فوتو: Pexels.com
قازاقستاندا ورمان تەلٸمباقتارىن قۇرۋ, ٶرت سٶندٸرۋ تەحنيكاسىن جاڭارتۋ جەنە جانۋارلاردى جەرسٸندٸرۋ سيياقتى اۋقىمدى ەكولوگييالىق شارالار قولعا الىنۋدا. ەكولوگييا جەنە تابيعي رەسۋرستار مينيسترلٸگٸ وسى باعىتتا جٷيەلٸ جۇمىستار جٷرگٸزٸپ كەلەدٸ, دەپ حابارلايدى Ult.kz.
ورمانداردى قورعاۋ جەنە تەحنيكالىق جاڭارتۋ
ورمانداردى قورعاۋ مەن ماتەريالدىق-تەحنيكالىق بازانى نىعايتۋ ماقساتىندا ٶرتكە قارسى جەنە ورمان ٶرت سٶندٸرۋ تەحنيكاسىن ساتىپ الۋعا ورتالىق بيۋدجەتتەن 5,4 ملرد تەڭگە بٶلٸندٸ. سونىمەن قاتار, جەرگٸلٸكتٸ قۇرىلىمدار تاراپىنان 6,7 ملرد تەڭگە قاراستىرىلدى. وسى قاراجاتقا تراكتورلار, ارنايى تەحنيكا مەن ٶرت سٶندٸرۋ جابدىقتارى ساتىپ الىنىپ جاتىر.
ورمان ٶرتتەرٸن ەرتە انىقتاۋ جٷيەسٸ "قازاقتەلەكوم" كومپانيياسىمەن بٸرلەسٸپ ەنگٸزٸلۋدە. بۇل جٷيە "جاسىل ايماق" جەنە "سەمەي ورمانى" سيياقتى 24 ورمان شارۋاشىلىعى اۋماعىندا سىناقتان ٶتۋدە.
جاڭا ورمان تەلٸمباقتارى
التى ٶڭٸردە جاڭا ورمان تەلٸمباقتارى قۇرىلىپ جاتىر. جالپى بيۋدجەتٸ – 21,2 ملرد تەڭگە. ەربٸر تەلٸمباققا 3,5 ملرد تەڭگە قاراستىرىلعان, ولار جىلىنا 6 ملن كٶشەت ٶسٸرۋگە قاۋقارلى بولادى. قۇرىلىس 2025 جىلى باستالادى. سونىمەن قاتار, بيوالۋانتٷرلٸلٸكتٸ ساقتاۋ تۇجىرىمداماسى ەزٸرلەنۋدە.
ەرەكشە قورعالاتىن تابيعي اۋماقتاردى كەڭەيتۋ
"مەركە" ٶڭٸرلٸك پاركٸ (86 مىڭ گا), "ارال" (471 مىڭ گا) جەنە "جايىق ورمانى" (46,9 مىڭ گا) رەزەرۆاتتارى قۇرىلۋدا. سونىمەن قاتار, ٷستٸرت, قاراتاۋ جەنە ٸلە-بالقاش ۇلتتىق پاركتەرٸن 648 مىڭ گەكتارعا كەڭەيتۋ جوسپارلانۋدا.
6 ەرەكشە قورعالاتىن تابيعي اۋماقتا باقىلاۋ ٶتكٸزۋ پۋنكتەرٸ اۆتوماتتاندىرىلىپ, ەلەكتروندىق تٶلەم جٷيەسٸ ەنگٸزٸلەدٸ. ورمانشىلارعا ارنالعان بٸلٸم بەرۋ ورتالىعى دا اشىلادى.
ەكولوگييالىق قوزعالىس جەنە جاسىلداندىرۋ جۇمىستارى
2024 جىلدان باستاپ پرەزيدەنتتٸڭ "تازا قازاقستان" باستاماسى جٷزەگە اسىرىلۋدا. ەكولوگييالىق شارالارعا 6 ملن ادام, ونىڭ ٸشٸندە 230 مىڭ ەرٸكتٸ قاتىستى. نەتيجەسٸندە 1,1 ملن توننا قوقىس جينالىپ, 1,6 ملن اعاش وتىرعىزىلدى.
2 ملرد تٷپ اعاش وتىرعىزۋ باستاماسى اياسىندا 2021 جىلدان بەرٸ 1,145 ملرد اعاش ەگٸلدٸ. سونىمەن قاتار, ارال تەڭٸزٸنٸڭ قۇرعاعان تابانىن كٶگالداندىرۋ ماقساتىندا 1,1 ملن گەكتارعا سەكسەۋٸل وتىرعىزۋ جوسپارلانعان.
قالدىقتاردى قايتا ٶڭدەۋ جەنە ەكوجوبالار
قاتتى تۇرمىستىق قالدىقتاردى قايتا ٶڭدەۋ باعىتىندا 238 ملرد تەڭگەگە 94 جوبا ەزٸرلەندٸ. بۇل باستامالار اياسىندا زاماناۋي پوليگوندار سالىنىپ, قالدىقتاردى بٶلەك جيناۋ جٷيەسٸ ەنگٸزٸلۋدە.
سيرەك كەزدەسەتٸن جانۋارلاردى جەرسٸندٸرۋ
جولبارىستاردى, قۇلانداردى جەنە پرجەۆالسكيي جىلقىلارىن تابيعاتقا قايتا جٸبەرۋ باعدارلامالارى جالعاسۋدا. بۇل شارالار قازاقستاننىڭ بيولوگييالىق ەرتٷرلٸلٸگٸن ساقتاۋ ماقساتىندا جٷرگٸزٸلۋدە.
