قازاقستاندا شاحماتتى ۇلتتىق مەكتەپ جٷيەسٸنە ەنگٸزۋ بويىنشا جۇمىس كٷشەيتٸلەدٸ. تيٸستٸ كەلٸسٸم قر وقۋ-اعارتۋ مينيسترلٸگٸ مەن قازاقستان شاحمات فەدەراتسيياسى اراسىندا جاسالدى. بۇل تۋرالى گروسسمەيستەر, قازاقستان شاحمات فەدەراتسيياسىنىڭ بٸرٸنشٸ ۆيتسە-پرەزيدەنتٸ دەرمەن سادۆاكاسوۆ حابارلادى.
د. سادۆاكاسوۆتىڭ ايتۋىنشا, بٷگٸندە بالالارعا ويىندار, قىسقا ۆيدەولار مەن تٷرلٸ ەلەۋمەتتٸك جەلٸلەردٸڭ كٶپتٸگٸنە بايلانىستى تەلەفوننان اجىراۋ بارعان سايىن قيىنداپ بارادى. سونىڭ سالدارىنان ولاردىڭ زەيٸنٸ تٶمەندەپ, جاڭا اقپاراتتى مەڭگەرۋدە جەنە باستاعان ٸسٸن اياقتاۋدا قيىندىقتار تۋىندايدى.
«سوندىقتان بٷگٸنگٸ مەكتەپتٸڭ مٸندەتٸ تەك بٸلٸم بەرۋمەن شەكتەلمەيدٸ, بالالاردى ويلاۋعا, تالداۋعا جەنە زەيٸنٸن شوعىرلاندىرۋعا ٷيرەتۋ دە ماڭىزدى. بۇل تۇرعىدا شاحمات - ٶتە تيٸمدٸ قۇرال. بۇل جاي عانا ويىن ەمەس. شاحمات لوگيكانى, ەستە ساقتاۋ قابٸلەتٸن دامىتادى, شەشٸم قابىلداۋعا جەنە ٶز ەرەكەتتەرٸنٸڭ سالدارىن تٷسٸنۋگە ٷيرەتەدٸ», - دەپ جازدى د. سادۆاكاسوۆ Facebook پاراقشاسىندا.
ول 2023 جىلى مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسىندا شاحماتتى دامىتۋدىڭ 2027 جىلعا دەيٸنگٸ كەشەندٸ جوسپارى ەزٸرلەنٸپ, بەكٸتٸلگەنٸن ەسكە سالدى. نەگٸزگٸ باعىتتاردىڭ بٸرٸ - شاحماتتى مەكتەپتەرگە ەنگٸزۋ.
«جوسپار بويىنشا 2027 جىلعا قاراي باعدارلاما 1 400 مەكتەپتٸ قامتۋى تيٸس ەدٸ. الايدا قازٸردٸڭ ٶزٸندە بۇل كٶرسەتكٸشتەن اسىپ تٷستٸك. مۇعالٸمدەر مەن اتا-انالاردىڭ سۇرانىسىنىڭ ارتۋىنا بايلانىستى باعدارلاماعا 1 500-دەن استام مەكتەپ قاتىسىپ وتىر. ولاردىڭ باسىم بٶلٸگٸ - اۋىل مەكتەپتەرٸ», - دەدٸ د. سادۆاكاسوۆ.
ونىڭ ايتۋىنشا, وسى وڭ ٷردٸستٸ ەسكەرە وتىرىپ, باعدارلاما اياسىنداعى جۇمىستى ودان ەرٸ دامىتۋ مەسەلەسٸ بويىنشا قر وقۋ-اعارتۋ مينيسترٸ ج. سٷلەيمەنوۆامەن ارنايى كەلٸسسٶزدەر جٷرگٸزٸلگەن. نەگٸزگٸ ماقسات - قازاقستانداعى ەربٸر بالاعا ساپالى شاحمات بٸلٸمٸن الۋعا قولجەتٸمدٸلٸك قامتاماسىز ەتۋ.
«بۇل باعىتتى كٷشەيتۋگە قاجەتتٸ تولىق قولداۋعا يە بولدىق. قازاقستان شاحمات فەدەراتسيياسىمەن بٸرلەسٸپ, مينيسترلٸك جانىنان تيٸستٸ جۇمىس توبى قۇرىلىپ, جان-جاقتى قولداۋ كٶرسەتٸلەدٸ», - دەپ اتاپ ٶتتٸ قشف بٸرٸنشٸ ۆيتسە-پرەزيدەنتٸ.
سونداي-اق ول باعدارلامانى كٷشەيتۋ ٷشٸن قاجەتتٸ پەداگوگيكالىق بازا دايىندالىپ جاتقانىن ايتتى. بٷگٸندە بٸلٸكتٸلٸكتٸ ارتتىرۋ كۋرستارىنان 3 500-دەن استام پەداگوگ ٶتتٸ, جەنە جىل سايىن بۇل باعىتقا قىزىعۋشىلىق ارتىپ كەلەدٸ.
سونىمەن قاتار, رەسپۋبليكاداعى 5 پەداگوگيكالىق جوعارى وقۋ ورنىندا شاحمات بويىنشا ديپلومدى مۇعالٸمدەردٸ دايارلاۋ باعدارلاماسى ٸسكە قوسىلدى. قازٸر ونىڭ اياسىندا 200-دەن استام ستۋدەنت بٸلٸم الۋدا, ال 2028 جىلعا قاراي, د. سادۆاكاسوۆتىڭ ايتۋىنشا, قازاقستاندا كەمٸندە 1000 ديپلومدى مامان دايىندالادى دەپ كٷتٸلۋدە.
«جالپى, شاحمات - تەك ويىن عانا ەمەس. بۇل ويلاۋ, زەيٸندٸ شوعىرلاندىرۋ جەنە شەشٸم قابىلداۋ قابٸلەتٸ. ال دەل وسى داعدىلار بٷگٸنگٸ كٷنٸ اسا ماڭىزدى. شاحمات بٸلٸم بەرۋ سالاسىندا شىنىمەن دە قاجەت قۇرالعا اينالىپ كەلەدٸ. بۇل - زيياتكەر ۇلت قالىپتاستىرۋعا قوسقان ٷلەسٸمٸز», - دەپ تٷيٸندەدٸ ول.
