«قازمۇنايگاز» ۇك» اق مۇناي ٶڭدەۋ جەنە مۇناي حيميياسى دەپارتامەنتٸنٸڭ ديرەكتورى ماكەەۆ دميتريي پاۆلودار مۇناي ٶڭدەۋ زاۋىتىن جٶندەۋگە قاتىستى تٷسٸنٸك بەردٸ, دەپ حابارلايدى قازاقپارات.
ايتا كەتەيٸك, بيىلعى 1 قازاننان باستاپ پاۆلودار مۇناي-حيمييا زاۋىتى جوسپارلى جٶندەۋ جۇمىستارىنا توقتايدى.
«ٷش مۇناي ٶڭدەۋ زاۋىتىندا ديزەل وتىنىن ٶندٸرۋدٸڭ اعىمداعى كٶلەمٸ تەۋلٸگٸنە 16 مىڭ توننا شاماسىندا. سونىمەن بٸرگە, ەلٸمٸزدە ديزەل وتىنىن تۇتىنۋدىڭ ٶتە جوعارى دەڭگەيٸ ساقتالىپ وتىر, ياعني تەۋلٸگٸنە 16,5 مىڭ توننا. 1 قازاندا پاۆلودار زاۋىتى جوسپارلى جٶندەۋگە توقتايدى. وسى ورايدا اتىراۋ جەنە شىمكەنت مۇناي ٶڭدەۋ زاۋىتتارىنىڭ ديزەل وتىنىن تەۋلٸكتٸك ٶندٸرۋ كٶلەمٸ 9,5 مىڭ تونناعا جۋىق. قازان ايىندا اتىراۋ زاۋىتى 133 مىڭ توننا, ال شىمكەنت زاۋىتى 161 مىڭ توننا ديزەل وتىنىن ٶندٸرەدٸ. پاۆلودار مۇناي ٶڭدەۋ زاۋىتى جٶندەۋگە توقتاعانعا دەيٸن كەسٸپورىندا 27 مىڭ توننا كٶلەمٸندە قور جيناقتالادى. سونىمەن قاتار, اي-92 بەنزينٸ بويىنشا 45 مىڭ توننا جەنە اي-95-كە قاتىستى 2 مىڭ توننا مٶلشەرٸندە قور جاسالادى» - دەدٸ ماكەەۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, پاۆلودار مۇناي-حيمييا زاۋىتىن ٸسكە قوسۋ بيىلعى قازان ايىنىڭ سوڭىنا دەيٸن بولادى. تاۋارلىق ديزەل تەۋلٸگٸنە 6 مىڭ توننا كٶلەمٸندە 28 قازاننان باستاپ جٶنەلتٸلە باستايدى.
«پاۆلودار زاۋىتىندا كٷردەلٸ جٶندەۋ جۇمىستارى 2018 جىلدان بەرٸ جٷرگٸزٸلمەدٸ. وتاندىق مۇناي ٶڭدەۋ زاۋىتتارىندا اعىمداعى جٶندەۋ جىل سايىن ٶتكٸزٸلسە, كٷردەلٸ جٶندەۋ 3 جىلدا بٸر رەت اتقارىلادى», - دەدٸ «قازمۇنايگاز» كومپانيياسىنىڭ ٶكٸلٸ.
