قازاقستاندا ماسكا شىعاراتىن بارلىق مەديتسينالىق زاۋىتتار مەملەكەت تاراپىنان باقىلاۋعا الىنادى. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ «ەۋرازييا بٸرٸنشٸ» ارناسىنىڭ «Basty Prime» باعدارلاماسىندا ايتتى, دەپ حابارلايدى قازاقپارات.
«ماسكاعا قاتىستى ايتار بولسام, بٸزدە ينفەكتسييا بولماعان كەزدە ونى تاعىپ جٷرۋ قاجەتتٸلٸگٸ جوق ەدٸ. ماسكالاردى ساتىپ الىپ قويۋ قاجەتتٸگٸن كٶپ ايتتىق. ٶكٸنٸشكە وراي, ماسكالاردى جاپپاي ساتىپ الىپ, ساتىلىمعا شىعارعانىن كٶرٸپ وتىرمىز. قازٸر قويمالاردا جاتقان ماسكالاردى تاۋىپ جاتىرمىز. شەتەلگە شىعارىلماق بولعان, بٸراق بٸز تىيىم سالعاننان كەيٸن بٸرۋلەر تاستاپ كەتكەن ماسكالار دا تابىلدى. بٷگٸندە ماسكامەن پروبلەما بار ەكەندٸگٸن مويىندايمىز. قازٸر جۇمىسقا, ۇجىمنىڭ ورتاسىنا باراتىن كەزدە مەديتسينالىق بەتپەردە قاجەت. ال ادام ٷيدە كارانتيندە وتىرسا وعان ماسكانىڭ ەش قاجەتٸ جوق», - دەدٸ مينيستر.
وسى رەتتە ول ماسكا تاپشىلىعىن جويۋ ٷشٸن قانداي جۇمىس اتقارىلىپ جاتقانىن ايتتى.
«وسى ۋاقىتتىڭ ٸشٸندە ماسكا ٶندٸرٸسٸن ەكٸ ەسەگە جۋىق ۇلعايتتىق. بۇرىندارى 200-300 مىڭ شىعارىلادى دەسەك, قازٸر 500 مىڭعا جۋىقتاپ قالدىق. بٸرقاتار ٶڭٸردە تٸگٸن تسەحىن ٸسكە قوستىق. بٸراق, ماسكانى قاجەتتٸلٸك بولسا, مەسەلەن قالاعا شىققان كەزدە ساتىپ الىپ تاققان جٶن. تەۋلٸك بويى ونىڭ تاعىپ جٷرۋدٸڭ ەش قاجەتتٸلٸگٸ جوق. ودان دا قول تازالىعىن ساقتاعان بارىنشا ماڭىزدى. قازٸرگٸ ۋاقىتتا كارانتيندەگٸ قالالاردى ماسكامەن قامتاماسىز ەتۋ ٷشٸن بارلىق شارانى قابىلداپ جاتىرمىز», - دەدٸ ەلجان بٸرتانوۆ.
سونىمەن قاتار مينيستر كوروناۆيرۋس كٷدٸگٸنە ٸلٸككەن ادامداردى قاراۋمەن, تاسىمالداۋمەن اينالىساتىن جەدەل جەردەم قىزمەتكەرلەرٸن, پوليتسييا قىزمەتكەرلەرٸن تەگٸن ماسكامەن قامتاماسىز ەتۋ ماڭىزدى بولىپ وتىرعانىن ايتتى.
«كەشە مەملەكەتتٸك كوميسسييا بۇل تۇرعىدا ناقتى شەشٸم قابىلدادى. ەڭ الدىمەن قانداي دا بٸر قاپەرگە الىنباعان جايتتار ورىن الماۋى ٷشٸن ماسكا شىعاراتىن بارلىق مەديتسينالىق زاۋىتتار باقىلاۋعا الىنادى. بۇعان قوسا, بٷكٸل لوگيستيكانى باقىلايمىز. ەگەر بۇعان دەيٸن مەملەكەت اۋرۋحانالار ٷشٸن عانا ماسكالاردى ساتىپ الۋعا جاۋاپ بەرسە, ەندٸگٸ ۋاقىتتا بەلگٸلٸ بٸر دەرٸحانالارعا جەتكٸزٸلۋٸن قاداعالايمىز. كوميسسييا شەشٸمٸنە سەيكەس, ماسكالار بەلگٸلٸ بٸر باعامەن دەرٸحانالارعا جەتكٸزٸلەدٸ», - دەدٸ ول.
