Koronavirýs infektsiiasymen kúres aiasynda júrgizilip jatqan epidemiiaǵa qarsy is-sharalarǵa 23 468,5 mln teńge bólindi. Bul týraly ortalyq kommýnikatsiialar qyzmetiniń alańynda ótken QR Úkimetiniń rezervinen qarajat bólý máselesine arnalǵan baspasóz konferentsiiasynda aityldy, dep habarlaidy QazAqparat.
«Epidemiiaǵa qarsy is-sharalarǵa 23 468,5 mln teńge bólindi. Onyń ishinde jeke qorǵanys quraldaryn, dezinfektsiialyq quraldar, dári-dármekter men meditsinalyq maqsattaǵy buiymdardy satyp alýǵa 20 624,9 mln teńge, jylý túsirgishter, zerthanalyq jabdyqtar men koronavirýsty anyqtaýǵa arnalǵan synaq júielerin satyp alýǵa - 2 712,5 mln teńge jáne Qytaidaǵy qazaqstandyq azamattardy evakýatsiialaý úshin - 131,1 mln teńge bólindi», - deidi QR Qarjy ministrliginiń birinshi vitse-ministri Berik Sholpanqulov.
Onyń aitýynsha, atalǵan qarajat aiasynda aimaqtarǵa jeke qorǵanys quraldaryn, dezinfektsiialyq quraldar, dári-dármekter men meditsinalyq maqsattaǵy buiymdardy satyp alýǵa maqsatty transfertter 11 563,9 mln teńgeni quraǵan.
«Onyń ishinde 30%-ǵa jýyǵy, iaǵni 1 412,4 mln teńge - Nur-Sultan qalasyna, 1 419,9 mln teńge - Almatyǵa, 605 mln teńge - Shymkentke baǵyttaldy», - deidi ol.
