COVID-19 كوروناۆيرۋس ينفەكتسيياسىن دياگنوستيكالاۋ جەنە ەمدەۋ كلينيكالىق حاتتاماسىنا تولىقتىرۋلار ەنگٸزٸلدٸ. بۇل تۋرالى قر دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا Facebook-پاراقشاسىندا جازدى, – دەپ حابارلايدى «ۇلت اقپارات».
«COVID-19-دى دياگنوستيكالاۋ جەنە ەمدەۋ كلينيكالىق حاتتاماسىنىڭ 10-رەداكتسيياسىنا كوروناۆيرۋس ينفەكتسيياسىن ەمدەۋدە ايتارلىقتاي تولىقتىرۋلار ەنگٸزٸلدٸ. COVID-19 كەزٸندە باكتەريياعا قارسى تەراپييانى باكتەرييالىق ينفەكتسييا قوسىلعان جاعدايدا عانا قولدانۋعا باسا نازار اۋدارىلدى. COVID-19 كەزٸندە ٶكپەنٸڭ ۆيرۋسپەن زاقىمدانۋى ەمپيريكالىق باكتەريياعا قارسى تەراپييانى باستاۋ ٷشٸن كٶرسەتكٸش بولا المايدى», - دەدٸ ۆيتسە-مينيستر.
ونىڭ اتاپ ٶتۋٸنشە, حاتتامانى ەزٸرلەۋشٸلەر COVID-19-دىڭ اۋىرلىق دەڭگەيٸ ورتاشا ناۋقاستارعا ۆيرۋسقا قارسى پرەپاراتتاردى ستاتسيونارعا جاتقىزعانعا دەيٸن امبۋلاتورلىق جاعدايدا قولدانۋ ۇسىنىسىن قۇپتاعان. بۇل ٷشٸن حاتتاماعا امبۋلاتورلىق كەزەڭدە ەمدەۋ سىزباسى قوسىلىپ وتىر: گيدروكسيحلوروحين جەنە لوپيناۆير/ريتوناۆير.
«بۇعان قوسا, ەندٸگٸ ۋاقىتتا پاتسيەنتتەر ستاتسيونار دەڭگەيٸندە جاپونييا مەن رەسەيدە COVID- 19-دى ەمدەۋدە كەڭٸنەن قولدانىلعان فاۆيپيراۆير دەرٸسٸن الا الادى. پنەۆمونييانىڭ اۋىر تٷرٸندە تەراپييا دەكسامەتازون پرەپاراتىمەن تولىقتىرىلدى», - دەدٸ ليۋدميلا بيۋرابەكوۆا.
ۆيتسە-مينيستردٸڭ اتاپ ٶتۋٸنشە, سونداي-اق پاتسيەنتتٸڭ دەنە قىزۋى 3 تەۋلٸكتەن استام ۋاقىت بولماسا, رەسپيراتورلىق سيمپتومدار ازايسا, رەنگەندٸك كومپيۋتەرلٸك توموگرافييا بارىسىندا ٶكپەدە وڭ ديناميكا بايقالسا جەنە باسقا دا وڭ ٶزگەرٸستەر كەزٸندە ناۋقاس امبۋلاتورلىق ەمدەۋگە اۋىستىرىلادى. اۋرۋدىڭ ورتاشا جەنە اۋىر تٷرٸن باستان كەشٸرگەن رەكونۆالەستسەنتتەر ستاتسيوناردان جازىلىپ شىققاننان كەيٸن مەديتسينالىق باقىلاۋ ٷي جاعدايىندا جالعاساتىن بولادى. باقىلاۋ ۋاقىتى رەكونۆالەستسەنتتٸڭ جالپى جاعدايىنا بايلانىستى دەربەس انىقتالادى. حاتتامانىڭ 10-نۇسقاسى تاياۋ ۋاقىتتا دەنساۋلىق ساقتاۋ مينيسترلٸگٸنٸڭ رەسمي سايتىندا جارييالانادى.
