2020 جىلى دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنا دەرٸلٸك زاتتى ساراپتامادان ٶتكٸزۋ بويىنشا 7 176 ٶتٸنٸم تٷستٸ, دەپ حابارلايدى "ۇلت اقپارات" ورتالىقتىڭ باسپاسٶز قىزمەتٸنە سٸلتەمە جاساپ.
ساراپاتاماعا بەرٸلگەن پرەپاراتتىڭ 998-ى قازاقستاندىق ٶندٸرۋشٸدەن بەرٸلگەن.
«ٶتٸنٸمدەر تٸركەۋ, قايتا تٸركەۋ جەنە تٸركەۋ قۇجاتتاماسىنا ٶزگەرٸستەر ەنگٸزۋ بويىنشا تٷستٸ. كەلٸپ تٷسكەن پرەپاراتتاردىڭ بارلىعى بٸردەي ەكسپەرتتٸك ۇيىمنىڭ وڭ قورىتىندىسىن الماۋى مٷمكٸن. تەرٸس قورىتىندى بٸرنەشە جاعدايدا بەرٸلەدٸ. كٶبٸنە, ٶتٸنٸم بەرۋشٸ قاتە مەلٸمەت بەرسە, ساپا مەن قاۋٸپسٸزدٸك كٶرسەتكٸشتەرٸ تالاپ ەتٸلگەننەن تٶمەن بولسا, دەرٸ قۇرامىندا قازاقستاندا تىيىم سالىنعان زاتتار تابىلسا, ٶندٸرٸس شارتتارى بەلگٸلەنگەن تالاپتارعا سەيكەس كەلمەسە, دەرٸلٸك زاتتى پايدالانۋ كەزٸندە ونىڭ پايداسى بايقالماسا», دەلٸنگەن حابارلامادا.
بٷگٸندە قازاقستاندا دەرٸلٸك زاتتار مەملەكەتتٸك رەەسترٸندە 7 305 پرەپارات تٸركەلگەن. ونىڭ 931-ٸ وتاندىق ٶنٸم. اتاپ ايتارلىعى, ەلدە تٸركەلگەن دەرٸ-دەرمەك سانى كٷننەن-كٷنگە ارتىپ كەلەدٸ.
بٸر جاعىنان, ساراپتامادان ٶتٸپ, ەلدە قولدانۋعا رۇقسات بەرٸلگەن جاڭا پرەپاراتتار قوسىلسا, ەكٸنشٸ جاعىنان, زەرتتەۋ نەتيجەسٸندە الىنعان نەمەسە دەرٸگەرلەردٸڭ حابارلاماسىنا نەگٸزدەلگەن جاڭا قاۋٸپسٸزدٸك تۋرالى اقپارات بويىنشا دەرٸ-دەرمەكتەر نارىقتان الىنىپ تاستالادى. ٶندٸرۋشٸ دە تەحنيكالىق, ماركەتينگ نەمەسە باسقا دا سەبەپتەرمەن ٶز ەركٸمەن تٸركەۋدٸ توقتاتۋى مٷمكٸن.
«دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى دەرٸلٸك زاتتار تٸركەلگەنگە دەيٸن دە, كەيٸن دە ەكسپەرتتٸك جۇمىستار جٷرگٸزە بەرەدٸ. دەرٸلٸك زاتتاردىڭ ساپاسىن باقىلاۋ جٷيەسٸ ولاردىڭ قولدانىستا جٷرگەن بارلىق كەزەڭدەرٸن قامتيدى. پرەپاراتتاردى مەملەكەتتٸك تٸركەۋدەن بۇرىن ولاردىڭ تيٸمدٸلٸگٸ, قاۋٸپسٸزدٸگٸ مەن ساپاسىنا كەشەندٸ باعالاۋ جٷرگٸزٸلەدٸ, سونىڭ نەتيجەسٸندە دەرٸ-دەرمەك نارىققا شىعارىلادى. تٸركەۋ تيٸستٸ تٸركەۋ كۋەلٸگٸمەن راستالادى», دەلٸنگەن حابارلامادا
بارلىق تٸركەلگەن دەرٸ-دەرمەكتەرمەن ورتالىقتىڭ سايتىندا اشىق ورنالاستىرىلعان مەملەكەتتٸك رەەستردە تانىسۋعا بولادى. مۇندا دەرٸلٸك زاتتار تۋرالى تولىق اقپارات, ونىڭ ٸشٸندە اتاۋى, ٶندٸرۋشٸسٸ, تٸركەلگەن كٷنٸ, شىعارىلعان تٷرٸ, دوزاسى, قولدانۋ نۇسقاۋلىعى, سونداي-اق رەتسەپت بويىنشا نەمەسە ونسىز بوساتۋ تۋرالى مەلٸمەتتەر بار. بۇدان باسقا, تٸركەلگەن دەرٸلەر تۋرالى تولىق اقپاراتپەن Darikz موبيلدٸ قوسىمشاسىندا دا تانىسۋعا بولادى.
«قازاقستاندا تٸركەلمەگەن پرەپاراتتاردى ساتۋعا تىيىم سالىنعانىن ەستەن شىعارماۋ كەرەك. سوندىقتان دەرٸ-دەرمەكتٸ ليتسەنزيياسى بار دەرٸحانالاردان ساتىپ الۋ قاجەت. جەكە تۇلعالار مەن بازاردان جەنە باسقا دا ساتۋ پۋنكتەرٸنەن دەرٸ الماعان جٶن. دەرٸنٸ ساتىپ الۋ كەزٸندە ساتىپ الۋشى پرەپاراتتىڭ ساپاسىن دەلەلدەيتٸن قۇجاتتار سۇراۋعا قۇقىلى», دەلٸنگەن حابارلامادا.
