قازاقستان دەنساۋلىق ساقتاۋ مينيسترلٸگٸنٸڭ 27 ناۋرىز 23.15-تەگٸ دەرەگٸنە ساي, الماتىدا تاعى بەس ادامنان ۆيرۋس تابىلدى. قازٸر بۇل قالادا 55 ادام دەرتكە شالدىققان.
ال ەلدە قازٸر 155 ادامعا ۆيرۋس جۇققانى انىقتالدى: الماتىدان بٶلەك نۇر-سۇلتاندا - 75 ادام, قاراعاندىدا - تٶرت ادام, جامبىل وبلىسىندا - ٷش ادام, شىمكەنتتە - ەكٸ ادام, الماتى وبلىسىندا - بٸر ادام, اقتٶبە وبلىسىندا - بٸر ادام, سولتٷستٸك قازاقستان وبلىسىندا - بٸر ادام, اتىراۋ وبلىسىندا - ٷش ادام, پاۆلودار وبلىسىندا, ماڭعىستاۋ وبلىسىندا بٸر ادام.
26 ناۋرىز كەشكٸسٸن نۇر-سۇلتاندا 64 جاستاعى بٸر ەيەل ادام Covid-19 دەرتٸنەن قايتىس بولدى. ونىڭ كوروناۆيرۋس جۇقتىرعانى قايتىس بولعان سوڭ انىقتالعان.
قازاقستاندا كوروناۆيرۋسقا بايلانىستى 15 سەۋٸرگە دەيٸن تٶتەنشە جاعداي. 19 ناۋرىزدان باستاپ الماتى مەن نۇر-سۇلتان قالالارى كارانتينگە كٶشتٸ.
ال 28 ناۋرىزدان باستاپ ەلدەگٸ ٸرٸ ٷش قالادا - الماتى, نۇر-سۇلتان, شىمكەنتتە شەكتەۋلەر كٷشەيەدٸ:
- ەندٸ ٷش قالاداعى جۇرت جۇمىسقا, ازىق-تٷلٸك جەنە دەرٸ الۋعا عانا شىعا الادى.
- پارك, جاياۋ جٷرگٸنشٸلەر كٶشەسٸ, جاعالاۋلار, ويىن الاڭدارى جابىلادى.
- قوعامدىق كٶلٸكتەردٸڭ جۇمىسى شەكتەلە باستايدى.
- قوعامدىق ورىنداردا ٷش ادامنان ارتىق جينالۋعا بولمايدى. بۇل شەكتەۋدٸڭ بٸر وتباسىنىڭ ادامدارىنا قاتىسى جوق.
- بالالار ەرەسەكتەرسٸز كٶشەگە شىعۋعا تىيىم سالىنادى.
ٶتكەن جىلدىڭ سوڭىندا قىتايدا العاش رەت تٸركەلگەلٸ بەرٸ ەلەمدە كوروناۆيرۋس جۇقتىرعانار جارتى ميلليوننان اسىپ كەتتٸ. دٷنيەجٷزٸلٸك دەنساۋلىق ساقتاۋ ۇيىمى Covid-19 كوروناۆيرۋسىن "پاندەمييا" دەپ جارييالاعان.
