٸنگٸ كٶلەمدە جاڭا ٶنٸمدەر ٶندٸرٸسٸن جولعا قويۋعا دايىن ەكەندٸگٸن بٸلدٸرەدٸ.
ايتا كەتەرلٸگٸ, ٶنەركەسٸپتٸ دامىتۋ قورىن قارجىلاندىرۋ توقسان, جارتىجىلدىق جەنە جىل قورىتىندىسى بويىنشا يگەرٸلمەگەن قاراجاتتاردى قايتا بٶلۋ ەسەبٸنەن جٷزەگە اساتىنى كٶزدەلەدٸ.
