قازاقستاندا مٷمكٸندٸگٸ شەكتەۋلٸ جاندارعا قىزمەت كٶرسەتۋ ٷشٸن aleumet.egov.kz پورتالى ٸسكە قوسىلدى. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ٷكٸمەت وتىرىسىندا ايتتى, دەپ حابارلايدى قازاقپارات.
«بيىل Amazon جەنە AliBaba سيياقتى سەرۆيستەردٸڭ قاعيداتى بويىنشا مٷگەدەكتٸگٸ بار ادامدار ٷشٸن aleumet.egov.kz پورتالى ٸسكە قوسىلدى. بۇل تسيفرلىق جوبا كەلەسٸ مٷمكٸندٸكتەرگە قول جەتكٸزەدٸ: وڭالتۋ قۇرالدارى مەن قىزمەتتەرٸن ٶز بەتٸنشە تاڭداۋ قۇقىعى, ولاردى الۋ مەرزٸمٸن التى ايدان 15 كٷنگە دەيٸن قىسقارتۋ, بيزنەس پروتسەستەرٸنٸڭ اشىقتىعى, دەلدالدىق قىزمەتتەرٸ جويۋ, باعانى بٸرٸزدٸ ەتۋ جەنە بيۋدجەت قاراجاتىن تيٸمدٸ پايدالانۋ», - دەپ اتاپ ٶتتٸ مينيستر.
بٷگٸندە پورتالدا وڭالتۋ قۇرالدارى مەن قىزمەتتەرٸنٸڭ 1157 جەتكٸزۋشٸ تٸركەلگەن جەنە 24 مىڭنان استام تەحنيكالىق وڭالتۋ قۇرالى بەرٸلدٸ. پورتالعا تولىق كٶشۋ تەحنيكالىق وڭالتۋ قۇرالدارىنىڭ بارلىق 55 تٷرٸ بويىنشا 400 مىڭعا جۋىق الۋشىنى قامتي وتىرىپ, 2021 جىلدىڭ قاڭتارىنان باستاپ, جٷزەگە اسىرىلاتىن بولادى.
ايتا كەتەيٸك, قازاقستاندا 705 مىڭنان استام مٷگەدەكتٸگٸ بار ادام تۇرادى. ونىڭ ٸشٸندە 430 مىڭى – ەڭبەككە قابٸلەتتٸ جاستار, 181 مىڭى – زەينەت جاسىندا جەنە 94 مىڭى – بالالار. بيىل ەلەۋمەتتٸك تٶلەمدەرگە, وڭالتۋدىڭ تەحنيكالىق قۇرالدارى مەن قىزمەتتەرمەن قامتاماسىز ەتۋگە 448 ملرد تەڭگە باعىتتالدى. بۇل ٶتكەن جىلمەن سالىستىرعاندا 12 پايىزعا ارتىق.
«ەلٸمٸزدە مٷگەدەكتٸگٸ بار ادامداردىڭ قۇقىقتارىن قامتاماسىز ەتۋ جەنە تۇرمىس ساپاسىن جاقسارتۋ جٶنٸندە 2025 جىلعا دەيٸنگٸ ۇلتتىق جوسپار ٸسكە اسىرىلۋدا. ۇلتتىق جوسپار جەتٸ باعىتتى قامتيتىن 64 ٸس-شارادان تۇرادى. ول مٷگەدەكتٸكتٸڭ الدىن الۋ, بٸلٸمگە قولجەتٸمدٸلٸك, كەدەرگٸسٸز ورتا, جۇمىسپەن قامتۋ, تيٸمدٸ وڭالتۋ, ەلەۋمەتتٸك قىزمەتتەر جەنە قوعامدىق سانانى جاڭعىرتۋ قىزمەتتەرٸ. «حالىق ٷنٸنە قۇلاق اساتىن مەملەكەت» قاعيداتتارىنا سەيكەس, مٷگەدەك جاندار مەن قوعامنىڭ پٸكٸرٸن ەسكەرە, بٸز وسى جىلى مٷگەدەكتٸك مەرزٸمسٸز بەلگٸلەنەتٸن قايتىمسىز اناتومييالىق كەمٸستٸكتەر تٸزبەسٸن كەڭەيتتٸك. وڭالتۋ بولجامى قولايسىز ادامدار ٷشٸن مەرزٸمدەر بەس جىلعا دەيٸن ۇزارتىلدى. بالا بەس جىلعا نەمەسە 16 جاسقا دەيٸن مٷگەدەك بولىپ تانىلاتىن كٶرسەتٸلٸمدەر كەڭەيتٸلدٸ», - دەيدٸ بٸرجان نۇرىمبەتوۆ.
