دەنساۋلىق ساقتاۋ مينيسترٸنٸڭ بٸرٸنشٸ ورىنباسارى مارات شورانوۆ قازاقستاندا لوكداۋن جارييالاۋ ىقتيمالدىعى تۋرالى پٸكٸر بٸلدٸردٸ, دەپ حابارلايدى قازاقپارات.
«بٸزدٸڭ جۇمىس توبىمىز جالپى ەپيدەميولوگييالىق احۋالعا سەيكەس بولجامدارىن جاڭارتۋدا. كەلەسٸ ايدىڭ ٸشٸندە ناۋقاستاردىڭ سانى كٶبەيەدٸ دەپ ەسەپتەپ وتىر. ونىڭ سانى پەسسيميستٸك ستسەناريي بويىنشا قازٸرگٸ جاعدايدان 2 ەسەگە دەيٸن كٶبەيۋٸ مٷمكٸن. ٶزدەرٸڭٸز بٸلەسٸزدەر, بٸز ٶز بولجامدارىمىزدى ٷش ستسەناريي بويىنشا جاسايمىز. ەڭ بٸرٸنشٸ ماقساتىمىز – قازٸرگٸ قالالىق اۋرۋحانالاردا تٶسەك-ورىن جٷكتەمەسٸن كٶبەيتپەۋ», - دەدٸ ۆيتسە-مينيستر.
باق ٶكٸلٸنٸڭ لوكداۋن جارييالاۋ ىقتيمالدىعى تۋرالى ساۋالىنا جاۋاپ بەرگەن ۆەدومستۆو ٶكٸلٸ قازٸر رەسپۋبليكا بويىنشا ستاتسيونارلىق تٶسەكتەردٸڭ جٷكتەلٸمٸ 37 پايىزعا جەتكەنٸن اتادى.
«بٸز تٶسەك جٷكتەمەسٸ بويىنشا ەرەجەلەردەن ەلٸ باس تارتىپ وتىرعان جوقپىز. سول ەرەجەنٸ مٸندەتتٸ تٷردە ساقتايمىز. رەسپۋبليكا بويىنشا تٶسەك ورىنداردىڭ 37 پايىزى جٷكتەلگەن. ٶز باياندامامدا ايتىپ كەتكەندەي, 70 پايىزعا جەتكەن مەزگٸلدە قوسىمشا تٶسەك ورىندارىن اشامىز. ال 70 پايىزدان كٶتەرٸلسە, سول كەزدە ەرينە ونداي شەشٸم قاراستىرۋ كەرەك», - دەدٸ مارات شورانوۆ.
ونىڭ ايتۋىنشا, سوڭعى اپتادا دەلتا شتامنىڭ تارالۋى ٶتكەن اپتاعا قاراعاندا رەسپۋبليكانىڭ بارلىق ٶڭٸرلەرٸندە ٶسٸپ, سىرقاتتانۋ كٶرسەتكٸشٸنٸڭ ٶسٸمٸ 1,9 ەسە بولعان.
