قر ييدم قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ قۇرىلىس باعاسىن ارزانداتۋدى كٶزدەپ وتىر, دەپ حابارلايدى "ۇلت اقپارات".
مينيسترلٸكتٸڭ مەلٸمەتٸنشە, كوميتەت نىسانداردىڭ قۇرىلىسىنىڭ قۇنىنا ناقتى ليميتتەردٸ بەلگٸلەگەن. الداعى ۋاقىتتا ٶڭٸرلەر بويىنشا بٸردەي نىساندار قۇرىلىسىنىڭ قۇنى دا بٸردەي بولۋى تيٸس. ول ٷشٸن نورماتيۆتٸك-تەحنيكالىق قۇجاتتارعا تيٸستٸ ٶزگەرٸستەر ەنگٸزٸلٸپ, بارلىق ەلەۋمەتتٸك جەنە ازاماتتىق-تۇرعىن ٷي نىساندارىنىڭ قۇرىلىسىنا شەكتٸ قۇندى (ليميتتەردٸ) بەلگٸلەۋ بويىنشا جول كارتاسى ەزٸرلەنگەن.
«ەكٸنشٸدەن, باعا قالىپتاستىرۋدىڭ اشىقتىعىن قامتاماسىز ەتەتٸن اقپاراتتىق جٷيە ەزٸرلەندٸ. باعالاۋدى قالىپتاستىرۋ تولىعىمەن ۆەدومستۆولىق ستاتيستيكا نەگٸزٸندە جٷزەگە اسىرىلاتىن بولادى. ٷشٸنشٸدەن, زاڭناماعا ٷلگٸلٸك جوبالاردى مٸندەتتٸ قولدانۋ, جوبالاردىڭ بٸرىڭعاي ەلەكتروندىق بانكٸن قۇرۋ, سونداي-اق كۆازيمەملەكەتتٸك سەكتور قاراجاتى ەسەبٸنەن بٸرٸنشٸ جاۋاپكەرشٸلٸك دەڭگەيٸندەگٸ نىسانداردىڭ ساراپتاماسىن مەملەكەتتٸك ساراپتاماعا بەرۋ بٶلٸگٸندە ٶزگەرٸستەر ەنگٸزٸلەدٸ. بۇل تٷزەتۋلەر بيزنەس-كليماتتى دامىتۋ مەسەلەلەرٸ بويىنشا زاڭ جوباسى اياسىندا ەزٸرلەنٸپ, پارلامەنتٸ مەجٸلٸسٸنە ەنگٸزٸلدٸ», - دەپ حابارلايدى مينيسترلٸكتەن.
سونداي-اق جوبالاردى جوبالاۋمەن جەنە ساراپتاۋمەن اينالىساتىن جەكە جەنە زاڭدى تۇلعالارعا قويىلاتىن بٸلٸكتٸلٸك تالاپتارىن قاتاڭداتۋ جوسپارلانىپ وتىر. سمەتا جاسۋشىلارعا قويىلاتىن بٸلٸكتٸلٸك تالاپتارىنىڭ تٸزبەسٸنە, ونىڭ ٸشٸندە بەيٸندٸ بٸلٸمٸنٸڭ بولۋىنا تالداۋ جٷرگٸزٸلەدٸ.
«جامبىل, سولتٷستٸك قازاقستان وبلىستارى مەن نۇر-سۇلتان قالاسىندا پيلوتتىق جوبالاردى ٸسكە اسىرۋ جۇمىسى جالعاسۋدا. بەكٸتٸلگەن جول كارتاسىنا سەيكەس زاڭناماعا تٷزەتۋلەر ەزٸرلەندٸ. مەملەكەتتٸك ساتىپ الۋدى جوسپارلاۋ, قارجىلاندىرۋ, ٶتكٸزۋ جٷيەسٸ سالاسىنداعى تٷزەتۋلەردٸ وسى جىلدىڭ تامىزىنا قاراي بەكٸتۋ جوسپارلانىپ جاتىر. تٷزەتۋلەر ەنگٸزۋ بويىنشا جاۋاپتىلار – ۇلتتىق ەكونوميكا جەنە قارجى مينيسترلٸكتەرٸ. قۇرىلىس سالاسىندا-قۇرىلىستىڭ باستاپقى قۇنىن انىقتاۋ ەدٸستەمەسٸ دايىندالدى. تيٸستٸ ٶزگەرٸستەر ەنگٸزٸلگەننەن كەيٸن ەكٸمدٸكتەر پيلوتتىق جوبالاردى ٸسكە اسىرا باستايدى. بيىلعى جىلى قۇرىلىس سالاسىنىڭ اشىقتىعىن جەنە تسيفرلاندىرىلۋىن تولىق قامتاماسىز ەتەتٸن قۇرىلىس نورمالارىن تسيفرلاندىرۋ جەنە تسيفرلىق مودەلدەۋ تەحنولوگييالارىن ەنگٸزۋ بويىنشا جۇمىس باستالدى. 2020 جىلى 36 نورماتيۆتٸك-تەحنيكالىق قۇجات, 2021-2023 جىلدارى – 195 قۇجات تسيفرلاندىرىلاتىن بولادى», - دەلٸنگەن حابارلامادا.
