قازاقستاندا بٸر رەتتٸك ەلەكتروندى تەمەكٸمەن كٷرەس مەسەلەسٸ قولعا الىندى. بۇل تۋرالى قر ۇلتتىق ەكونوميكا مينيسترٸ ەسەت ەرعاليەۆ مەلٸم ەتتٸ, دەپ حابارلايدى قازاقپارات.
«بٸر رەتتٸك ەلەكتروندى تەمەكٸمەن كٷرەس مەسەلەسٸن دەنساۋلىق ساقتاۋ مينيسترلٸگٸمەن بٸرگە قاراستىرىپ جاتىرمىز. ەزٸرگە قاشان جەنە قالاي بولاتىنى تۋرالى ايتا المايمىن. بۇل جەردە مامانداردان بٶلەك, كەسٸپكەرلەردٸڭ دە پٸكٸرٸن ەسكەرۋ قاجەت. بارلىق جاقتىڭ ۇستانىمىن بٸلۋ ٷشٸن ۋاقىت كەرەك. سونىمەن قاتار بۇل مەسەلەگە قاتىستى ارنايى جۇمىس توبى جەنە دەپۋتاتتارمەن بٸرلەسكەن جۇمىس جٷرٸپ جاتىر», - دەدٸ ەسەت ەرعاليەۆ وكق-دە ٶتكەن باسپاسٶز مەسليحاتىندا.
ايتا كەتسەك, وسىدان 2 كٷن عانا بۇرىن مەجٸلٸستٸڭ جالپى وتىرىسىندا دەپۋتات مەدي احمەتوۆ بٸر رەتتٸك ەلەكتروندى تەمەكٸنٸڭ جاستار اراسىندا كەڭٸنەن تارالۋىنا الاڭداۋشىلىق تانىتقان ەدٸ.
«دٷكەن بىلاي تۇرسىن, ەلەۋمەتتٸك جەلٸنٸ اشساڭىز, نيكوتيندٸ تاۋاردى تەۋلٸك بويى ٷيٸڭٸزگە تەگٸن جەتكٸزٸپ بەرەتٸن پابليكتەردە, انونيمدٸ تەلەگرام كانالداردا جٷزدەگەن جارناما بار. تاپسىرىس بەرۋشٸنٸڭ جاسىن سۇراپ, باس قاتىرىپ جاتقان ەشكٸم جوق. وسىنىڭ سالدارىنان وقۋ جىلىنىڭ باسىنان وقۋشىلار اراسىندا تٷتٸنٸ بۋداقتاعان زيياندى شىلىمعا سۇرانىس ەسەلەپ ارتقان. تٸپتٸ, كەيبٸر مەكتەپتەردە جوعارى سىنىپ وقۋشىلارى باستاۋىش سىنىپتارعا بٸر رەتتٸك تەمەكٸنٸڭ قۇنىنا اقشا قوسىپ ساتىپ, ەۋەستەندٸرٸپ جٷر. ەلٸمٸزدٸڭ ۇلتتىق قوعامدىق دەنساۋلىق ساقتاۋ ورتالىعىنىڭ سوڭعى 2019 جىلعى زەرتتەۋلەرٸنٸڭ مەلٸمەتٸنە سٷيەنسەك, 11 جاستان 15 جاسقا دەيٸنگٸ ەلەكتروندى تەمەكٸ شەگەتٸن جاسٶسپٸرٸمدەردٸڭ سانى 3 ەسەگە, ال قىزدار اراسىندا 2 ەسەگە ٶسكەن. كٶش باسىندا 3,9 پايىز كٶرسەتكٸشپەن الماتىلىق جاسٶسپٸرٸمدەر تۇر. اتالعان زەرتتەۋ سوڭعى ەكٸ جىل جٷرگٸزٸلمەگەندٸكتەن, قازٸرگٸ جاعداي مٷلدە بەلگٸسٸز», - دەدٸ م. احمەتوۆ.
