قازاقستان كٶپتەگەن سالادا قارجى يندۋستريياسىن تسيفرلىق دامىتۋ بويىنشا الدىڭعى قاتاردا تۇر. بۇل تۋرالى قر ۇلتتىق بانكٸنٸڭ تٶراعاسى ەربولات دوساەۆ قازاقستان قارجىگەرلەرٸنٸڭ IX كونگرەسٸندە ايتتى, دەپ حابارلايدى قازاقپارات.
«تسيفرلاندىرۋ بٷكٸل ەلەم بويىنشا قارجى نارىقتارىن قالپىنا كەلتٸرۋدٸڭ نەگٸزگٸ قوزعاۋشى كٷشٸنە اينالدى. قازاقستان كٶپتەگەن سالادا قارجى يندۋستريياسىن تسيفرلىق دامىتۋدىڭ الدىڭعى قاتارىندا كەلەدٸ. تسيفرلىق سەرۆيستەردٸڭ ىقپالىمەن بٸز ەلدەگٸ قولما-قول اقشاسىز تٶلەمدەردٸڭ ايتارلىقتاي ٶسكەنٸن بايقاپ وتىرمىز. وسىلايشا, 5 جىل ٸشٸندە حالىقتىڭ قولما-قول اقشاسىز تٶلەمدەرٸنٸڭ كٶلەمٸ 26 ەسە ٶستٸ, ال ينتەرنەت جەنە موبيلدٸ سەرۆيستەر ارقىلى تٶلەمدەردٸڭ ٷلەسٸ 22%-تەن 83%-كە دەيٸن ۇلعايىپ, رەكوردتىق كٶرسەتكٸشكە جەتتٸ», - دەدٸ دوساەۆ.
ۇلتتىق بانك تٶراعاسى ٶزگەرٸستەر قارقىنىن توقتاتپاي, قارجى سالاسىن ودان ەرٸ تسيفرلاندىرۋدى قولداۋ قاجەتتٸگٸن ايتتى.
«قارجى نارىعىنىڭ بەرٸنە بٸردەي قولجەتٸمدٸ تسيفرلىق ينفراقۇرىلىمى – ۇلتتىق بانك ٷشٸن باسىم باعىتتا. پرەزيدەنت تاپسىرماسىمەن قۇرىلاتىن ۇلتتىق تٶلەم جٷيەسٸ مەن تسيفرلىق بيومەترييالىق سەيكەستەندٸرۋ پلاتفورماسى – ونىڭ ماڭىزدى قۇرامداس بٶلٸكتەرٸ. اتالعان رەفورمالار قارجىلىق قىزمەت كٶرسەتۋ سالاسىن بارىنشا جوعارى ساپالى دەڭگەيگە كٶتەرۋگە مٷمكٸندٸك بەرەدٸ. جاڭارتىلعان تسيفرلىق ينفراقۇرىلىم نارىقتىڭ بارلىق قاتىسۋشىلارى ٷشٸن قولجەتٸمدٸ بولادى جەنە جاڭا بۋىننىڭ قارجىلىق سەرۆيستەرٸن جىلدام جەنە ارزان جاساۋعا مٷمكٸندٸك تۋعىزادى», - دەپ تٷسٸندٸردٸ دوساەۆ.
