Qazaqstan kóptegen salada qarjy indýstriiasyn tsifrlyq damytý boiynsha aldyńǵy qatarda tur. Bul týraly QR Ulttyq bankiniń tóraǵasy Erbolat Dosaev Qazaqstan qarjygerleriniń IX kongresinde aitty, dep habarlaidy QazAqparat.
«Tsifrlandyrý búkil álem boiynsha qarjy naryqtaryn qalpyna keltirýdiń negizgi qozǵaýshy kúshine ainaldy. Qazaqstan kóptegen salada qarjy indýstriiasyn tsifrlyq damytýdyń aldyńǵy qatarynda keledi. Tsifrlyq servisterdiń yqpalymen biz eldegi qolma-qol aqshasyz tólemderdiń aitarlyqtai óskenin baiqap otyrmyz. Osylaisha, 5 jyl ishinde halyqtyń qolma-qol aqshasyz tólemderiniń kólemi 26 ese ósti, al Internet jáne mobildi servister arqyly tólemderdiń úlesi 22%-ten 83%-ke deiin ulǵaiyp, rekordtyq kórsetkishke jetti», - dedi Dosaev.
Ulttyq bank tóraǵasy ózgerister qarqynyn toqtatpai, qarjy salasyn odan ári tsifrlandyrýdy qoldaý qajettigin aitty.
«Qarjy naryǵynyń bárine birdei qoljetimdi tsifrlyq infraqurylymy – Ulttyq bank úshin basym baǵytta. Prezident tapsyrmasymen qurylatyn Ulttyq tólem júiesi men Tsifrlyq biometriialyq sáikestendirý platformasy – onyń mańyzdy quramdas bólikteri. Atalǵan reformalar qarjylyq qyzmet kórsetý salasyn barynsha joǵary sapaly deńgeige kóterýge múmkindik beredi. Jańartylǵan tsifrlyq infraqurylym naryqtyń barlyq qatysýshylary úshin qoljetimdi bolady jáne jańa býynnyń qarjylyq servisterin jyldam jáne arzan jasaýǵa múmkindik týǵyzady», - dep túsindirdi Dosaev.
