تۇڭعىش پرەزيدەنت قورى دارىندى بالالار مەن جاستاردى كەشەندٸ قولداۋعا ارنالعان جوبالاردى ٸسكە اسىرا باستادى, دەپ حابارلايدى قازاقپارات تۇڭعىش پرەزيدەنت قورىنا سٸلتەمە جاساپ.
قازاقستان رەسپۋبليكاسى تۇڭعىش پرەزيدەنتٸ – ەلباسىنىڭ قورى ن.ە. نازارباەۆتىڭ تاپسىرماسىنا سەيكەس جاس تالانتتار مەن كٶشباسشىلاردى قولداۋ ماقساتىندا «ەل ٷمٸتٸ» جاڭا باستاماسى بويىنشا جۇمىس جٷرگٸزە باستادى.
تۇڭعىش پرەزيدەنت قورىنىڭ اتقارۋشى ديرەكتورى ەسەت يسەكەشەۆ: «ەل ٷمٸتٸ» باستاماسىنىڭ ميسسيياسى – بٸزدٸڭ دارىندى بالالارىمىز بەن جاستارىمىزدى, سونىڭ ٸشٸندە شەتەلدە تۇراتىن جاستاردى ٸزدەپ-تاۋىپ, قولداۋعا سەپتەسۋ. بٸز بۇل باستامانىڭ اياسىندا ەلٸمٸزدٸڭ جاستارىن بارىنشا قامتۋعا تىرىسامىز, ولاردىڭ ەرەكشەلٸگٸن, دارىندىلىعىن, عىلىمي جەنە كٶشباسشىلىق ەلەۋەتٸن ەسكەرە وتىرىپ, ەر بالاعا ٶزٸن-ٶزٸ دامىتۋعا تەڭ مٷمكٸندٸك بەرەمٸز», - دەپ اتاپ ٶتتٸ.
«ەل ٷمٸتٸ» باستاماسى اياسىندا تۇڭعىش پرەزيدەنت قورى ٷكٸمەتپەن, وبلىس ەكٸمدٸكتەرٸمەن, قوعامدىق بٸرلەستٸكتەرٸمەن, بٸلٸم بەرۋ جەكە ۇيىمدارىمەن, بيزنەس-قاۋىمداستىعىمەن جەنە قىزىعۋشىلىق بٸلدٸرگەن تاراپتارمەن بٸرلەسٸپ جۇمىس ٸستەمەك.
سەرٸكتەستەرمەن بٸرگە كەلەسٸ جوبالار جٷزەگە اسىرىلماق: دارىنداردى انىقتاۋ جەنە قولداۋ ورتالىقتارىن قۇرۋ; جاستار ٷشٸن كٶشباسشىلىق جەنە تۇلعالىق ٶسۋ باعدارلاماسىن جاساۋ جەنە جٷزەگە اسىرۋ; وليمپيادا جەڭٸمپازدارى مەن ولاردىڭ پەداگوگتارىن قولداۋ باعدارلاماسى; تالانتتار مەن كٶشباسشىلاردى قوساتىن بٸرٸككەن قاۋىمداستىق قۇرۋ; «IQanat» قورىمەن بٸرگە اۋىل بالالارىنا ارنالعان «مىڭ بالا» زيياتكەرلٸك دامۋ باعدارلاماسىن جٷزەگە اسىرۋعا كٶمەك كٶرسەتۋ.
جاس تالانتتار مەن ەرتٷرلٸ سالاداعى كٶشباسشىلاردىڭ (پاتريوتيزم, سپورتتىق جەتٸستٸكتەر, ەرٸكتٸلٸك, اكادەمييالىق جەتٸستٸكتەر) جان-جاقتى دامۋى ٷشٸن جۇمىستى كٷشەيتۋ ماقساتىندا جەكە ٶسۋ باعدارلاماسىنا بەلسەندٸ قاتىسقاندار ٷشٸن ماراپاتتاۋ باعدارلاماسى جاسالادى.
وسى مٸندەتتەردٸڭ ٸسكە اسىرىلۋىن ٷيلەستٸرۋ ٷشٸن قوردىڭ جانىندا «ەلباسى اكادەميياسى» قۇرىلادى. ول «ەل ٷمٸتٸ» باستاماسىن ٸسكە اسىرۋدى باسقارۋ جٶنٸندەگٸ وپەراتور رەتٸندە ەرەكەت ەتەدٸ.
«ەل ٷمٸتٸ» باستاماسىنىڭ اياسىندا ەدٸستەمەلەر, تاعىلىمدامالار باعدارلامالارى مەن گرانتتار ەزٸرلەنەدٸ.
بۇل ەربٸر ٶڭٸردە جىل سايىن اۋىلدار مەن شاعىن قالالاردان كەمٸندە 3 مىڭ دارىندى بالانى انىقتاپ, كەيٸنگٸ بٸلٸم بەرۋدە قولداۋ كٶرسەتەتٸن تالانتتاردى انىقتاۋ جەنە قولداۋ ورتالىقتارىن (17 ورتالىق) قۇرۋعا مٷمكٸندٸك بەرەدٸ.
بٸرٸنشٸ كەزەڭدە, ەكٸ جىل ارالىعىندا عىلىم, ەكونوميكا, مەدەنيەت, سپورت جەنە قوعامنىڭ باسقا دا باعىتتارىنىڭ مەملەكەتتٸك باسقارۋ سالالارىندا 500-دەن كەم ەمەس كٶشباسشى پۋلىن قالىپتاستىرۋ جوسپاردا بار.
دارىندى جاستار, كٶشباسشىلار مەن وقىتۋشىلارىنىڭ بٸرىڭعاي قوعامداستىعى قۇرىلادى.
باستامانى ۋاقىتىلى جەنە ساپالى ٸسكە اسىرۋ ٷشٸن تۇڭعىش پرەزيدەنت قورى مٷددەلٸ مەملەكەتتٸك ورگاندارمەن بٸرلەسٸپ «جول كارتاسىنىڭ» جوباسىن دايىندادى.
سونىمەن قاتار تۇڭعىش پرەزيدەنت قورى بٸلٸم بەرۋ جەنە جەكە تۇلعانى دامىتۋ بويىنشا جەكە قورلاردىڭ باستامالارىنا قولداۋ كٶرسەتەدٸ.
2019 جىلعى 1 تامىز كٷنٸ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆ قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى قورىنىڭ اتقارۋشى ديرەكتورى ەسەت يسەكەشەۆپەن كەزدەسۋ بارىسىندا «ەل ٷمٸتٸ» جەنە «قامقورلىق» باستامالارى بويىنشا ارنايى تاپسىرمالار بەردٸ.
«قور بٸرقاتار ٸس-شارالاردى جٷزەگە اسىرۋ ٷشٸن تيٸستٸ جۇمىس جٷرگٸزٸپ كەلەدٸ. بٸز تالانتتى جاستاردى جەنە دامۋىندا ەرەكشەلٸگٸ بار بالالاردى قولداۋعا باعىتتالعان «ەل ٷمٸتٸ» جەنە «قامقورلىق» اتتى جاڭا ەكٸ جوبانى ٸسكە اسىرۋدى باستايمىز. تالانتتى جاستارىمىز ەل ٸشٸندە جەنە شەتەلدە بٸلٸم الۋى ٷشٸن ولارعا كٶمەكتەسۋٸمٸز كەرەك. بۇل ٶتە پايدالى ەرٸ قاجەتتٸ جۇمىس. جالپى, قوردىڭ وسى باعىتتاعى جۇمىسىن جانداندىرۋ كەرەك», – دەدٸ قازاقستاننىڭ تۇڭعىش پرەزيدەنتٸ.
