Qazaqstanda 3 300 bala Pfizer vaktsinasyn saldyrdy, dep habarlaidy QazAqparat.
Densaýlyq saqtaý vitse-ministri Ajar Ǵiniiat jáne Sanitarlyq-epidemiologiialyq baqylaý komitetiniń tóraǵasy Aijan Esmaǵambetova balalar vaktsinatsiiasyn baqylaý úshin elordalyq mektepke bardy.
«Elimizde koronavirýs balalar vaktsinatsiiasy bastaldy. Vaktsinalaý eki jerde – mektepterde jáne emhanalarda júrgiziledi. Ol ata-analardyń qalaýymen sheshiledi. Búgingi tańda el boiynsha 3 300 bala vaktsina alyp úlgerdi. Dárigerlermen de kezdesip jatyrmyz, barlyq oblystyq densaýlyq saqtaý basqarmalarymen sóilesip otyrmyz. Balalarǵa qatty janama áser bolǵan joq», - dedi Ajar Ǵiniiat tilshilerge bergen suhbatynda.
Vitse-ministr bul jumystyń josparly, júieli túrde, ata-analar kelisimimen, dárigerlerdiń ruqsatymen júrgiziletinin eske saldy.
«Balalar men qatar júkti áielder, emizýli áielder siiaqty koronavirýstan saqtaý boiynsha qaterli toptarymyz bar, sondyqtan olar Pfizer vaktsinasyn alady», - dedi Ǵiniiat.
Aita keteiik, elimizge Pfizer vaktsinasynyń 379 myń dozasy jetkizildi.
«Ministrlik Pfizer kompaniiasynyń Comirnaty (Pfizer) vaktsinasynyń 4 mln 230 myń dozasyn vaktsina satyp aldy. Bul 2 mln 115 myń adamdy qamtýǵa múmkindik beredi. Respýblikaǵa 379 myń doza kóleminde birinshi partiiasy jetkizildi. Ony Dúniejúzilik densaýlyq saqtaý uiymy 12-den 18 jasqa deiingi balalar men jasóspirimderdi, júkti jáne bala emizetin analardy vaktsinatsiialaý úshin usynady», - dedi Densaýlyq saqtaý ministri Aleksei Tsoi.
