ساۋدا جەنە ينتەگراتسييالار مينيسترٸ باقىت سۇلتانوۆ ەت ٶنٸمدەرٸن ەكسپورتتاۋ كٶرسەتكٸشتەرٸن باياندادى, دەپ حابارلايدى قازاقپارات.
«2020 جىلى ٸرٸ قارا مال ەتٸ 9 ملن دوللارعا ەكسپورتتالدى, جالپى كٶلەمٸ – 2,7 مىڭ توننا. جىل باسىنان بەرگٸ 4 ايدا ەكسپورت كٶلەمٸ 9,4 ملن دوللارعا 2,6 مىڭ توننا ەتتٸ قۇرادى. يمپورت كٶلەمٸ بىلتىر 4 ايدا 35 ملن دوللار بولسا, بيىل 21 ملن دوللاردى قۇراعان, ياعني 41% تٶمەندەدٸ. بۇل كٶرسەتكٸشتەر ەكسپورت كٶلەمٸ ارتىپ, يمپورت كٶلەمٸ ازايىپ جاتقانىن كٶرسەتەدٸ», - دەدٸ ساۋدا مينيسترٸ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, مينيستر «قۋاڭشىلىقتان كەيٸن كٷزدە ەت تاپشىلىعى بولماۋى ٷشٸن مينيسترلٸك نە ٸستەپ جاتىر?» دەگەن سۇراققا جاۋاپ بەردٸ.
«ەرينە, ەت بولسىن, باسقا ٶنٸم بولسىن, ٶندٸرۋ كٶلەمٸ ەڭ بٸرٸنشٸ ٶز حالقىمىزدى قامتاماسىز ەتۋٸ كەرەك. ەرٸ قاراي ەكسپورتقا مٷمكٸندٸك بولسا, ونى دا قولداۋىمىز كەرەك. ٶيتكەنٸ, بۇل ۆاليۋتالىق كٸرٸس بولادى, شارۋالارعا, فەرمەرلەرگە جاقسى تابىس الىپ كەلەدٸ. ٶز ەلٸمٸزدە ەت كٶلەمٸ نەمەسە باسقا دا تاۋار تاپشىلىعى بولسا, ەكسپورتتى شەكتەيتٸن ارنايى ينسترۋمەنت قاراستىرىلعان. ول ٷشٸن ۆەدومستۆوارالىق كوميسسييا قۇرىلعان, ولار تاپشىلىق بايقالعان كەزدە تيٸستٸ شەشٸم قابىلدايتىن بولادى», - دەپ تٷسٸندٸردٸ سۇلتانوۆ.
