فوتو: istockphoto.com
2025 جىلعى 15 قىركٷيەكتەن باستاپ مٷلٸك يەلەرٸ بٸرلەستٸگٸنٸڭ (ميب) تٶراعاسى جالپى جينالىستا ٷش جىل مەرزٸمگە سايلانىپ, ٷي كەڭەسٸنٸڭ قۇرامىنا مٸندەتتٸ تٷردە كٸرەدٸ, دەپ حابارلايدى Ult.kz.
جاڭا تالاپتارعا سەيكەس, تٶراعا نەمەسە ٷي كەڭەسٸنٸڭ مٷشەسٸ بولۋ ٷشٸن كانديدات پەتەردٸڭ نە تۇرعىن ەمەس ٷي-جايدىڭ مەنشٸك يەسٸ بولۋى شارت. سونىمەن قاتار, مەنشٸك يەسٸمەن بٸرگە تۇراقتى تۇراتىن وتباسى مٷشەلەرٸ — جۇبايى, بالالارى نەمەسە اتا-اناسى دا ٷمٸتكەر بولا الادى.
تٶراعا ميب مٷددەلەرٸن سوتتاردا, مەملەكەتتٸك ورگانداردا جەنە ٶزگە ۇيىمداردا سەنٸمحاتسىز قورعاي الادى. ەگەر ول 15 كٷننەن استام ۋاقىت قىزمەتٸن اتقارا الماسا, جينالىس شەشٸمٸمەن ٷي كەڭەسٸ ۋاقىتشا تٶراعانى سايلايدى. بۇل ٶكٸلەتتٸك جاڭا تٶراعا سايلانعانعا دەيٸن, بٸراق التى ايدان اسپاۋعا تيٸس.
سونداي-اق, تٶراعا كٶپپەتەرلٸ ٷيدٸ باسقارۋ ٷشٸن كەسٸبي باسقارۋشىمەن ەڭبەك شارتىنا وتىرا الادى. باسقارۋشى مٸندەتتٸ تٷردە قر ازاماتى بولىپ, كەسٸبي بٸلٸكتٸلٸگٸن راستايتىن قۇجاتى بولۋى كەرەك.
ەڭبەك شارتى بەكٸتٸلگەن سوڭ, باسقارۋشى تۋرالى مەلٸمەت تۇرعىن ٷي ينسپەكتسيياسىنا جولدانىپ, كوندومينيۋم نىساندارىن باسقارۋشىلاردىڭ بٸرىڭعاي تٸزٸلٸمٸنە ەنگٸزٸلەدٸ.
