قر پارلامەنتٸ مەجٸلٸسٸنٸڭ دەپۋتاتى ايدوس سارىم سوڭعى ۋاقىتتا ەلٸمٸزدە جيٸ تالقىلانىپ جاتقان كيبەربۋللينگكە قاتىستى ٶز ويىن بٸلدٸردٸ, دەپ حابارلايدى قازاقپارات.
«باق تۋرالى زاڭدى ۇسىنعالى بٸرنەشە سۇحبات بەردٸم. ول زاڭدا بٸرنەشە مەسەلە قامتىلعان. ونىڭ ٸشٸندە دەل قازٸر جيٸ تالقىلانىپ جاتقانى تەك كيبەربۋللينگ مەسەلەسٸ. سونىمەن قاتار ەلەۋمەتتٸك جەلٸگە قاتىستى تۇسى. بۇل مەنٸڭ تٷسٸنٸگٸمشە, جۋرناليستٸك قاۋىمنىڭ تايازدىعىن كٶرسەتەدٸ. شىندىعىن ايتساق, بٸزدٸڭ بالالارىمىزدىڭ تاعدىرى, ونىڭ ٸشٸندە پسيحولوگييالىق, ەلەۋمەتتٸك جاعى كٶبٸن قىزىقتىرمايدى. ەسەسٸنە ەلەۋمەتتٸك جەلٸ جۇمىسىنىڭ ەركٸندٸگٸ بەرٸنە قىزىقتى. مەنٸڭشە, بۇل حايپ تاقىرىپ. ٶيتكەنٸ, ٷكٸمەت ەلەۋمەتتٸك جەلٸنٸ راسىمەن بۇعاتتاعىسى كەلسە, وسى زاڭسىز-اق, بۇعان دەيٸن قابىلدانعان زاڭنىڭ 41-شٸ بابىنا ساي كەز كەلگەن ەلەۋمەتتٸك جەلٸنٸ تولىق تٷردە بۇعاتتاۋعا مٷمكٸندٸگٸ بار», - دەدٸ ايدوس سارىم ەلٸمٸزگە تانىمال جۋرناليست بٷبٸگٷل جەكسەنبايعا بەرگەن سۇحباتىندا.
حالىق قالاۋلىسىنىڭ ايتۋىنشا, باق تۋرالى زاڭ قابىلدانعان سوڭ سالاعا قاتىستى مەسەلەلەر ٶز ورنىنا قويىلادى.
«زاڭدى تالقىلاۋدا بٸرٸنشٸ وقىلىمعا دەيٸن سونشالىقتى مەسەلە تۋىنداماعان. ونىڭ تاعدىرىنا ەشكٸم اسا مەن دە بەرمەدٸ. ٷكٸمەتتٸڭ قورىتىندىسىمەن قايتىپ كەلٸپ, ەكٸنشٸ وقىلىمدا قابىلدانعان كەزدە كەيبٸر ادامدار ٷشٸن پيار جاساۋدىڭ مٷمكٸندٸگٸن بەردٸ. اينالىپ كەلگەندە بۇل زاڭدا جۇرت قورقاتىنداي, ٷركەتٸندەي ەشتەڭە جوق. كەرٸسٸنشە, ٶتە ماڭىزدى مەكتەپ باعدارلاماسى, وقۋلىققا قاتىستى دٷنيەلەر ايتىلعان», - دەيدٸ ول.
