قازاقستاندا قانشا بالا ۆاكتسينا سالدىردى?

قازاقستاندا 3 300 بالا Pfizer ۆاكتسيناسىن سالدىردى, دەپ حابارلايدى قازاقپارات.

دەنساۋلىق ساقتاۋ ۆيتسە-مينيسترٸ اجار عينييات جەنە سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا بالالار ۆاكتسيناتسيياسىن باقىلاۋ ٷشٸن ەلوردالىق مەكتەپكە باردى. 

«ەلٸمٸزدە كوروناۆيرۋس بالالار ۆاكتسيناتسيياسى باستالدى. ۆاكتسينالاۋ ەكٸ جەردە – مەكتەپتەردە جەنە ەمحانالاردا جٷرگٸزٸلەدٸ. ول اتا-انالاردىڭ قالاۋىمەن شەشٸلەدٸ. بٷگٸنگٸ تاڭدا ەل بويىنشا 3 300 بالا ۆاكتسينا الىپ ٷلگەردٸ. دەرٸگەرلەرمەن دە كەزدەسٸپ جاتىرمىز, بارلىق وبلىستىق دەنساۋلىق ساقتاۋ باسقارمالارىمەن سٶيلەسٸپ وتىرمىز. بالالارعا قاتتى جاناما ەسەر بولعان جوق», - دەدٸ اجار عينييات تٸلشٸلەرگە بەرگەن سۇحباتىندا. 

ۆيتسە-مينيستر بۇل جۇمىستىڭ جوسپارلى, جٷيەلٸ تٷردە, اتا-انالار كەلٸسٸمٸمەن, دەرٸگەرلەردٸڭ رۇقساتىمەن جٷرگٸزٸلەتٸنٸن ەسكە سالدى. 

«بالالار مەن قاتار جٷكتٸ ەيەلدەر, ەمٸزۋلٸ ەيەلدەر سيياقتى كوروناۆيرۋستان ساقتاۋ بويىنشا قاتەرلٸ توپتارىمىز بار, سوندىقتان ولار Pfizer ۆاكتسيناسىن الادى», - دەدٸ عينييات. 

ايتا كەتەيٸك, ەلٸمٸزگە Pfizer ۆاكتسيناسىنىڭ 379 مىڭ دوزاسى جەتكٸزٸلدٸ.

«مينيسترلٸك Pfizer كومپانيياسىنىڭ Comirnaty (Pfizer) ۆاكتسيناسىنىڭ 4 ملن 230 مىڭ دوزاسىن ۆاكتسينا ساتىپ الدى. بۇل 2 ملن 115 مىڭ ادامدى قامتۋعا مٷمكٸندٸك بەرەدٸ. رەسپۋبليكاعا 379 مىڭ دوزا كٶلەمٸندە بٸرٸنشٸ پارتيياسى جەتكٸزٸلدٸ. ونى دٷنيەجٷزٸلٸك دەنساۋلىق ساقتاۋ ۇيىمى 12-دەن 18 جاسقا دەيٸنگٸ بالالار مەن جاسٶسپٸرٸمدەردٸ, جٷكتٸ جەنە بالا ەمٸزەتٸن انالاردى ۆاكتسيناتسييالاۋ ٷشٸن ۇسىنادى», - دەدٸ دەنساۋلىق ساقتاۋ مينيسترٸ الەكسەي تسوي.