فوتو: Shutterstock
2025 جىلدىڭ 9 ايىندا ەكونوميكانى كرەديتتەۋدٸڭ جالپى كٶلەمٸ 14,6%-عا ٶسٸپ, 38,7 ترلن تەڭگەنٸ قۇرادى. بۇل تۋرالى ٷكٸمەت وتىرىسىندا قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مەلٸمدەدٸ, دەپ حابارلايدى Ult.kz.
ونىڭ ايتۋىنشا, تۇتىنۋ سەكتورىندا كەپٸلسٸز نەسيەلەردٸڭ ٶسۋ قارقىنىنىڭ ايتارلىقتاي باياۋلاۋى تٸركەلگەن. ەگەر 2024 جىلى ولاردىڭ ٶسٸمٸ 29,3%-دى قۇراسا, وسى جىلدىڭ 9 ايىندا كٶرسەتكٸش 12,7%-عا دەيٸن تٶمەندەدٸ. بۇل رەتتە نەگٸزگٸ ٶسٸمدٸ اۆتونەسيەلەۋمەن قاتار كەپٸلدٸ قارىزدار قامتاماسىز ەتتٸ. كەپٸلدٸ تۇتىنۋشىلىق كرەديتتەر 32,2%-عا ٶسٸپ, 4,8 ترلن تەڭگە كٶلەمٸنە جەتتٸ.
«بيزنەسكە كرەديت بەرۋدٸڭ ورتاشا جىلدىق ٶسۋ قارقىنى سوڭعى بەس جىلدا 14,4%-دى پايىزدى قۇرادى. بيزنەسكە كرەديتتەر پورتفەلٸ 5 جىل ٸشٸندە 1,7 ەسە, 14,7 ترلن تەڭگەگە دەيٸن ٶستٸ. كورپوراتيۆتٸك كرەديتتەۋ قۇرىلىمىندا شاعىن جەنە ورتا بيزنەس كرەديتتەرٸ 44%-دى, ٸرٸ بيزنەسكە كرەديتتەر 36%-دى جەنە دارا كەسٸپكەرلەرگە كرەديتتەر 20%-دى پايىزدى قۇرايدى», — دەدٸ مەدينا ەبٸلقاسىموۆا.
