قارجى مينيسترلٸگٸ مەملەكەتتٸك ساتىپ الۋ زاڭناماسى دەپارتامەنتٸنٸڭ ديرەكتورى سەبيت احمەتوۆ كونكۋرس ٶتكٸزۋدٸڭ جاڭا تەسٸلدەرٸن ايتىپ بەردٸ, - دەپ حابارلايدى Tengrinews.kz تٸلشٸسٸ.
"بازانى تولتىرۋ بويىنشا ٷلكەن جۇمىس اتقارىلدى, قازٸر ۆەريفيكاتسييا, ەلەكترون دەپوزيتارييگە ەنگٸزٸلگەن مەلٸمەتتەردٸڭ دۇرىستىعىن تەكسەرۋ بويىنشا جۇمىستار جٷرگٸزٸلٸپ جاتىر. ەلەكترون دەپوزيتارييدٸ ەنگٸزۋ ارقىلى ادامنىڭ جۇمىس تەجٸريبەسٸن اۆتومات تٷردە ەسەپتەۋگە جەنە سىبايلاس جەمقورلىق تەۋەكەلدەرٸن بولدىرماۋعا مٷمكٸندٸك بولادى. بۇل رەتتە, بٸزدٸڭ ويىمىزشا, ساتىپ الۋداعى سىبايلاس جەمقورلىقتى جويۋدىڭ جالعىز شارتى - ٶنٸم جٸبەرۋشٸنٸ تاڭداۋ پروتسەسٸندە ادامي فاكتوردى الىپ تاستاۋ", - دەدٸ احمەتوۆ وكق-نٸڭ ونلاين-بريفينگٸندە.
ونىڭ ايتۋىنشا, بالدىق جٷيەنٸ قولدانۋ ارقىلى ساتىپ الۋدىڭ جاڭا تەسٸلدەرٸن ەنگٸزۋ مەسەلەسٸ پىسىقتالىپ جاتىر.
"بۇل تەسٸلدە مەملەكەتتٸك ساتىپ الۋ پروتسەسٸنە ادامدار مٷلدە قاتىسپايدى جەنە ول كونكۋرستىق كوميسسيياسىز جٷزەگە اسىرىلادى. مەملەكەتتٸك ساتىپ الۋدىڭ ەلەكترون جٷيەسٸن كەڭٸنەن ينتەگراتسييالاۋ ارقىلى ۆەب-پورتالدا ٶنٸم جٸبەرۋشٸلەرگە اۆتومات تٷردە رەيتينگ بەرٸلەدٸ.
مىسالى, قانداي دا بٸر ٶنٸم جەتكٸزۋشٸسٸنٸڭ بەدەلٸ جاقسى, ياعني جۇمىس تەجٸريبەسٸ بار, قارجىلىق تۇراقتىلىق كٶرسەتكٸشٸ جوعارى, ۇسىناتىن كەپٸلدٸك مەرزٸمٸ ۇزاق بولسا وعان تيٸستٸ وڭ ۇپايلار اۆتومات تٷردە بەرٸلەدٸ. ال بەدەلٸ ناشار ۇيىمدارعا, مىسالى, ول بۇرىن ساتىپ الۋعا جوسىقسىز قاتىسۋشىلاردىڭ تٸزٸلٸمٸندە بولعان نەمەسە وعان قاتىستى ايىپپۇل سانكتسييالارى قولدانىلسا, تۇراقسىزدىق فاكتٸلەرٸ انىقتالسا, وندا مۇنداي ەلەۋەتتٸ ٶنٸم بەرۋشٸلەرگە اۆتومات تٷردە تەرٸس بالل قويىلادى", - دەپ تٷسٸندٸردٸ احمەتوۆ.
ول مەملەكەتتٸك ساتىپ الۋ ۆەب-پورتالىندا باعا جەنە ساپا ٶلشەمدەرٸ نەگٸزٸندە ەڭ كٶپ بالل جيناعاندار اراسىندا كونكۋرس جەڭٸمپازى اۆتومات تٷردە انىقتالاتىنىن ايتتى.
"جەتكٸزۋشٸنٸ اۆتومات تٷردە تاڭداۋ پرينتسيپٸ مەن تەسٸلٸن بٸز بٷگٸنگٸ تاڭدا مەملەكەتتٸك ساتىپ الۋدىڭ ەلەكترون جٷيەسٸندە كٶشباسشىلاردىڭ بٸرٸ سانالاتىن وڭتٷستٸك كورەيانىڭ تەجٸريبەسٸ نەگٸزٸندە ۇسىنامىز. جوعارىدا اتالعان بارلىق جاڭاشىلدىق پەن ۇسىنىس قازٸر پارلامەنت مەجٸلٸسٸنٸڭ قاراۋىندا جاتقان مەملەكەتتٸك ساتىپ الۋ مەسەلەلەرٸ بويىنشا زاڭ جوباسى اياسىندا پىسىقتالادى", - دەپ تٷيٸندەدٸ ول.
