قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ جەمقورلىق ٷشٸن سوتتالعان لاۋازىمدى تۇلعالاردىڭ ستاتيستيكاسىن جارييالادى, دەپ xابارلايدى قازاقپارات تٸلشٸسٸ.
اگەنتتٸك تٶراعاسىنىڭ ورىنباسارى ولجاس بەكتەنوۆتىڭ ايتۋىنشا, وسى ۋاقىتقا دەيٸن ەلٸمٸزدە 2 پرەمەر-مينيستر, 22 مينيستر, اگەنتتٸك تٶراعاسى مەن ولاردىڭ ورىنباسارى, 17 وبلىس پەن قالا ەكٸمٸ, 11 ۇلتتىق كومپانييا باسشىسى, 8 گەنەرال جەمقورلىق ٷشٸن سوتتالدى.
"دەگەنمەن سوڭعى ەكٸ جىلدىڭ ٸشٸندە سىبايلاس جەمقورلىق ەرەكەتتەرٸنٸڭ سانى ازايىپ كەلەدٸ. بٸز ونىڭ بەرٸ جان-جاقتى ناسيxات جۇمىستارىمەن تىعىز بايلانىستى دەپ سانايمىز. سوسىن قوعامدىق سانا دا ٶزگەرٸپ جاتىر. 2016 جىلدان بەرٸ انىقتالعان جەمقورلىق فاكتٸلەرٸنٸڭ سانى 23 پروتسەنتكە ازايدى", - دەدٸ و.بەكتەنوۆ مەملەكەتتٸك قىزمەتتٸڭ جاڭا فورماتىن قالىپتاستىرۋعا ارنالعان پانەلدٸك سەسسييادا.
ايتا كەتەيٸك, بٷگٸنگٸ جيىندا اگەنتتٸك باسشىلىعى سىبايلاس جەمقورلىققا قارسى ٸس-قيمىل ۇلتتىق بيۋروسىن وڭتايلاندىرۋدىڭ نەتيجەسٸن دە جارييالادى. ولجاس بەكتەنوۆتٸڭ ايتۋىنشا, وسى ۋاقىتقا دەيٸن سىبايلاس جەمقورلىققا قارسى ٸس-قيمىل ۇلتتىق بيۋروسىندا 250-گە جۋىق باسشىلىق قىزمەتٸ قىسقارتىلدى. بۇدان بٶلەك, ارتىق قۇرىلىمدار وڭتايلاندىرىلدى. سونىڭ ەسەبٸنەن شۇعىل تەرگەۋ قىزمەتٸ كٷشەيتٸلدٸ.
«بۇرىن ۇلتتىق بيۋرودا باسشىلار مەن قىزمەتكەرلەردٸڭ ارا قاتىناسى 1:2, ياعني بٸر باستىقتىڭ قول استىندا ەكٸ ادام بولسا, قازٸر اتالعان كٶرسەتكٸش دامىعان مەملەكەتتەردٸڭ دەڭگەيٸ - 1:8-گە جەتتٸ. سوسىن قۇقىق قورعاۋشىلاردى اشىق كونكۋرس نەگٸزٸندە جۇمىسقا قابىلدايتىن بولدى.
جالپى, ۇلتتىق بيۋرو بويىنشا شامامەن 1 ميلليارد تەڭگە ٷنەمدەلدٸ. وسىنىڭ نەتيجەسٸندە قىزمەتكەرلەردٸڭ جالاقىسى 2 ەسەدەن ارتىق ٶستٸ. بۇل جەردە پرەزيدەنتتٸك ٶسٸماقى دا بار. وعان تاعى ٷنەمدەلگەن قارجىنىڭ ٷستەماقىسى قوسىلادى. بٷگٸندە سىبايلاس جەمقورلىققا قارسى ٸس-قيمىل ۇلتتىق بيۋروسى ەڭ جوعارى جالاقى الاتىن قۇقىق قورعاۋ ورگانى بولىپ سانالادى», - دەيدٸ و.بەكتەنوۆ.
