فوتو: قر تسم
استانا قالاسىنداعى №45 مەكتەپتە ەلٸمٸزدەگٸ دزيۋدودان العاشقى مامانداندىرىلعان مەكتەپ زالى سالتاناتتى تٷردە اشىلدى. جوبا مەكتەپ سپورتىن دامىتۋ ماقساتىندا تۋريزم جەنە سپورت مينيسترلٸگٸ, وقۋ-اعارتۋ مينيسترلٸگٸ جەنە سپورت ۇيىمدارىنىڭ بٸرلەسۋٸمەن جٷزەگە اسىرىلىپ وتىر, دەپ حابارلايدى Ult.kz.
اشىلۋ رەسٸمٸنە تۋريزم جەنە سپورت مينيسترٸ ەربول مىرزابوسىنوۆ, وقۋ-اعارتۋ مينيسترٸ جۇلدىز سٷلەيمەنوۆا, قازاقستان دزيۋدو فەدەراتسيياسىنىڭ پرەزيدەنتٸ قۋانىشبەك ەسەكەەۆ, حالىقارالىق دزيۋدو فەدەراتسيياسىنىڭ (IJF) ٶكٸلدەرٸ, «جەڭٸس» سپورت كلۋبىنىڭ مٷشەلەرٸ, سونداي-اق دزيۋدودان ۇلتتىق قۇراما سپورتشىلارى, وليمپيادا جەنە ەلەم چەمپيوناتتارىنىڭ جٷلدەگەرلەرٸ ەبيبا ەبۋجاقىنوۆا مەن عۇسمان قىرعىزباەۆ قاتىستى.
جوبا ۇلتتىق عىلىمي-پراكتيكالىق دەنە تەربيەسٸ ورتالىعىنىڭ حالىقارالىق دزيۋدو فەدەراتسيياسىمەن (IJF) ٶزارا ىنتىماقتاستىعى جەنە قر تۋريزم جەنە سپورت مينيسترلٸگٸنٸڭ قولداۋىمەن ٸسكە اسىرىلىپ جاتقان Judo in Schools («مەكتەپتەگٸ دزيۋدو») باعدارلاماسى اياسىندا جٷزەگە اسۋدا. باعدارلاما زاماناۋي قۇرال-جابدىقتارمەن قامتىلعان, ەدٸستەمەلٸك نەگٸزٸ بار مەكتەپ دزيۋدو زالدارىنىڭ جەلٸسٸن كەزەڭ-كەزەڭٸمەن قالىپتاستىرۋدى كٶزدەيدٸ.
العاشقى كەزەڭدە №45 مەكتەپتٸڭ («كەلەشەك مەكتەبٸ») دزيۋدو زالى تولىقتاي زاماناۋي سپورتتىق قۇرال-جابدىقتارمەن جابدىقتالىپ, وقۋشىلارعا ارنالعان ارنايى ينۆەنتار مەن دزيۋدو كيمونولارى تەگٸن تابىستالدى.
سونىمەن قاتار سالتاناتتى شارا بارىسىندا تۋريزم جەنە سپورت مينيسترلٸگٸ, وقۋ-اعارتۋ مينيسترلٸگٸ, حالىقارالىق دزيۋدو فەدەراتسيياسى, قازاقستان دزيۋدو فەدەراتسيياسى جەنە «جەڭٸس» سپورت كلۋبى اراسىندا ىنتىماقتاستىق تۋرالى مەموراندۋمعا قول قويىلدى. قۇجات مەكتەپ سپورتىن دامىتۋ باعىتىندا تاراپتاردىڭ جٷيەلٸ ەرٸ تۇراقتى ٶزارا ٸس-قيمىلىن قامتاماسىز ەتۋگە باعىتتالعان.
ايتا كەتەيٸك, قازاقستاندا دزيۋدو سپورتى قارقىندى دامىپ كەلەدٸ. ەلدوس سمەتوۆتٸڭ پاريج وليمپياداسىندا تاريحي التىن مەدال جەڭٸپ الۋىنان كەيٸن بۇل سپورت تٷرٸنە دەگەن قىزىعۋشىلىق ايتارلىقتاي ارتقان. قازٸرگٸ تاڭدا ەلٸمٸزدە دزيۋدومەن شامامەن 90 مىڭ ادام اينالىسادى, ال سپورتشىلاردى دايارلاۋمەن 1300-گە جۋىق جاتتىقتىرۋشى شۇعىلدانادى.
