قازاق عىلىمي-زەرتتەۋ ۆەتەرينارلىق ينستيتۋتىنىڭ باس ديرەكتورى احمەتجان سۇلتانوۆ مالعا قاجەتتٸ بيوپرەپاراتتار مەن ۆاكتسينالاردىڭ ساپاسىن باقىلايتىن ارنايى مەكەمە قۇرۋ تۋرالى ۇسىنىس بٸلدٸردٸ, دەپ حابارلايدى قازاقپارات.
«جالپى قازاقستاندا ٶندٸرٸلەتٸن جەنە شەتەلدەن ەكەلٸنەتٸن ۆەتەرينارلىق پرەپاراتتاردىڭ ساپاسىن باقىلاۋ كەرەك. وسى ماقساتتا رەسپۋبليكادا مەملەكەتتٸك عىلىمي باقىلاۋ مەكەمەسٸن قۇرۋ كەرەك دەپ ەسەپتەيمٸز. مالعا قولدانىلاتىن ساپاسىز بيوپرەپاراتتاردىڭ مىسالىن بٸزدٸڭ ينستيتۋتتىڭ 2016-2017 جىلدارى جٷرگٸزگەن زەرتتەۋ قورىتىندىلارىنان كٶرۋگە بولادى. مەسەلەن, وقىرا, قاراسانعا قارسى نورۆەگييا, رەسەي, ٷندٸستان, وڭتٷستٸك كورەيا, چەحييا, قازاقستاندا جاسالعان ۆاكتسينانىڭ نورماتيۆتٸ-تەحنيكالىق قۇجاتتارىنا سيپاتتاما جاساپ كٶرگەن ەدٸك. زەرتتەۋ بارىسىندا وقىراعا قارسى ۆاكتسينالاردىڭ 10 سەريياسىنىڭ ٷشەۋٸ عانا ستاندارتقا سەيكەس بولىپ شىقتى», - دەدٸ احمەتجان سۇلتانوۆ پارلامەنت مەجٸلٸسٸندە اگرارلىق عىلىمدى, بٸلٸم جەنە ٶندٸرٸستٸ ينتەگراتسييالاۋ مەسەلەلەرٸ بويىنشا وتىرىستا.
ينستيتۋت ديرەكتورىنىڭ ايتۋىنشا, مالعا قاجەتتٸ دياگنوستيكالىق جەنە ەمدەۋ, الدىن الۋ شارالارىنا ارنالعان وتاندىق پرەپاراتتارىنىڭ ساپاسى تٶمەندەپ كەتكەن. ارتىنشا يمپورتتىق بيولوگييالىق پرەپاراتتارعا دەگەن سۇرانىس ارتقان.
«مالعا دياگنوستيكالىق زەرتتەۋ جۇمىستارىن جٷرگٸزۋ ٷشٸن رەسپۋبليكاعا 500 ملن تەڭگەنٸڭ بيوپرەپاراتتارى شەت ەلدەردەن كٸرگٸزٸلەدٸ. ال وتاندىق ٶندٸرۋشٸلەر بۇل بيوپرەپاراتتاردىڭ 300 ملن تەڭگەگە جۋىق قاجەتتٸگٸن ٶتەپ وتىر. ۆاكتسينالاردا دا جاعداي وسى. بۇل باعىتتا شەتەلدەن 2,5 ملرد تەڭگەنٸڭ ۆاكتسينالىق پرەپاراتتارى جەتكٸزٸلسە, ٶز ەلٸمٸزدە وتاندىق ٶندٸرۋشٸلەر 500 ملن تەڭگەنٸڭ عانا ۆاكتسيناسىن ۇسىنا الادى. ياعني وسى قاجەتتٸلٸكتٸڭ 16 پايىزىن وتاندىق ٶندٸرۋشٸلەر جاساپ شىعارسا, 84 پايىزىن شەتەلدٸك تاسىمالداۋشىلار ەكەلەدٸ», - دەدٸ ول.
احمەتجان سۇلتانوۆ ەلدەگٸ وتاندىق بيوپرەپاراتتارمەن ٸشكٸ قاجەتتٸلٸكتٸ جابۋعا مٷمكٸندٸك بارىن ايتادى.
«وقۋ ورتالىقتارىنداعى تار شەڭبەردەگٸ ماماندىقتار مەن زامانعا ساي قۇرىلعىلاردىڭ كٶمەگٸمەن ٸشكٸ قاجەتتٸلٸكتٸ قاناعاتتاندىرۋعا بولادى. قازاقستاندا بيوتەحنولوگييالىق پروفيلدەر بويىنشا ماماندار بارشىلىق. ولار وتاندىق بيولوگييالىق سالانى جانداندىرىپ, قاجەتتٸ بيوپرەپاراتتاردىڭ ٶندٸرٸسٸن رەتكە كەلتٸرە الادى», - دەدٸ ول.
