قازاقستانداعى وتباسىلاردىڭ اراسىندا بالانىڭ 1 جاسقا دەيٸنگٸ كٷتٸمٸنە بايلانىستى ەلەۋمەتتٸك تٶلەم رەسٸمدەيتٸن ەركەكتەر سانى ارتىپ كەلەدٸ, دەپ حابارلايدى قازاقپارات.
«2016 جىلى اتالعان ەلەۋمەتتٸك تٶلەم الۋشىلاردىڭ جالپى سانىنىڭ 98 پايىزىن ەيەلدەر, تەك 2 پايىزىن ەركەكتەر قۇراعان بولاتىن. ال 2017 جىلى 1 جاسقا دەيٸنگٸ بالانىڭ كٷتٸمٸنە بايلانىستى كٸرٸسٸنەن ايىرىلعان جاعدايدا ەلەۋمەتتٸك تٶلەم الۋعا ٶتٸنٸم بەرگەندەردٸڭ جالپى سانىنىڭ 8 پايىزىن ەركەكتەر قۇرادى», - دەلٸنگەن قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ رەسمي ساۋالعا بەرگەن جاۋابىندا.
استانا قالاسىنىڭ تۇرعىنى يلزات سافارعاليەۆتٸڭ ايتۋىنشا, مۇنداي شەشٸم قابىلداۋىنا جۇبايىنا قاراعاندا ٶزٸنٸڭ جالاقىسىنىڭ جوعارى بولۋى سەبەپ بولعان.
ايتا كەتەرلٸگٸ, بالا دٷنيەگە كەلگەندە تٶلەنەتٸن تٶلەماقىنىڭ بٸرنەشە تٷرٸ بار. بٸرٸنشٸسٸ, جۇمىس ٸستەيتٸن ەيەلگە تيەسٸلٸ دەكرەتتٸك تٶلەماقى. ول بٸر-اق رەت بەرٸلەدٸ. ونى ەسەپتەۋدٸڭ ٶزٸندٸك ٷلگٸسٸ بار. تابىس مٶلشەرٸ ناقتى جۇمىس ٸستەگەن مەرزٸمٸنە قاراماستان بالا تۋعانعا دەيٸنگٸ سوڭعى جىلداعى ەلەۋمەتتٸك اۋدارىمدار بويىنشا انىقتالادى. تٶلەم مٶلشەرٸن سوڭعى جىلدىڭ ورتاشا ايلىق تابىسىن 10% مٶلشەرٸندەگٸ زەينەتاقى اۋدارىمدارىن شەگەرۋمەن ەڭبەككە جارامسىزدىق كٷندەرٸنٸڭ كوەففيتسيەنتٸنە كٶبەيتۋ ارقىلى بٸلۋگە بولادى. ورتاشا ايلىق تابىس جىل بويعى جالپى تابىستى 12 ايعا بٶلگەندە انىقتالادى. ەڭبەككە جارامسىزدىق كٷندەرٸنٸڭ كوەففيتسيەنتٸ جٷكتٸلٸگٸ جەنە بوسانۋىنا بايلانىستى دەمالىس كٷندەرٸنٸڭ سانىن 30 كٷنگە بٶلۋمەن انىقتالادى. سول سەبەپتٸ ماكسيمالدى كوەففيتسيەنت 126/30=4,2 تەڭەلەدٸ.
بالا تۋعانداعى بٸرجولعى جٶرگەكپۇل مٶلشەرٸ زاڭمەن بەكٸتٸلگەن. بٸرٸنشٸ, ەكٸنشٸ جەنە ٷشٸنشٸ بالاعا - 30 ايلىق ەسەپتٸك كٶرسەتكٸش (اەك), ال, تٶرتٸنشٸ, بەسٸنشٸ, التىنشى جەنە ت.ب. بالالارعا - 50 اەك تٶلەنۋگە تيٸس.
ال, سول بالانىڭ بٸر جاسقا دەيٸنگٸ كٷتٸمٸ ٷشٸن اي سايىنعى جەردەماقىنى الۋعا سەبيدٸڭ اناسى نەمەسە ەكەسٸ ٶتٸنٸش بەرە الادى.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, 2017 جىلدىڭ 9 ايىندا ەلەۋمەتتٸك ساقتاندىرۋ قورىنان جٷكتٸلٸك پەن بالا تۋعانى ٷشٸن 48 ملرد تەڭگە, 1 جاسقا دەيٸن بالا كٷتٸمٸ ٷشٸن 53 ملرد تەڭگە تٶلەنگەن.
