ۇلتتىق بيوتەحنولوگييا ورتالىعى گەنەتيكالىق ينجەنەرييا زەرتحاناسىنىڭ مەڭگەرۋشٸسٸ, بيولوگييا عىلىمدارىنىڭ كانديداتى الەكساندر شۋستوۆ COVID-19-عا قارسى ۆاكتسينا جاساۋ بويىنشا جٷرگٸزٸلٸپ جاتقان جۇمىستار تۋرالى ايتتى, دەپ حابارلايدى قازاقپارات.
«ۇلتتىق بيوتەحنولوگييا ورتالىعى - COVID-19 كوروناۆيرۋسىنا قارسى ۆاكتسينا جاساۋدىڭ بولاشاق مەملەكەتتٸك باعدارلاماسىن ورىنداۋشىلاردىڭ بٸرٸ. بۇل باعدارلامانى ەكٸ ۇيىم - ۇلتتىق بيوتەحنولوگييا ورتالىعى جەنە وتار قالاسىنداعى بيولوگييالىق قاۋٸپسٸزدٸك مەسەلەلەرٸن عىلىمي زەرتتەۋ ينستيتۋتى ٸسكە اسىرۋدا. ەكٸ ينستيتۋت تا مامانداندىرىلعان بيولوگييالىق زەرتتەۋ ۇيىمدارى بولىپ سانالادى. بٸزدٸڭ ەرٸپتەستەر ۆاكتسينا جاساۋ جۇمىستارىمەن بۇرىننان اينالىسادى, ولار باستاپقىدان وسى باعىتتا ماماندانعان», - دەيدٸ الەكساندر شۋستوۆ.
ونىڭ ايتۋىنشا, ۇلتتىق بيوتەحنولوگييا ورتالىعىندا كٶپتەگەن جۇمىستار اتقارىلدى.
«مۇنداي جۇمىس ٸستەۋ ٷشٸن تەحنولوگييالىق بازامىز دامىعان. مەن گەنەتيكالىق ينجەنەرييا زەرتحاناسىن باسقارامىن, بۇل وسى باعدارلامانىڭ ەڭ نەگٸزگٸ قاتىسۋشىلارىنىڭ بٸرٸ. ورتالىقتىڭ بارلىق زەرتحاناسى ٶزٸنٸڭ قۇزٸرەتتٸلٸگٸ اياسىندا باعدارلامانى جٷزەگە اسىرۋ ٷشٸن بەلگٸلٸ بٸر دەڭگەيدە اتسالىسادى. مەن العان بٸلٸمٸم بويىنشا ۆيرۋسولوگپىن, سوندىقتان باستاپقىدان ۆيرۋستاردى زەرتتەۋمەن اينالىسامىن. ۆيرۋسولوگييا مەن بيوتەحنولوگييا جٶنٸندەگٸ «ۆەكتور» مەملەكەتتٸك عىلىمي ورتالىعىندا ۇزاق ۋاقىت بويى ەرتٷرلٸ لاۋازىمدا قىزمەت اتقاردىم. بۇل COVID-19 كوروناۆيرۋسىنا قارسى ۆاكتسينا ويلاپ تاباتىن رەسەيلٸك نەگٸزگٸ ٶندٸرۋشٸلەردٸڭ بٸرٸ. ودان كەيٸن مەن اقش-قا كٶشٸپ, ول جاقتا دا ۆيرۋستارعا قارسى ۆاكتسينا جاساۋمەن اينالىستىم. ول جاقتا مەن كوروناۆيرۋسقا قاتىسى جوق ۆيرۋستارمەن اينالىستىم», - دەيدٸ عالىم.
ول قازاقستانعا كەلگەننەن كەيٸن ەرٸپتەستەرٸمەن بٸرگە ۇلتتىق بيوتەحنولوگييالىق ورتالىقتا تەحنولوگييالىق بازانى جەنە ۆيرۋستاردى زەرتتەۋ جۇمىستارىن دامىتۋعا كٷش سالعان.
«بٸز الدىمەن گەندٸك ينجەنەرلٸك بازانى قۇردىق. ونداعى ماقسات - ۆيرۋستاردى زەرتتەۋگە قاتىستى مٸندەتتەردٸ ورىنداۋعا, سونىڭ ٸشٸندە ۆاكتسينا جاساۋ ٷشٸن قولدانۋعا بولاتىن گەنەتيكالىق جٷيەلەردٸ قۇرۋ بولاتىن. كوروناۆيرۋسقا قاتىستى جۇمىس تۋرالى ايتار بولسام, بٸز دەل وسى نىسانمەن جۇمىس ٸستەيتٸنٸمٸز تۋرالى جوسپارلاماعان ەدٸك. كوروناۆيرۋس پاندەميياسى بەرٸ ٷشٸن, سونىڭ ٸشٸندە بٸز ٷشٸن دە توسىنسىي بولدى. شىنىن ايتقاندا, بٸزدە كوروناۆيرۋسپەن جۇمىس ٸستەۋ تەجٸريبەسٸ جوق. بۇنداي تەجٸريبە قازاقستان بويىنشا ەشكٸمدە جوق دەپ ويلايمىن. بٸز بۇل مٸندەتتەن قورىقپايمىز. وسىعان بايلانىستى مەسەلەلەرگە قاتىستى ٶزٸمٸزدٸ سەنٸمدٸ سەزٸنەمٸز.
بٸزدٸڭ ورتالىقتاعى گەندٸك ينجەنەرييا قازٸر ۆاكتسينا جاساۋ ٷشٸن گەنەتيكالىق تٷرلەندٸرٸلگەن كونسترۋكتسييالاردى قۇرۋ ٷشٸن قاجەت بارلىق مەسەلەلەردٸ شەشە الادى. ەرينە, بۇل ۇزاق جەنە كٶپ كەزەڭدٸك جول. قازٸرگٸ ۋاقىتتا جاۋاپتى جوسپاردى ٸسكە اسىرۋ ٷشٸن ٷلكەن جۇمىستار جٷرگٸزٸلٸپ جاتىر» - دەيدٸ ول.
ول بۇل زەرتتەۋ جۇمىسى ۇزاققا سوزىلاتىنىن, سوندىقتان وعان قاتىستى ناقتى مەلٸمەت ايتۋعا ەرتە ەكەنٸن ايتتى.
«باعدارلاما اياسىندا ەرتٷرلٸ پلاتفورمادا تٶرت تٷرلٸ ۆاكتسينا جاساۋ جوسپارلانۋدا. ورتالىقتىڭ مٸندەتٸ - ەكٸ ۆاكتسينا شىعارۋ: ونىڭ بٸرٸ - تٸرٸ ۆەكتورلى ۆاكتسينا, ەكٸنشٸسٸ - رەكومبيناتتى سۋببٸرلەسكەن ۆاكتسينا. بۇل پرەپاراتتار ەرتٷرلٸ تەحنولوگييامەن دايىندالادى. ونىڭ قايسىسىنىڭ ەسەرٸ مول بولاتىنى تۋرالى ايتۋعا ەرتە. قايسىسىنىڭ ەسەرٸ جاقسى بولاتىنى انىقتالعان سوڭ ارى قاراي قاي پرەپاراتتى العا جىلجىتاتىنىمىز تۋرالى بەلگٸلٸ بولادى. بۇل باعدارلامانىڭ سوڭعى نەتيجەسٸن جانۋارلارعا جاسالعان سىناق كٶرسەتەدٸ. ودان كەيٸن ۆاكتسينانى ادامدارعا سالۋ ارقىلى سىناپ كٶرەمٸز», - دەيدٸ عالىم.
