بيىلعى جىلدىڭ ٷش توقسانىندا قازاقستاندا ەلەكتر ەنەرگيياسىن ٶندٸرۋ 83,6 ملرد كۆت/ساع-تى قۇرادى. بۇل بٸر جىل بۇرىنعىعا قاراعاندا 7,7% كٶپ, دەپ حابارلايدى قازاقپارات ranking.kz-كە سٸلتەمە جاساپ.
ەلەكتر ەنەرگيياسىن تۇتىنۋ - 7%, ياعني 2,9 ملرد كۆت/ساع-قا (وڭتٷستٸك ايماق بويىنشا 12% جۋىققا) دەيٸن ارتتى.
قازاقستاننىڭ ٷش ٶڭٸرٸندە - اتىراۋ, پاۆلودار جەنە سولتٷستٸك قازاقستان وبلىستارىندا ەلەكتر ەنەرگيياسى ارتىعىمەن قالىپ جاتسا, قالعان ٶڭٸرلەردە ەنەرگييا تاپشىلىعى بايقالادى. ولاردىڭ كٶبٸندە تۇتىنۋ ٶندٸرٸستەن بٸرنەشە ەسە اسىپ تٷسەدٸ.
جارىقتى تۇتىنۋ كٶلەمٸنٸڭ ۇلعايۋى ەلٸمٸزدٸڭ بارلىق ٶڭٸرٸندە تٸركەلگەن, ەڭ كٶبٸ — قىزىلوردا (جىلىنا 16,5%), باتىس قازاقستان (14,3%), اقمولا (14,2%), تٷركٸستان (12,7%) جەنە الماتى (11,4%) وبلىستارىندا.
ايتا كەتەيٸك, ەلەكتر ەنەرگيياسىن تۇتىنۋدىڭ مۇنداي ٶسٸمٸ ٶتكەن جىلعى كٶرسەتكٸشتەردەن كٷرت اسىپ تٷسەدٸ. 2020 جىلدىڭ ۇقساس كەزەڭٸندە ەلەكتر ەنەرگيياسىن تۇتىنۋ كٶلەمٸنٸڭ ٶسٸمٸ تەك 1,5%, 2019 جىلى — 1,6% قۇراعان بولاتىن.
تەك بيىلعى جىلدىڭ قىركٷيەك ايىندا سەكتوردا تۇتىنۋ كٶلەمٸ 8,7 ملرد كۆت/ساع-تى قۇرادى, بۇل 2020 جىلدىڭ قىركٷيەگٸنە قاراعاندا 7,5% كٶپ. ەڭ جوعارى جىلدىق ٶسٸم باتىس قازاقستان (28%), تٷركٸستان (15%) جەنە اقمولا (13%) وبلىستارىندا بايقالدى.
