17 اقپان كٷنٸ قازاقستان دەنساۋلىق ساقتاۋ مينيسترلٸگٸ كوروناۆيرۋستان تاعى 14 ادام قايتىس بولعانىن حابارلادى. ونىڭ ەكەۋٸنە پتر تەستٸمەن راستالماعان كوروناۆيرۋس پنەۆمونيياسى دياگنوزى قويىلعان.
وسىلايشا, قازاقستاندا كوروناۆيرۋس ٸندەتٸ كەلگەلٸ ۆيرۋس جۇقتىرعانى پتر تەستٸمەن راستالعان ناۋقاستار اراسىندا قايتىس بولعانداردىڭ سانى 2664-كە جەتٸپ وتىر. بيلٸك بۇل ستاتيستيكاعا Covid ينفەكتسيياسىن جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادامدى كٸرگٸزبەگەن. ەلدە بارلىعى 204 055 ادامنىڭ ۆيرۋس جۇقتىرعانى راستالعان. ال 16 اقپان كٷنٸ كوروناۆيرۋس ينفەكتسيياسىمەن 796 ناۋقاس تٸركەلگەن.
قازاقستان ٷكٸمەتٸ پتر تەستٸ تەرٸس نەتيجە كٶرسەتكەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييانىڭ ەسەبٸن 1 تامىزدان جٷرگٸزە باستاعان. سودان بەرٸ بۇل اۋرۋمەن 48 766 ادام تٸركەلٸپ, ونىڭ 604-ى قايتىس بولعان.
ٷكٸمەت كوروناۆيرۋس پنەۆمونيياسىنىڭ ەسەبٸن جەرگٸلٸكتٸ جەنە حالىقارالىق ساراپشىلاردىڭ دابىل قاعۋىنان كەيٸن عانا جٷرگٸزدٸ. بىلتىر دەنساۋلىق ساقتاۋ مينيسترلٸگٸ 2020 جىلدىڭ 1 قاڭتارىنان 2 تامىزىنا دەيٸن ەلدە. 256 مىڭ ادامنىڭ پنەۆمونيياعا شالدىققانىن, ونىڭ الدىڭعى جىلعىدان 3,3 ەسە كٶپ كٶرسەتكٸش ەكەنٸن ايتقان.
