قازاقستاندا كوروناۆيرۋس جۇقتىرعاندار كٷرت كٶبەيدٸ. 29 ماۋسىمدا 2016 ادامنىڭ كوروناۆيرۋس تەستٸ وڭ شىقتى. جارتىسىنا جۋىعى نۇر-سۇلتان مەن الماتىدان انىقتالعان.
بٸر كٷن بۇرىن 1300-دەن استام ادامنىڭ كوروناۆيرۋس تەستٸ وڭ شىققان ەدٸ. رەسمي مەلٸمەت بويىنشا, ەلدە سوڭعى رەت 2000-نان استام ناۋقاس 22 مامىردا تٸركەلگەن.
قازاقستاندا "ٷندٸستاندىق شتامنىڭ" تارالىپ جاتقانى جايلى اقپارات شىققالى بەرٸ كوروناۆيرۋس جۇقتىرعاندار كٶبەيٸپ جاتىر. دەنساۋلىق ساقتاۋ مينيسترلٸگٸ ٶتكەن اپتادان بەرٸ ناۋقاستار 39 پايىزعا ۇلعايعانىن حابارلاعان.
سەرسەنبٸ كٷنٸ الماتى قالاسىنىڭ ەكٸمدٸگٸ قالادا "ٷندٸستاندىق شتامنىڭ ٷلەس سالماعى" 78 پايىزعا جەتتٸ دەپ حابارلادى.
سەيسەنبٸ كٷنٸ نۇر-سۇلتاندا 678 ادامنان كوروناۆيرۋس انىقتالدى. بۇل - رەسپۋبليكا بويىنشا ەڭ جوعارى كٶرسەتكٸش. قاراعاندىدا – 302, الماتىدا – 253, باتىس قازاقستان وبلىسىندا – 126, شىمكەنتتە 103 ناۋقاس تٸركەلگەن. قالعان وبلىستاردا انىقتالعان ناۋقاستار جٷزگە جەتپەيدٸ.
28 ماۋسىمدا 83 ادامنان پنەۆمونييانىڭ كوروناۆيرۋسقا ۇقساس تٷرٸ (كوروناۆيرۋس پنەۆمونيياسى) انىقتالعان. بٸر كٷندە 13 ادام كوروناۆيرۋستان قايتىس بولعان.
2020 جىلدىڭ ناۋرىز ايىنان بەرٸ ەلدە 423 137 ادامنىڭ كوروناۆيرۋس تەستٸ وڭ شىققان. سودان بەرٸ 4 349 ادام قايتىس بولعان. 1 تامىزدان بەرٸ 57 025 ادام كوروناۆيرۋس پنەۆمونيياسىنا شالدىققان, 3 446-سى قايتىس بولعان.
30 ماۋسىمداعى مەلٸمەت بويىنشا, ەلٸمٸزدە 24 822 ادام كوروناۆيرۋس ينفەكتسيياسىنان (23 526 كۆي+ جەنە 1 296 كۆي-) ەمدەلٸپ جاتىر. ولاردىڭ ٸشٸندە 7 453 پاتسيەنت ستاتسيوناردا, 17 369 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
- 493 ادامنىڭ جاعدايى اۋىر,
- 103 پاتسيەنتتٸڭ جاعدايى ٶتە اۋىر,
- 67 ناۋقاس ٶجج اپپاراتىندا جاتىر.
قازاقستاندا كوروناۆيرۋسقا قارسى ۆاكتسينانىڭ كەمٸندە بٸرٸنشٸ دوزاسىن العاندار 3 ملن 335 مىڭ ادامعا جەتتٸ. 2 ملن ادامعا ۆاكتسينانىڭ ەكٸ دوزاسى سالىنعان. ەلدە جالپى ۆاكتسينانىڭ 5,2 ملن دوزاسى پايدالانىلعان.
دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 181 ملن 761 مىڭ ادام كوروناۆيرۋس اۋرۋىنا شالدىققان. 3 ملن 937 مىڭ ادام قايتىس بولعان. كوروناۆيرۋس جۇقتىرعاندار سانى جٶنٸنەن قازاقستان ەلەمدە 45-ورىندا تۇر.
