قر مەملەكەتتٸك باس سانيتارلىق دەرٸگەرٸ ايجان ەسماعامبەتوۆا كوروناۆيرۋس ينفەكتسيياسى بويىنشا تەستتەن ٶتۋٸ تيٸس ادامدار ساناتىنىڭ تٸزٸمٸ كەڭەيتٸلگەنٸن مەلٸم ەتتٸ, دەپ حابارلايدى قازاقپارات.
«ەلدەگٸ احۋالعا بايلانىستى 14 سەۋٸردە كارانتين شارالارىن كٷشەيتۋ بويىنشا قاۋلى شىعاردىم. وعان سەيكەس اۋرۋحانالاردىڭ بەرٸ دە ەپيدەميياعا قارسى كٷشەيتٸلگەن رەجيمگە كٶشەدٸ. ياعني, اۋرۋحاناداعى ەر پاتسيەنت – كوروناۆيرۋس جۇقتىرعان ادام رەتٸندە كٷدٸككە ٸلٸنەدٸ. مەديتسينالىق ۇيىمدار مەن اۋرۋحانالاردىڭ بارلىق قىزمەتكەرلەرٸ اۋرۋىنا جەنە دياگنوزىنا قاراماستان پاتسيەنتتەردٸ قابىلداپ, دياگنوستيكا جٷرگٸزەدٸ. سونىمەن قاتار كارانتين جەنە پروۆيزورلىق ستاتسيونارلارعا, ينفەكتسييالىق ستاتسيونارلارعا تالاپ كٷشەيتٸلدٸ. ستاتسيونارلاردا بەينەباقىلاۋ كامەرالارى ورناتىلىپ, تيٸستٸ جەلدەتۋ جٷيەسٸ جولعا قويىلۋى تيٸس. مەديتسينالىق ۇيىمداردىڭ ەر اۋىسىمى بٸر-بٸرٸنەن وقشاۋلانا جٷرۋٸ كەرەك», - دەدٸ ايجان ەسماعامبەتوۆا وكق-دا ونلاين رەجيمدە ٶتكەن باسپاسٶز مەسليحاتىندا.
مەملەكەتتٸك باس سانيتارلىق دەرٸگەردٸڭ ايتۋىنشا, مەديتسينالىق ۇيىمداردا پەرسونالدارعا تازا بٶلٸكتەن لاس بٶلٸككە (نەمەسە كەرٸسٸنشە) ٶتۋگە تىيىم سالىنادى.
«باس دەرٸگەرلەردٸڭ بەرٸ دە جەكە قاۋٸپسٸزدٸك قۇرالدارىمەن قامتاماسىز ەتٸلۋٸ كەرەك. سونىمەن قاتار دەزينفەكتسييالىق رەجيمنٸڭ قاتاڭ ساقتالۋىن دا قامتاماسىز ەتۋ قاجەت. مەديتسينا قىزمەتكەرلەرٸ دە قىزمەت بابىندا اباي بولىپ, ينفەكتسييالىق قاۋٸپسٸزدٸكتٸ ساقتاۋى تيٸس», - دەدٸ ول.
ايجان ەسماعامبەتوۆا سونىمەن قاتار تەستتەن ٶتۋٸ تيٸس ادامدار ساناتىنىڭ تٸزٸمٸ كەڭەيتٸلگەنٸن جەتكٸزدٸ.
«قازٸرگٸ تاڭدا جٷكتٸ ەيەلدەر, جٷرەك, قان تامىرلارى, تىنىس جولدارى بويىنشا سوزىلمالى اۋرۋى بار ادامدار دا كوروناۆيرۋس ينفەكتسيياسى بويىنشا كٷدٸكتە بولماسا دا تەستتەن ٶتۋگە مٸندەتتەلەدٸ», - دەپ تٷيدٸ مەملەكەتتٸك باس سانيتارلىق دەرٸگەر.
