كوروناۆيرۋس ينفەكتسيياسىمەن كٷرەس اياسىندا جٷرگٸزٸلٸپ جاتقان ەپيدەميياعا قارسى ٸس-شارالارعا 23 468,5 ملن تەڭگە بٶلٸندٸ. بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا ٶتكەن قر ٷكٸمەتٸنٸڭ رەزەرۆٸنەن قاراجات بٶلۋ مەسەلەسٸنە ارنالعان باسپاسٶز كونفەرەنتسيياسىندا ايتىلدى, دەپ حابارلايدى قازاقپارات.
«ەپيدەميياعا قارسى ٸس-شارالارعا 23 468,5 ملن تەڭگە بٶلٸندٸ. ونىڭ ٸشٸندە جەكە قورعانىس قۇرالدارىن, دەزينفەكتسييالىق قۇرالدار, دەرٸ-دەرمەكتەر مەن مەديتسينالىق ماقساتتاعى بۇيىمداردى ساتىپ الۋعا 20 624,9 ملن تەڭگە, جىلۋ تٷسٸرگٸشتەر, زەرتحانالىق جابدىقتار مەن كوروناۆيرۋستى انىقتاۋعا ارنالعان سىناق جٷيەلەرٸن ساتىپ الۋعا - 2 712,5 ملن تەڭگە جەنە قىتايداعى قازاقستاندىق ازاماتتاردى ەۆاكۋاتسييالاۋ ٷشٸن - 131,1 ملن تەڭگە بٶلٸندٸ», - دەيدٸ قر قارجى مينيسترلٸگٸنٸڭ بٸرٸنشٸ ۆيتسە-مينيسترٸ بەرٸك شولپانقۇلوۆ.
ونىڭ ايتۋىنشا, اتالعان قاراجات اياسىندا ايماقتارعا جەكە قورعانىس قۇرالدارىن, دەزينفەكتسييالىق قۇرالدار, دەرٸ-دەرمەكتەر مەن مەديتسينالىق ماقساتتاعى بۇيىمداردى ساتىپ الۋعا ماقساتتى ترانسفەرتتەر 11 563,9 ملن تەڭگەنٸ قۇراعان.
«ونىڭ ٸشٸندە 30%-عا جۋىعى, ياعني 1 412,4 ملن تەڭگە - نۇر-سۇلتان قالاسىنا, 1 419,9 ملن تەڭگە - الماتىعا, 605 ملن تەڭگە - شىمكەنتكە باعىتتالدى», - دەيدٸ ول.
