7 شٸلدەدە قازاقستاندا 2800 ادامنىڭ كوروناۆيرۋس تەستٸ وڭ شىقتى. 2020 جىلدىڭ ناۋرىز ايىنان بەرٸ 445 091 ادامعا كوروناۆيرۋس جۇققانى ارنايى تەستپەن دەلەلدەنگەن.
6 شٸلدەدە 26 ادام پنەۆمونييانىڭ كوروناۆيرۋسقا ۇقساس تٷرٸنە شالدىققان. پتر نەتيجەسٸ تەرٸس, بٸراق سيمپتومدارى كوروناۆيرۋسقا ۇقساس "پنەۆمونييا" ستاتيستيكاسى بىلتىر تامىزدان بەرٸ جٷرگٸزٸلٸپ كەلەدٸ. مينيسترلٸك مەلٸمەتٸنشە, سودان بەرٸ ەلدە 57 490 ادام "پنەۆمونييانىڭ" سول تٷرٸنە شالدىققان.
وسىلايشا قازاقستاندا كوروناۆيرۋس تەستٸ وڭ شىققاندار مەن پنەۆمونييانىڭ كوروناۆيرۋسقا ۇقساس تٷرٸنە شالدىققاندار جارتى ميلليوننان اسىپ, 502 581 ادام بولدى. حالىقارالىق ساراپشىلار پنەۆمونييانىڭ كوروناۆيرۋسقا ۇقساس تٷرٸن Covid دەپ سانايدى. بٸراق قازاقستان دەنساۋلىق ساقتاۋ مينيسترلٸگٸ كوروناۆيرۋس پنەۆمونيياسىن Covid ستاتيستيكاسىنا قوسپاي كەلەدٸ.
سەيسەنبٸ كٷنٸ كوروناۆيرۋس تەستٸ وڭ شىققاندار اراسىندا 28 ادام ٶلٸمٸ تٸركەلگەن, 6 ادام كوروناۆيرۋس پنەۆمونيياسىنان قايتىس بولعان. ٸندەت باستالعالى بەرٸ رەسمي مەلٸمەت بويىنشا, 4544 ادام – كوروناۆيرۋستان, 3476 ادام كوروناۆيرۋس پنەۆمونيياسىنان قايتىس بولعان.
كوروناۆيرۋسقا قاتىستى ادام ٶلٸمٸ ستاتيستيكاسىنا ۆيرۋسقا شالدىققان مىڭنان اسا ادام مارقۇم ەنبەي قالدى. مينيسترلٸك قۇرعان كوميسسييا ولاردىڭ قازاسىنا باسقا دەرت سەبەپ بولدى دەپ تاپقان.
مينيسترلٸكتٸڭ مەلٸمەتٸنشە, قازٸر 35 مىڭنان استام ادام كوروناۆيرۋستان ەمدەلٸپ جاتىر, باسىم بٶلٸگٸنٸڭ كوروناۆيرۋس تەستٸ وڭ شىققان. 11 مىڭعا جۋىق پاتسيەنت ستاتسيوناردا جاتىر: شامامەن 900 ادامنىڭ جاعدايى اۋىر نەمەسە ٶتە اۋىر. 91 ادام جاساندى تىنىس اپپاراتىنا قوسىلعان.
قازٸر ەلدەگٸ ٸرٸ ٷش قالا مەن التى وبلىس "قىزىل ايماقتا": نۇر-سۇلتان, الماتى, شىمكەنت قالالارى, اقمولا, اتىراۋ, بقو, قاراعاندى, ماڭعىستاۋ جەنە پاۆلودار وبلىستارى. اقتٶبە, قوستاناي, سقو, قىزىلوردا, الماتى, جامبىل وبلىستارى ۆيرۋس تاراۋى جاعىنان ورتاشا "سارى ايماقتا" تۇر. قالعان تٷركٸستان مەن شىعىس قازاقستان وبلىستارى – "جاسىل ايماقتا".
مينيسترلٸكتٸڭ دەرەگٸنشە, 8 شٸلدەگە دەيٸن 4 ميلليوننان استام ادام كوروناۆيرۋسقا قارسى ەكپەنٸڭ بٸر دوزاسىن; 2,28 ملن ادام ەكٸ دوزاسىن العان. ەلدە رەسەيلٸك "سپۋتنيك V", قازاقستاندىق QazVac, HayatVax (باە ەلٸندە دايىندالعان قىتايدىڭ ەكپەسٸ), قىتايلىق Coronavac ەكپەسٸن سالىپ جاتىر.
اقش-تاعى دجونس حوپكينس ۋنيۆەرسيتەتٸنٸڭ ەسەبٸنشە, ٸندەت باستالعالى بەرٸ ەلەمدە 185 ملن ادام Covid دەرتٸنە شالدىققان. 4 ميلليونعا جۋىق ادام قايتىس بولعان.
