فوتو: اقوردا
مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت, بٸلٸم بەرۋ, وتباسى جەنە مەملەكەتتٸك باقىلاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويدى, دەپ حابارلايدى Ult.kz.
اتالعان زاڭ ارقىلى جەر, بيۋدجەت, كەسٸپكەرلٸك, «نەكە (ەرلٸ-زايىپتىلىق) جەنە وتباسى تۋرالى», «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستەرگە, سونداي-اق «قازاقستان رەسپۋبليكاسىنداعى تiل تۋرالى», «قازاقستان رەسپۋبليكاسىنداعى بالا قۇقىقتارى تۋرالى», «مەدەنيەت تۋرالى», «بٸلٸم تۋرالى» جەنە «پەداگوگ مەرتەبەسٸ تۋرالى» زاڭدارعا ٶزگەرٸستەر ەنگٸزٸلدٸ.
تٷزەتۋلەردٸڭ بٸرٸنشٸ بلوگى جەتٸم جەنە اتا-انا قامقورلىعىنسىز قالعان بالالاردى قورعاۋدىڭ قۇقىقتىق تەتٸكتەرٸن كٷشەيتەدٸ.
بالانى اسىراپ الۋ جەنە كەمەلەتكە تولماعاندارعا قامقورشىلىقتى نەمەسە قورعانشىلىقتى تاعايىنداۋ بارىسىندا بالانىڭ تۋىستارىنا, ال ولار بولماعان جاعدايدا نەكەدە تۇرعان ادامدارعا باسىم قۇقىق بەرٸلەدٸ.
تٷزەتۋلەردٸڭ ەكٸنشٸ بلوگىنا سەيكەس, بالالاردىڭ تاماقتانۋىنا, تۇرعىن ٷيٸنە, مەديتسينالىق كٶمەگٸنە, بٸلٸم الۋىنا, تەربيەسٸنە جەنە ولاردى ساۋىقتىرۋعا مەملەكەت بيۋدجەتٸ ەسەبٸنەن قارجى بٶلٸنەتٸن سۋبەكتٸلەرگە (وبەكتٸلەرگە) قاتىستى مەملەكەتتٸڭ سانيتارييالىق-ەپيدەميولوگييالىق باقىلاۋ مەن قاداعالاۋ تەرتٸبٸ «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستٸڭ, سونداي-اق «قازاقستان رەسپۋبليكاسىنداعى بالا قۇقىقتارى تۋرالى» زاڭنىڭ اياسىندا رەتتەلەتٸن سالاعا جاتقىزىلادى. سەيكەسٸنشە تيٸستٸ نورمالار كەسٸپكەرلٸك كودەكستەن الىنىپ تاستالادى.
تٷزەتۋلەردٸڭ ٷشٸنشٸ بلوگى بٸلٸم بەرۋ سالاسىنداعى كەيبٸر تٷيتكٸلدٸ مەسەلەلەردٸ شەشەدٸ.
بۇدان بىلاي تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸم بەرۋ ۇيىمدارى وقۋ-اعارتۋ مينيسترلٸگٸ بەكٸتەتٸن, وسىنداي ۇيىمدار قىزمەتٸنٸڭ جەتٸستٸكتەرٸن رەيتينگتٸك كٶرسەتكٸشتەرگە ساي باعالاۋ ەدٸستەمەسٸنە جەنە ولاردى سارالاۋ قاعيدالارىنا سٷيەنە وتىرىپ سارالانادى. ال جوعارى نەمەسە جوعارى وقۋ ورنىنان كەيٸنگٸ بٸلٸم بەرۋ ۇيىمدارىنىڭ سارالانۋى عىلىم جەنە جوعارى بٸلٸم مينيسترلٸگٸ بەكٸتەتٸن باعالاۋ ەدٸستەمەسٸ مەن قاعيدالارىنا نەگٸزدەلەدٸ.
تٷزەتۋلەردٸڭ تٶرتٸنشٸ بلوگى مەدەنيەت سالاسىنداعى بٸرقاتار مەسەلەنٸ شەشۋگە باعىتتالعان.
كونتسەرت ٶتكٸزۋ كەزٸندە فونوگرامما پايدالانۋعا تىيىم سالىنادى (بۇل ەرەجەنٸڭ تەلەۆيزييالىق جازبالارعا, كونتسەرت ٶتكٸزۋگە ارنايى بەيٸمدەلمەگەن جەنە ارنالماعان ورىندارعا قاتىسى جوق). سونداي-اق اۆتورلىق قۇقىق وبەكتٸسٸ سانالاتىن شىعارمالاردى ماسس-مەديادا نەمەسە ونلاين-پلاتفورمالاردا جارييا تٷردە پايدالانعان كەز كەلگەن جاعدايدا اۆتوردى (اۆتورلاردى) كٶرسەتۋ مٸندەتتٸ.
كٸتاپحانا قورىن بايىتۋ جەنە ساقتاۋ شارالارىن قابىلداۋ بۇدان بىلاي جەرگٸلٸكتٸ اتقارۋشى ورگانداردىڭ قۇزىرەتٸنە كٸرەدٸ.
زاڭ مەتٸنٸ باسپاسٶزدە جارييالانادى.
