قر قارجى نارىعىن رەتتەۋ جەنە دامىتۋ اگەنتتٸگٸ قازاقستاندا ليتسەنزييالانباعان كومپانييالاردىڭ تٸزبەسٸن جارييالادى, دەپ حابارلايدى "ۇلت اقپارات" ۆەدومستۆو سايتىنا سٸلتەمە جاساپ.
2020 جىلدان باستاپ, اگەنتتٸككە جوعارى كٸرٸستٸلٸك كەپٸلدٸگٸنە ۋەدە بەرە وتىرىپ, كليەنتتەردٸڭ اقشاسىن ينۆەستيتسييالىق ماقساتتار ٷشٸن تارتاتىن ليتسەنزييالانباعان كومپانييالاردىڭ قىزمەتٸ مەسەلەلەرٸ بويىنشا 40-تان استام شاعىم مەن ٶتٸنٸش كەلٸپ تٷسكەن.
«وسىنداي كومپانييالار كٶپ جاعدايدا وففشورلىق ايماقتاردا تٸركەلگەن جەنە ولاردىڭ قارجى رەتتەۋشٸسٸنٸڭ قارجى نارىعىنداعى قىزمەتتٸ جٷزەگە اسىرۋعا ارنالعان ليتسەنزيياسى جوق. ولار كليەنتتەرگە كونسۋلتاتسييا بەرۋدٸ ۇسىنادى جەنە ٶز سەرۆيستەرٸ ارقىلى قاراجاتتى ينۆەستيتسييالاۋ بويىنشا وقىتۋ جٷرگٸزەدٸ. قازاقستان اۋماعىندا اتالعان كومپانييالار نەگٸزٸنەن قاشىقتان, ٶكٸلدٸكتەر مەن فيليالدار, نە سەنٸمحات بويىنشا ٶكٸلدەر ارقىلى جۇمىس ٸستەيدٸ», دەلٸنگەن حابارلامادا.
اگەنتتٸكتٸڭ تٷسٸندٸرۋٸنشە, بۇل ۇيىمداردىڭ جۇمىس ٸستەۋ سحەماسى كليەنتكە شەتەل ۆاليۋتاسىمەن جەنە ٶزگە دە قارجى قۇرالدارىمەن وپەراتسييالار جاساۋ ٷشٸن جابىق ينتەرنەت سەرۆيستەرگە جەنە ساۋدا پلاتفورمالارىنا قاشىقتان كٸرۋ بەرٸلەتٸنٸن بولجايدى. مۇنداي پلاتفورمالاردا كليەنتتەر ٶزدەرٸنٸڭ جەكە كابينەتٸندە ٶز قاراجاتىنىڭ «ۇلعايۋىن» بايقاۋى مٷمكٸن. كليەنت «تاپقان» كٸرٸسٸن الۋعا ەرەكەت جاساعان كەزدە, بۇل كومپانييالار اقشانى قايتارعانى ٷشٸن قوسىمشا سىياقى تالاپ ەتە وتىرىپ كليەنتكە ونىڭ اقشاسىن قايتارۋدان جالتارادى, نە قانداي دا بٸر سەبەپتەرمەن كليەنتتەردٸڭ شوتتارىنىڭ نەگٸزسٸز «كٷشٸن جويادى», بۇل دا الاياقتىق ەرەكەتتەر بەلگٸسٸنە يە.
«وسىنداي كومپانييالاردىڭ بانك سالىمدارى بويىنشا سىياقىنىڭ اعىمداعى مٶلشەرلەمەسٸنەن كٶپ اساتىن جوعارى پايدانى ۋەدە ەتە وتىرىپ, ٶز قىزمەتتەرٸن نەگٸزٸنەن ەلەۋمەتتٸك جەلٸ ارقىلى اگرەسسيۆتٸ تٷردە جارناما جاسايتىنىنا نازار اۋدارعان جٶن.
وسىعان بايلانىستى, اگەنتتٸك قازاقستان ازاماتتارىن اگرەسسيۆتٸ جارناماعا بەرٸلمەۋگە شاقىرادى جەنە تٷسٸنٸكتٸ ەرٸ ايقىن قۇقىقتىق رەجيمٸ بار كومپانييالارمەن جۇمىس ٸستەۋگە ۇسىنىم بەرەدٸ», دەلٸنگەن حابارلامادا.
ۋەكٸلەتتٸ ورگاننىڭ قر باعالى قاعازدار نارىعىندا قىزمەتپەن اينالىسۋعا ليتسەنزييالارى بار بروكەرلٸك/ديلەرلٸك ۇيىمداردىڭ تٸزٸمٸ اگەنتتٸكتٸڭسايتىنداورنالاستىرىلعان.
اتالعان كومپانييالاردىڭ قىزمەتٸ قازاقستان رەسپۋبليكاسىنىڭ زاڭناماسىندا قاتاڭ تٷردە رەگلامەنتتەلەدٸ. اگەنتتٸك ويىنشىلاردىڭ قىزمەتٸن باقىلاۋ مەن قاداعالاۋدى جٷزەگە اسىرادى جەنە بۇل كومپانييالاردىڭ قىزمەتٸن تۇتىنۋشىلاردىڭ قۇقىعى مەن زاڭدى مٷددەسٸن قورعاۋدىڭ تيٸستٸ دەڭگەيٸن قامتاماسىز ەتەدٸ.
«ليتسەنزييالانباعان كومپانييالاردىڭ قىزمەتٸنە بايلانىستى ازاماتتاردىڭ تەۋەكەلدەرٸن بولدىرماۋ ٷشٸن اگەنتتٸك ازاماتتاردىڭ شاعىمدارى كەلٸپ تٷسكەن كومپانييالاردىڭ تٸزبەسٸ مەن سايتتارىن جارييالادى. سونىمەن بٸرگە اگەنتتٸك ٶزدەرٸن «ينۆەستيتسييالىق كومپانييالار» رەتٸندە كٶرسەتەتٸن ۇيىمدارمەن شارتتىق قاتىناستارعا تٷسكەن كەزدە IOSCO حالىقارالىق باعالى قاعازدار جٶنٸندەگٸ كوميسسييالاردىڭ حالىقارالىق ۇيىمىنىڭ حابارلاماسى جەنە ەسكەرتۋٸمەن تانىسۋدى ۇسىنادى.
سونىمەن قاتار قارجى قۇرالدارىمەن ساۋدا-ساتتىق جاساۋدىڭ تٷرلٸ نارىقتىق, كرەديتتٸك, ۆاليۋتالىق تەۋەكەلدەرمەن قاتار جٷرەتٸنٸن ەستە ۇستاعان ماڭىزدى. وسىعان وراي, ينۆەستورلارعا ينۆەستيتسييالاردى ليتسەنزييالانعان قازاقستاندىق كومپانييالار ارقىلى جٷزەگە اسىرۋدى ۇسىنىم بەرەمٸز», دەلٸنگەن حابارلامادا.
